Genese 10:15 - MUKANDA WA MYIDI MUKULU

¹⁵ Kenaane kulela bana ba balume babidi: Sidone muanabute, ne muakunyende Ete.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Kanana wakalela Sidona muaba buta wandi ne Hete

Genese 10:15 Marejeleo ya Msalaba

Genese 23:3

Patshivua tshitalu tshia Sara katshiyi tshianji kujika, Abrahame kuya kudi ndelanganyi ya Ete, kubambila ne:

Genese 24:3

uditshipe mu dina dia Maweja-Nangila, Mvidi Mukulu wa diulu ne buloba, bualu kuena mua kukebela muananyi Izake mukaji wa mu ditunga dia Kenaane mundi muase emu to.

Genese 49:13

Zebulone nease ku muelelu wa mayi manene, muaba udi majuwa a mayi imanyina. Ditunga diende nedikale dialabale toone ku Sidone.

2 Samuele 11:3

Davide kukonka bantu bua mukaji awu. Kumuambilabu ne: “Mukaji ewu ke Batsheba, muana wa Eliyame, mmukaji wa Uriya, muena Iti.”

2 Samuele 24:6

Kubuelabu mu buloba bua Ngilaade, baya mu ditunga dia bena Iti, mu Kadeshe, mu Daneyane, mu misoku ivua nabu mutumba, bua kufika ku Sidone.

1 Kulondolola 1:13

Muanabute wa Kenaane uvua Sidone, balonda kudi Ete.

Ekesode 3:8

Ndi mufike bua kubasungidila kudi bena Ejipitu, kubumusha mu ditunga edi, kubabueja mu ditunga dialabale didi ne mabela ne buitshi bipite bungi. Ke ditunga didibu basombe mpindiewu kudi bena Kenaane, bena Iti, bena Amore, bena Perizi, bena Ivi ne bena Yebusa.

Ekesode 34:11

“Wewe Moshe, ukumbaje malu onsu andi mukuambile lelu aa. Meme nenkuipatshile bena Amore, bena Kenaane, bena Iti, bena Perizi, bena Ivi ne bena Yebusa.

Yeshaya 23:4

Nuenu bena Sidone, nudi mua kumvua bundu, ne nuenu kabidi bena tshimenga tshia Tire tshivuabu bakoleshe ne bimana. Mayi manene, adi kaayi amona matu, adi amba ne: “Ndi bu mamu uvua kayi mumvue makenga, kayi mulele bana, kayi mukele bana ba balume, kayi mukoleshe bana ba bakaji.”

Yirmeya 47:4

Ke dituku didibu ne bua kubutula bena Peleshete bonsu, nanku muntu nansha umue kakushala bua kuambuluisha bena Tire ne bena Sidone. Maweja-Nangila udi ubutula ditunga dijima dia bena Peleshete, ndelanganyi ya bantu aba bavua bafume ku tshidila tshia Kaftore.

Yezekiyele 27:8

Uvua muangate bantu ba mu Sidone, ne ba mu Arvade ku mudimu wa kuita matu. Bantu ba muebe mu Tire bavua bamanye bimpe mudimu wabu, bavua bendesha majuwa.

Yezekiyele 28:21

— Yezekiyele, tangila ku tshimenga tshia Sidone. Wambila bena tshimenga mundi mbakanyina.

Yoshua 11:8

Maweja-Nangila kufila baluishi aba mu bianza bia bena Izrayele. Bobu kubalondakaja too ne mu thimenga tshinene tshia Sidone tshidi ku mutu, ne ku Misrefote-Mayime, ne mu tshibandabanda tshia Mispa luseke ludi diba dipatukila. Bena Izrayele kubutula baluishi bonsu. Kabawa bashiye muntu nansha umue ne muoyi.

1 Samuele 26:6

Davide kubikila Akimeleke, muena Iti, ne Abishayi. (Abishayi ne Yowabe bavua bana ba Seruya, yayende wa Davide). Davide kubakonka ne: — Nnganyi wa kunudi utudi mua kuya nende too ne ku mitanda ya Shawule? Abishayi kuitaba ne: — Netuye nebe.