Genese 10:10 - MUKANDA WA MYIDI MUKULU

¹⁰ Bimenga binene bia kumpala bivua ku bumfumu buende bivua: Bahele, Ereke, Akade ne Kalne mu ditunga dia Babilone.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Tshibangidilu tshia bukelenge buandi tshiakadi Babela ne Eleke ne Akada ne Kalene mu buloba bua Shinâ.

Genese 10:10 Marejeleo ya Msalaba

Genese 10:9

Uvua kabidi tshilembi tshia bushuwa, muikale ne bukole bua kudi Maweja-Nangila. Biakashala bu makumbu ne: “Maweja-Nangila akuambuluishe bua wikale tshilembi bu Nimrode.”

Genese 11:2

Kadi bumuke ku luseke ludi diba dipatukila, kusanganabu mpata munene mu ditunga dia Babilone. Kuasabu muaba awu.

Genese 11:9

Badi babikila tshimenga atshi ne: Babele, bualu Maweja-Nangila uvua mubondakajilamu miakulu ya bisamba bionsu. Kabidi uvua mumuangalajilamu bantu pa buloba bujima.

Genese 14:1

Mu tshikondu atshi, bakalenga banayi, Amrafele, mukalenga wabena Babilone, Ariyoke, mukalenga wa bena Elazare, Kedorlayomere, mukalenga wa bena Elame, ne Tidale, mukalenga wa bena Ngoyime,

Yeshaya 10:9

Meme kukuata tshimenga tshia Kalne, kukuata ne tshia Karkemishe. Meme kukuata tshimenga tshia Amate, kukuata tshia Arpade, kukuata Samariya, kukuata Damase.

Yeshaya 11:11

Dituku adi Maweja-Nangila neenze tshiakabidi muende muonsu, bua kupikula bantu bende. Neapingaje kuabu bavua bashale ne muoyi mu ditunga dia Ashure ne dia Ejipitu, mu ditunga dia Patrose ne dia Kushe, mu Elame ne mu Babilone, mu Amate wa bena Arame, ne mu matunga a ku muelelu wa mayi manene.

Yeshaya 39:1

Tshikondu atshi, mukalenga wa Babilone, Merodake-Baladane, muana wa Baladane, kumvuaye lumu lua disama dia Izkiya. Kumvuaye kabidi ne: Izkiya ukadi musanguluke. Nanku kutuminaye Izkiya bantu, bavua bamutuadila mukanda, ne bintu bia kumusankisha nabi.

Yirmeya 21:2

— Yirmeya, bu wewe musue, utukonkele Mvidi Mukulu, bualu Nebukadnesare, mukalenga wa bena Babilone, udi udiluisha. Ulombe Maweja-Nangila bua adienzele tshishima, bu muvuaye muenze kale, bua bena Babilone batushile muaba bumuke.

Yirmeya 50:1

Maweja-Nangila uvua mumanyishe Yirmeya mukenji udi utangila bena Babilone ne tshimenga tshiabu tshinene tshia Babilone wamba ne:

Yirmeya 50:21

Maweja-Nangila udi wamba ne: Nuye kuluisha ditunga dia Maratime, nuluangane ne bena mu Pekode, nubashipe, nubabutule bonsu. Nukumbaje bionsu bimvua munutumine diyi.

Yezekiyele 27:23

Bimenga ebi, Arane, Kane, ne Edene, bivua bisumbishangana nebe bintu, kabidi ne bangenda mushinga ba mu Saba, bimenga bia mu Ashure, ne bia mu Babilone.

Danyele 1:2

Maweja-Nangila kufila Yoyakime mu bianza bia Nebukadnesare, kabidi ne bintu bikuabu bia tshijila bia mu nzubu wa Mvidi Mukulu. Nebukadnesare kuya ne bena lukanu mu Babilone, kuteka bintu bia tshijila abi mu nzubu wa mvidie yende, mu tshibambalu tshia kulamina bintu.

Amosa 6:2

Nuanji kuya ku Kalne, numone bivua bienzekaku. Pashishe nupitshile ku tshimenga tshinene tshia Amate. Nutungunuke too ne ku Ngate, tshimenga tshia bena Peleshete. Nenujadike ne: kanuena nupita makalenga aa nansha, nansha buloba buawu buikale bushadile ku buenu.

Mika 4:10

— Eyowa! Nudinyenge, bu mudi mukaji udi ukeba kulela. Nenupatuke mu tshimenga, nenusombe mu madimi, nenuye too ne mu Babilone. Amu muaba awu ke udibu banusungidila. Maweja-Nangila neanupandishemu kudi baluishi benu.

Mika 5:6

— Bena Izrayele badi bashala ne muoyi munkatshi mua bisamba bia bungi, nebikale bu lumuma ludi Maweja-Nangila ulokesha, bu mvula ulokela pa bisosa. Kabena balomba bantu tshintu, badi batekemena amu Maweja-Nangila.

Zekâya 5:11

Kungandamunaye ne: — Badi baya natshi ku Mezopotamiya. Nebatshiashile nzubu, pashishe nebatshienzele tshibumba, bua kutshitekapu.