Genese 1:6 - MUKANDA WA MYIDI MUKULU

⁶ Dituku dibidi Mvidi Mukulu kuamba ne: “Tshibuashibuashi tshienzeke munkatshi mua mayi, bua kupandulula mayi adi muinshi ne adi mulu!”

Mukanda wa Nzambi Dihungila Dikulukulu ne Dihungila Dihia-dihia 2003

⁶ Nzambi wakamba ne, Mulu muikale hankatshi ha mai a ha buloba ne mai a mu diulu.

Genese 1:6 Marejeleo ya Msalaba

Genese 1:14

Dituku dinayi Mvidi Mukulu kuamba ne: “Mulu muikale bimunyi bua kuleja dishilangana dia munya ne butuku. Bimunyi abi bikale bimanyinu bia matuku, bidimu ne bikondu bia bibilu,

Genese 1:20

Dituku ditanu Mvidi Mukulu kuamba ne: “Mu mayi muikale minyinyi mishilangane, kabidi nyunyi ibuke mulu mu tshibuashibuashi!”

Yobe 26:13

Udi wela mupuya, utokesha tshibuashibuashi. Tshianza tshiende tshivua tshishipa nyoka wa mantonya,

Yobe 37:11

Mvidi Mukulu udi uwuja mavuba ne mayi, watuma ne mikenya ya mvula munda muawu.

Yobe 37:18

Nanku wewe uvua mua kuambuluisha Mvidi Mukulu, diba divuaye mufuke tshibuashibuashi tshikole bu lumuenu, luenza ne tshiamu anyi?

Misambu 104:2

Udi muvuale butoke bu tshinkutu, udi muadije diulu bu ntenta.

Misambu 148:4

Tshibuashibuashi tshia mulu, nuenu kabidi mayi adi madiunguije mulu, numutumbishe.

Misambu 150:1

Tumbishayi Maweja-Nangila, Aleluya! Tumbishayi Mvidi Mukulu mu nzubu wende wa tshijila. Nutumbishayi mu diulu mudi makole ende!

Misambu 19:1

Musambu wa mu mukanda wa misambu ya Davide, wa mu mukanda wa mulombodi wa bena misambu.

Misambu 19:2

Diulu didi dileja ne: Mvidi Mukulu mmunene. Bia kulu bionsu bidi bimanyisha bidiye muenze.

Misambu 33:6

Maweja-Nangila mmufuke diulu ku muaku wende, mmufuke bia mulu bionsu ku mueyelu wa mukana muende.

Misambu 33:9

Udi wakula, etshi tshienzeka! Utuma diyi, tshiatshia tshipatuka!

Muambi 11:3

Kudi mutshi mukubikile ke kudiwu ushadila. Padi mavuba muwule ne mayi, mvula udi uloka.

Yeshaya 40:22

Ke Maweja-Nangila udi usomba mu nkuasa wende, kulu kule ku mutu kua buloba. Udi umona bantu pa buloba, bamueneka bu tunkenene. Udi ubalula diulu, bu tshilamba tshinene tshidibu bakudika. Udi utshibalula bu ntenta, bua bantu basombe muinshi muatshi.

Yirmeya 10:10

Kadi, Maweja-Nangila udi Mvidi Mukulu mulelela. Udi Mvidi Mukulu wa muoyi ne mukalenga wa kashidi. Padiye ne tshiji, buloba budi buzakala. Padiye mufike munda, bisamba bia bantu kabiena mua kumutuila nkanana.

Yirmeya 51:15

Maweja-Nangila mmuleje bukole buende pa kufuka buloba. Mmuleje lungenyi luende, bualu mmushidike buloba ne bionsu bidimu. Diulu dialabale didi dileja meji adiye nawu.

Zekâya 12:1

Maweja-Nangila mmutume mukenji udi utangila bena Izrayele. Maweja-Nangila uvua mubalule diulu, muteke buloba pa bitaku biabu, mupeshe muntu mueyelu ne muoyi, udi wamba ne:

2 Petro 3:5

mBapue muoyi ku bukole muvua Mvidi Mukulu muakule ku kale, mufuke diulu ne buloba ku muaku wende. Bavua bapatule buloba mu mayi; mpindiewu budi bulelemapu.