Filipe 4:20 - MUKANDA WA MYIDI MUKULU

²⁰ Mvidi Mukulu Tatu wetu atumbe kashidi tshiendelele. Amene.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Butumbi buikale kudi Nzambi wetu Tatu ku bikondo ne ku bikondo. Amen.

Filipe 4:20 Marejeleo ya Msalaba

Misambu 115:1

Maweja-Nangila kabatutumbishi tuetu, kabatutumbishi to, bakutumbishe amu wewe. Bualu wewe udi utunanga, muikale kabidi muena diyi dimue.

Misambu 72:19

Tuele Mvidi Mukulu tuasakidila! Lumu luende ndunene! Butumbi buende bumueneke mu buloba bujima! Amene, eyo, bikale nanku!

Matayi 28:20

Nubalongesha kabidi mua kukumbaja bionsu bimvua munuambile. Manyayi ne: Meme nengikale nenu matuku onsu, too ne ku ndekelu kua bidimu.

Matayi 6:9

Nutendelele mushindu ewu: “Tatu wetu udi mu diulu, dina diebe dia tshijila ditumbe;

Rome 11:36

Bualu bionsu bidi bifuma kudiye. Bionsu bidiku ku bukole buende, kabidi bualu buende. Mvidi Mukulu atumbe kashidi tshiendelele! Amene.

Rome 16:27

Mvidi Mukulu, udi nkayende muena meji, utudi bamanye kudi Yezu Kristu, atumbe kashidi tshiendelele! Amene.

Efeze 3:21

Atumbe mu Tshisumbu tshia bena ditaba, ne mu Yezu Kristu, mu bikondu bionsu, kashidi ne kashidi! Amene.

Filipe 1:11

Diba adi amu malu enu mimpe, avua Yezu Kristu muenze nenu, bua kutumbisha ne kunemeka Mvidi Mukulu, neikale biuma bienu.

Filipe 4:23

Dinanga dia Mfumu Yezu Kristu dishindame munda muenu bonsu.

1 Timote 1:17

Lumu ne butumbi bikale kashidi tshiendelele kudi Mukalenga wa kashidi, udi kayi ufua, kayi umueneka, udi Mvidi Mukulu umue epele! Amene.

Yuda 1:25

Mvidi Mukulu umuepele awu uvua mutupandishe kudi Yezu Kristu, Mfumu wetu. Butumbi, bukole, buneme ne bumfumu bidi kudiye, biangatshile ku ntuadijilu wa bidimu, lelu ne kashidi tshiendelele. Amene.

Didimanyisha 1:6

mMutuenze bakalenga ne batuangaji, bua tukuatshile Tatuende Mvidi Mukulu mudimu. Yezu Kristu udi ne butumbi, kabidi ne bukole, mu nkama ne nkama ya bidimu! Amene.

Didimanyisha 11:13

Diba adi, tshikumina tshikole kuenzeka. Tshia dikumi tshia tshimenga kupuka. Bantu binunu muanda mutekete kufua ku tshikumina atshi. Bavua bashale ne muoyi kutshina bikole. Kutumbishabu Mvidi Mukulu wa mu diulu.

Didimanyisha 14:7

Uvua wamba ne diyi dikole ne: “Tshinayi Mvidi Mukulu, mutumbishayi! Bualu diba didiye ulumbuluisha bantu ndimane kukumbana. Kukuilayi Mufuki wa diulu, wa buloba, wa mayi manene, ne wa mpokolu ya mayi.”

Didimanyisha 5:12

Bavua bimba ne diyi dikole ne: “Muana wa mukoku uvuabu bashipe, udi muakanyine kupeta bumfumu, bubanji, meji ne bukole, kanemu, lumu ne butumbi!”

Didimanyisha 7:12

bamba ne: “Amene! Lumu, butumbi, meji, diela tuasakidila, kanemu, dikanda, ne bukole, bikale kudi Mvidi Mukulu wetu kashidi ne kashidi! Amene.”