Ekesode 9:23 - MUKANDA WA MYIDI MUKULU

²³ Moshe kuela dikombu mulu. Maweja-Nangila kulokesha mvula mukole wa makubakuba ne wa mabue.

Mukanda wa Nzambi Dihungila Dikulukulu ne Dihungila Dihia-dihia 2003

²³ Mose wakolola mulangala wandi mulu ne Yehowa wakatuma makubakuba ne mabue a nvula, miele ya nvula yakakuma ha buloba, Yehowa wakama tshisha mabue a nvula ha buloba bua Ejipitu.

Ekesode 9:23 Marejeleo ya Msalaba

Genese 19:24

Diba adi Maweja-Nangila kulokesha mu Sodome ne Ngomore mvula wa kapia kakole ka mfundanga, kela ndimi.

Yobe 37:13

Mvidi Mukulu udi ukumbaja tshidiye musue pa buloba, nansha bua kunyoka muntu, nansha bua kumuenzela bimpe.

Misambu 147:17

Udi unyaka tubue tua mashika, kakuyi muntu ukolela mashika adiye utuma.

Misambu 148:8

nuenu kabidi kapia ne mabue a mvula, neje ne dibungi, tshipepele tshidi tshitumikila diyi diende, numutumbishe.

Misambu 18:13

Mabue a mvula ne makala a kapia, avua apatuka bu butoke buvua kumpala kuende, apanda mavuba makuatakane.

Misambu 29:3

Mvidi Mukulu wa lumu udi ukungula. Diyi dia Maweja-Nangila didi diumvuika pa mayi. Maweja-Nangila udi uleja pa mayi manene, mudiye ne bumfumu.

Misambu 77:18

Mavuba akapatula muenji mukole, munkatshi mua mayi muvua mikungulu ya mvula, miketa yebe ivua ipitakana nseke yonsu.

Ekesode 19:16

Nanku, dituku disatu dinda, makubakuba ne miele ya mvula kumvuika ku mukuna. Pashishe divuba dinene kumueneka ku mukuna. Bantu bonsu bavua mu mitanda, bumvue kabidi muadi mukole wa mpungi, kuzakala bikole.

Ekesode 20:18

Bantu bonsu bumvue makubakuba ne miadi ya mpungi, bamone kabidi miela ya mvula ne muinshi ufuima ku mukuna, kutshinabu, kuzakalabu, kuimanyinabu pa bule.

Ekesode 9:18

Nanku, malaba pa diba edi, nendokeshe mvula mukole wa mabue, udi kayi muanji kuloka mu ditunga dijima dia Ejipitu too ne mpindiewu.’

Ekesode 9:24

Mvula mukole wa mabue ne makubakuba wa nanku katshia kavua muanji kuloka mu ditunga dia Ejipitu.

Yeshaya 30:30

Maweja-Nangila neakule. Bantu nebumvue bukole bua diyi diende. Nealeje mudiye ne diboku dia bukole, dia kunyoka nadi bantu. Nealeje bantu patoke, mudi tshiji tshiende tshikole. Neabatumine kapia, kadi kosha kashidisha. Neabatumine mvula wa mudimbi, wa mabue, ne nkuba.

Yezekiyele 38:22

Nembatumine bipupu bia masama a tshiambu. Nembashipe. Neanulokeshile mvula wa tshipupu, wa mabue, ne wa kapia, pambidi pebe wewe, pa tshiluilu tshiebe, ne pa bantu ba mu bisamba bivule biudi nabi.

Yoshua 10:11

Pavua bena Amore banyema bena Izrayele, bapuekela luseke lukuabu lua mukuna wa Bete-Orone, Maweja-Nangila kubatokeshila mvula mukole wa mabue. Mvula awu kukuatshila bena Amore too ne mudibu bafika ku Azeka. Bantu balume bavua bafue ku mabue a mvula awu bavua ba bungi, bapite bavua bena Izrayele bashipe ku miele mu mvita.

Didimanyisha 16:18

Ke mikenya, mitoyi, makubakuba, ne tshikumina tshikole kuenzekabi. Tshikumina tshikole tshia nanku ki ntshianji kuenzeka, katshia bafuka bantu! Buloba kuzakala bikole bipite.

Didimanyisha 16:21

Mvula wa mabue kuloka, mabue a bujitu bua kilo bu makumi anayi. Kutuutawu bantu. Bu muvua tshipupu tshia mabue atshi tshikole tshipite, bantu bavua amu basendeka Mvidi Mukulu.

Didimanyisha 8:7

Mutumibue wa kumpala kuela mpungi. Mvula wa mabue ne kapia, bisambakana ne mashi, kulokabi pa buloba. Tshia bisatu tshimue tshia buloba, tshia mitshi, ne bisosa bibishi bionsu kupiabi.