Ekesode 9:14 - MUKANDA WA MYIDI MUKULU

¹⁴ Mpindiewu ndi mujadike bua kukutumina makenga a mishindu yonsu, wewe ne balombodi ba bukalenga kabidi ne bantu bebe bonsu, bua ujadike ne: pa buloba bujima kakuena mukuabu, amu meme!

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Musangu eu nentume milau yanyi yonso ku mutshima webe ne kudi bena mudimu bebe ne kudi bantu bebe, bua kukumanyisha ne, Kakuena nzambi mukuabo bu meme mu buloba buonso.

Ekesode 9:14 Marejeleo ya Msalaba

2 Samuele 7:22

Maweja-Nangila Mvidi Mukulu wanyi, wewe udi muena bukole buonsu! Kakuena mukuabu udi bu wewe. Ke mutudi bumvue bantu bonsu bamba nanku.

1 Bakalenga 8:38

padi bantu bebe, bena Izrayele, badiunwue ne: tudi benza bibi, banyingalala, padibu bakutendakena, batangila ku nzubu eku, bela bianza mulu bua kukutendelela,

1 Kulondolola 17:20

Maweja-Nangila, kakuena udi mukufuane, kakuena Mvidi Mukulu mukuabu, amu wewe. Ke mutudi bumvue bantu bamba.

Misambu 86:8

Maweja-Nangila, kakuena mvidie umue udi bu wewe, kakuena mvidie udi mua kuenza biudi wewe wenza.

Ekesode 15:11

Maweja-Nangila, ku mvidie idibu batendelela, udi ukufuana nnganyi? Kakuena udi wa tshijila, amu wewe! Kakuena mukuabu udi mua kuenza malu a kukema! Kakuena mukuabu utudi ne bua kutshina. Kakuena mukuabu utudi tutumbisha.

Ekesode 8:10

Kukungujabu ndimba ayi mishiki ne mishiki. Ditunga dijima kununkadi mupuya mubi.

Ekesode 8:6

Mukalenga wa bena Ejipitu kumuambila ne: — Undombele malaba. Moshe kumuambila ne: — Nebikuenzekele muudi ulomba anu bua ujadike ne: kakuena utudi mua kufuanyikija ne Maweja-Nangila Mvidi Mukulu wetu.

Ekesode 9:15

Bu meme mukutumine wewe ne bantu bebe disama dikole dia tshiambu, bonsu nuvua mua kuikala bamane kubutuka.

Yeshaya 45:5

Maweja-Nangila ke meme, kakuena mukuabu to. Kakuena Mvidi Mukulu mukuabu, amu meme. Kuena mummanye to. Kadi ndi nkuangata ku mudimu.

Yeshaya 46:9

Nuvuluke malu enu a kale. Meme ke Mvidi Mukulu, kakuena mukuabu. Kakuena Mvidi Mukulu mukuabu udi bu meme.

Yirmeya 10:6

Maweja-Nangila, kakuena mukuabu bu wewe, wewe udi munene. Bantu badi bamanye bunene ne bukole buebe.

Yirmeya 10:7

Nanku bantu bonsu badi ne bua kukunemeka, wewe mukalenga wa bisamba bionsu bia pa buloba. Bualu bukalenga buonsu mbuebe wewe. Munkatshi mua bena meji bonsu ba pa buloba, munkatshi mua bakalenga bonsu, kamuena mukuabu bu wewe.

Yirmeya 19:8

Tshimenga etshi netshi kemeshe bantu bonsu. Bapitshi ba mu njila nebazakale. Nebele mbila ya bowa, patangilabu muvuabu banyange tshimenga etshi.

Danyele 5:21

Bakamuipata munkatshi mua bantu, bamupuekesha milongu ya nyama. Kusombaye ne nyama ya mpunde ya mu tshisuku. Kudiaye bisosa bu ngombe. Mubidi wende kubola ne lumuma, too ne pakamanyaye ne: Mvidi Mukulu, Muena kulu, ke udi mfumu wa makalenga a bantu, ke udi upesha muntu udiye musue bukalenga.

Lewitiki 26:18

“Padi bionsu ebi binuenzekela kanuyi nungitaba, nanku nemvudije makenga enu awu misangu muanda mutekete, bua malu mabi anudi benza.

Lewitiki 26:21

“Panudi anu numbenga kanuyi nungitaba, meme nemvudije kabidi makenga enu misangu muanda mutekete.

Lewitiki 26:28

meme nennufikile munda, nnuluisha. Nemvudije dikenga dienu tshiakabidi misangu muanda mutekete.

Mika 6:13

Nenku, ndi mubange kununyoka, nennubutule, bua malu mabi enu.

Dielulula 3:24

“Maweja-Nangila Mvidi Mukulu wanyi, udi mudianjile kundeja butumbi ne bukole buebe. Kakuena mvidie, pa buloba nansha mu diulu, udi ne bukole bua kuenza malu a dikema, bu muudi wenza wewe.

Dielulula 4:35

Nuenu nudi bena diakalenga, bualu nuakumona bionsu ebi, bua nujadike ne: Maweja-Nangila nkayende ke Mvidi Mukulu, kakuena mvidie mukuabu, amu Yeye.

Didimanyisha 18:8

Ke padi bipupu bionsu, bidibu bamulamina, ne bua kumukuata dituku dimue: disama dia lufu, madilu, ne tshiyole tshia nzala. Kapia nekamubutule. Bualu Maweja-Nangila udi umulumbuluisha, udi ne bukole.”

Didimanyisha 22:18

Meme Yowanane, ndi mbela bantu bonsu badi bumvua miaku ya muambi idi mu mukanda ewu ne: pikala muntu musakidile tshintu ku miaku eyi, Mvidi Mukulu neasakidile ku dinyoka diende bipupu bidibu bafunde mu mukanda ewu.

1 Samuele 4:8

Eyowa tudi bena diakabi! Nganyi udi mua kutusungidila kudi Mvidi Mukulu ewu wa bukole, uvua mukengeshe bena Ejipitu ne bipupu bia mishindu ne mishindu mu tshipela?