Ekesode 8:26 - MUKANDA WA MYIDI MUKULU

²⁶ Moshe kumuka kua mukalenga wa bena Ejipitu bua kuya kutendelela Maweja-Nangila.

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Mose wakamba ne, Katuena mua kuenza nunku, bituashihela Yehowa Nzambi wetu nyama, netuenze bualu budi bufuisha Bena Ejipitu bundu, bituenza bualu budi bufuisha Bena Ejipitu bundu ku mesu, bobo kabena batukuma ne mabue, anyi?

Ekesode 8:26 Marejeleo ya Msalaba

Genese 43:32

Kadi Yozefe uvua udiila ku ende mesa pa nkayende, bana babu ku makuabu mesa. Bena Ejipitu bavua Yozefe mubikile, kudia kabidi pa nkayabu. Bualu malongesha abu a pa malu a Mvidi Mukulu avua makandike bena Ejipitu bua kudiila pamue ne bena Ebrewu.

Genese 46:34

numuambile ne: tuetu katshia bandela, mudimu wetu udi anu wa kumuna bimuna bu muvua bankambua betu benza. Nanku mukalenga wa bena Ejipitu neitabe bua nusombe mu Ngoshene. Yozefe uvua muambe nanku, bualu bena Ejipitu badi bapepeja bamunyi ba bimuna.

2 Bakalenga 23:13

Yoshiya kunyangakaja miaba ya kutendelela ivua mukalenga Shelomu muibake kuinshi kua mukuna wa Olive, udi mutangilangane ne tshimenga tshia Yerushalayime. Miaba ayi, bavua batendelela Astarte, mvidie mukaji wa buenzayi wa bena Sidone, Kemoshe, mvidie muena buenzayi wa bena Mowabe, kabidi Milkome, mvidie mubi wa bena Amone.

Ezela 9:1

Malu awu mamane kupita, bamfumu bakuabu ba bena Izrayele kufika, bangambila ne: — Nansha bantu ba patupu, nansha batuangaji ne bena Levi, kabena bashiyangane ne bena ditunga to. Badi batendelela mvidie ya tshianana, badi balonda bibidilu bibi bia bena Kenaane, bena Iti, bena Perizi, bena Yebusa, bena Amone, bena Mowabe, bena Ejipitu ne bena Amore.

Ekesode 3:18

Bena Izrayele nebitabe malu audi ubambila. Pashishe wangate bakulu ba bena Izrayele, uye nabu kudi mukalenga wa bena Ejipitu, umuambile ne: “Maweja-Nangila, Mvidi Mukulu wa bena Ebrewu, Mvidi Mukulu wetu mmutumuenekele. Nanku tudi tukusengelela se: wanyishe bua tuye mu tshipela, tuenze luendu lua matuku asatu bua kumulambula milambu.”

Ekesode 8:8

Moshe ne Arone kushiyangana ne mukalenga wa bena Ejipitu. Moshe kutendelela Maweja-Nangila bua umushe ndimba iwaye mutumine mukalenga wa bena Ejipitu.

Yeshaya 44:19

Muntu nansha umue wa kudibu kena wela meji. Muntu nansha umue kena ne lubatshi, nansha ne lungenyi lua kuamba ne: “Mvua muoshe tshitupa tshia mutshi ewu. Mu mbabula, meme kulamba biakudia, kuosha munyinyi undi ndia ewu. Kadi ne tshitupa tshia mutshi tshidi tshishala, ndi mua kuenza mvidie udibu batendelela anyi? Akia! Nkadi nginamina tshitupa tshia mutshi!”