Ekesode 8:14 - MUKANDA WA MYIDI MUKULU

¹⁴ Benji ba bilengulengu ba bena Ejipitu kuidikija mua kuipata tumue atu, ku majimbu abu. Kadi kupangilabu. Tumue tuvua tusuma amu kusuma bantu ne nyama.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Bakabisangisha mu bisumbu, ne buloba buakanunka muhuya mubi.

Ekesode 8:14 Marejeleo ya Msalaba

1 Bakalenga 18:26

Bambi ba Baale, kuangata ngombe uvuabu babapesha. Kulongololabu mulambu. Pashishe, kulombabu kapia kudi Baale biangatshile ku dinda too ne munda munya, bamba ne: “Mvidie Baale wetu utuitabe!” Bavua baja maja, banyunguluke tshilambuilu tshivuabu bibake. Kadi, mvidie Baale kena mubandamune diyi nansha dimue to.

1 Bakalenga 18:29

Diba dia munda munya dimane kupita, kubikilabu kabidi mvidie Baale bikole, bamutendakena too ne ku dilolu diba didibu balambula. Kadi, mvidie Baale kena mubandamune diyi nansha dimue: kena mubambile bualu, kena mubaleje nansha tshimanyinu to.

Ekesode 7:21

Minyinyi ya mu mayi yonsu kulua. Mayi a mu musulu wa Nile kununka mupuya mubi, bena Ejipitu kabayi mua kunua mayi awu kabidi to. Mashi avua mu ditunga dionsu dia Ejipitu.

Ekesode 8:13

Moshe ne Arone kuenza bionsu abi. Arone kutuuta dikombu panshi. Lupuishi kuandamuka tumue mu ditunga dionsu dia Ejipitu. Tumue atu tuvua tusuma bantu ne nyama.

Ekesode 8:15

Benji ba bilengulengu bamone nanku, kuambilabu mukalenga wa bena Ejipitu ne: — Ebi bidi bienzeka ku bukole bua Mvidi Mukulu. Kadi mukalenga wa bena Ejipitu uvua anu ne tshitunu. Kubengaye diyi dia Moshe ne Arone bu muvua Maweja-Nangila mudianjile kuamba.

Ekesode 8:24

Mukalenga wa bena Ejipitu kuandamuna ne: — Nuambi bimpe, ndi nnutekela, nuye kulambula Maweja-Nangila Mvidi Mukulu wenu milambu mu tshipela. Nuatendelelaku bualu buanyi. Kadi kanuyi mutantshi mule to.

Ekesode 9:11

Bena majimbu ba bena Ejipitu kupanga mushindu wa kumonangana ne Moshe, bualu bavua ne maputa bu bena Ejipitu bonsu.

Yeshaya 19:11

Balombodi ba mu tshimenga tshia Sowane, mbantu bapale. Bafidi ba ngenyi ba mukalenga wa bena Ejipitu, mbafile meji a tshianana. Kadi mmunyi mudi yonsu wa kunudi mua kuambila mukalenga wa Ejipitu ne: “Meme ndi muana wa muena meji, meme ndi lulelu lua mukalenga wa kale?”

Yeshaya 34:2

Maweja-Nangila udi mufikile bisamba bionsu bia bantu munda. Udi ne tshiji bualu buabi. Maweja-Nangila mmumane kushindika dibutuka diabi. Mmumane kuanyisha bua bifue.

Yezekiyele 39:11

“Malu onsu mamane kuenzeka, nempeshe Ngoge muaba mu Izrayele wa kujika bafue. Muaba awu newikale mu tshibandabanda tshia muaba wa Bapitshi ba mu njila, luseke ludi diba dipatukila lua Mayi manene a Luepu. Mu tshibandabanda amu, nebajikemu Ngoge ne bena mvita bende. Nkita eyi neyijikile bantu njila. Nebinyike muaba awu ne: ‘Tshibandabanda tshia bena mvita ba bungi ba Ngoge.’

Yowele 2:20

Baluishi benu badi batumina ku mutu kua ditunga, nembipate mutantshi mule, ku maloba a bipela ne minanga. Nengimanshe bena mvita babu badi benda kumpala mu Mayi manene a luepu; badi kunyima nembimanshe mu Mayi manene a pankatshi. Bitalu biabu nebinunke bibi, bantu kabayi mua kueyela bimpe. Nanku bantu bonsu bawa bakuenzela malu mabi mapite, nebajimine.