Ekesode 7:9 - MUKANDA WA MYIDI MUKULU

⁹ — Pikala mukalenga wa bena Ejipitu ujinga bua numuenzele bishima, wewe Moshe wambile Arone ne: ela dikombu diebe panshi. Nanku nediandamuke nyoka, mukalenga awu mumone.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Hanuambila Palo ne, Nundeshe bualu bua kukema, hashishe, wewe wambile Alona ne, Angata mulangala webe, uwele hanshi ku mesu kua Palô ne mulangala neukudimuke nyoka.

Ekesode 7:9 Marejeleo ya Msalaba

Ekesode 10:13

Moshe kuolola dikombu mu ditunga dia Ejipitu. Dituku adi too ne butuku, Maweja-Nangila kutuma lupepele lufumina kudi diba dipatukila. Butshia dinda, lupepele alu kupaluisha mpasu.

Ekesode 4:17

Ukuate kabidi dikombu edi mu tshianza, wenze nadi bishima.

Ekesode 4:2

Maweja-Nangila kukonka Moshe ne: — Tshiudi natshi ku bianza atshi ntshinyi? Moshe kuandamuna ne: — Ndi ne dikombu.

Ekesode 4:20

Moshe kuangata dikombu divua Mvidi Mukulu mumuambile bua kuya nadi. Kupinganaye mu Ejipitu. Uvua muambule mukajende ne bana bende pa nyama wa mpunde.

Ekesode 4:3

Maweja-Nangila kumuambila ne: — Ela dikombu adi panshi! Moshe udiela panshi, dikombu kuandamuka nyoka. Moshe kunyema nyoka awu.

Ekesode 7:8

Maweja-Nangila kuambila Moshe ne Arone ne:

Ekesode 9:23

Moshe kuela dikombu mulu. Maweja-Nangila kulokesha mvula mukole wa makubakuba ne wa mabue.

Yeshaya 7:11

— Lomba tshimanyinu kudi Maweja-Nangila, Mvidi Mukulu webe, nansha tshiotshi tshifuma ku kandondu ka bafue, nansha tshifuma muulu muamua.

Yezekiyele 29:3

Meme Maweja-Nangila Mvidi Mukulu ndi mmumanyisha ne: “Nenkunyoke wewe mukalenga wa bena Ejipitu. Udi bu ngandu munene wa tshidika, udi musombe munkatshi mua misapa ya Nile. Udi ujadika ne: musulu wa Nile nguanyi, bualu meme ngudi mudienzele wu.

Matayi 12:39

Yezu kubandamuna ne: — Bena lelu mbantu babi, badi batombokela Mvidi Mukulu! Kadi badi amu balomba tshishima! Kadi kabena babenzela tshishima nansha. Nebabaleje amu tshishima tshia muambi Yona.

Yowanane 10:38

Kadi pandi nyikuata, nansha kanuyi nungitaba meme, itabilayi nansha bua midimu, bua mimanye amu ne: Tatu udi munda muanyi, meme kabidi ndi munda muende.

Yowanane 2:18

Nanku bamfumu ba bena Yuda kukonka Yezu ne: — Udi mua kuenza bualu bua dikema kayi, bua tuetu kujadika ne: udi ne bukokeshi bua kuenza nanku?

Yowanane 6:30

Kumuambabu ne: — Kadi bualu bua dikema kaayi buudi mua kutuleja bua tukuitabe? Biudi mua kuenza mbinganyi?