Ekesode 6:12 - MUKANDA WA MYIDI MUKULU

¹² Moshe kuandamuna Maweja-Nangila ne: — Bu mudi bena Izrayele kabayi bateleja bindi mubambile, mukalenga wa bena Ejipitu kabidi kakuitaba to, bualu ndi ngakula ne lutatu.

Mukanda wa Nzambi Dihungila Dikulukulu ne Dihungila Dihia-dihia 2003

¹² Mose wakamba ku mesu kua Yehowa ne, Mona, Bena Isalele kabena banze kutumikila dî dianyi, Palô neunvuile muena tshikukumina kudi kunyi?

Ekesode 6:12 Marejeleo ya Msalaba

Ekesode 3:11

Moshe kuandamuna Mvidi Mukulu ne: — Meme tshiena ne mushindu wa kuya kumonangana ne mukalenga wa bena Ejipitu bua kupatula bena Izrayele to.

Ekesode 3:13

Moshe kuamba ne: — Mbimpe. Kadi pangaya kuambila bena Izrayele ne: “Mvidi Mukulu wa bankambua benu mmuntume kunudi,” pangebejabu ne: dina diende nnganyi nembandamune tshinyi?

Ekesode 4:1

Moshe kuandamuna Maweja-Nangila ne: — Bena Izrayele kabakuitaba, kabakukumbaja bionsu bindi mbambila to. Nebangele mpata, bamba ne: “Maweja-Nangila kena mukumuenekele to!”

Ekesode 4:10

Moshe kubenga, wambila Maweja-Nangila ne: — Maweja-Nangila, tshiena mua kuya to. Katshia bandela too ne mpindiewu patudi nebe apa, tshiena mumanye mua kuakula bimpe to. Ndi ntata bikole bua kuamba bualu.

Ekesode 6:13

Maweja-Nangila kuambila Moshe ne Arone ne: “Nunganyishe bena Izrayele ne mukalenga wa bena Ejipitu malu onsu aa bua bena Izrayele bamone mua kumuka mu Ejipitu.”

Ekesode 6:30

Kadi Moshe kumuandamuna ne: — Mukalenga wa bena Ejipitu kena mua kumvua tshindi ngamba to, bualu ndi ngakula ne lutatu.

Ekesode 6:9

Moshe kuambila bena Izrayele malu awu. Kadi kabavua bamuitaba to, bualu bavua ne kanyinganyinga bua dikenga divuabu nadi mu bupika.

Yeshaya 6:5

Ke meme kuamba ne: “Eyi! Ndi mubutuke, bualu mishiku yanyi nya muena buakulavi. Tshiena mua kutumbisha Maweja-Nangila. Bena mu tshisamba tshietu kabidi badi ne mishiku ya bena buakulavi. Kadi ndi mudimuene nkayanyi mukalenga, Maweja-Nangila muena bukole buonsu!”

Yirmeya 1:6

Ke meme kuandamuna ne: — Eyi! Maweja-Nangila Mvidi Mukulu, ntshidi muana mukese. Tshiena mua kuakula munkatshi mua bantu to.

Yirmeya 6:10

Udi mua kunteleja nnganyi? Bena Yerushalayime badi ne matshi mapate. Kabena basue kuteleja ne ntema to. Maweja-Nangila bionsu biudi ubambila, badi babiangata mu bilele, babibenga kashidi.

Lewitiki 26:41

Nebajadike ne: meme ke uvua mubanyoke, mubafile kudi baluishi babu. Nanku nebatonde bubi buabu, nebitabe manyoka onsu andi mubatumine.

Bienzedi 7:51

Nuenu bantu ba mutu mukole, ba muoyi mupape, kanuena nuitaba ku lubila lua Mvidi Mukulu! Nudi amu nutombokela Mueyelu wa Tshijila! Muvua bankambua benu benza, ke munudi nuenza amu!

Dielulula 30:6

Maweja-Nangila Mvidi Mukulu wenu nkayende nealengeje mioyi yenu, ne ya ndelanganyi yenu, bua numunange ne muoyi mujima, ne bukole buenu buonsu, bua nuenu kushala ne muoyi.