Ekesode 4:11 - MUKANDA WA MYIDI MUKULU

¹¹ Maweja-Nangila kuandamuna ne: — Lekela kuamba nanku. Udi mufuke muntu ne mukana mua kuakula nnganyi? Nanku muntu udi mua kuakula bimpe nansha kushala kamama, kumvua nansha kuikala ne mapapa, kumona nansha kayi umona ku bukole bua nganyi? Ki nku bukole buanyi meme Maweja-Nangila anyi?

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Yehowa wakamukonka ne, Mufuki wa mukana mua bantu nganyi? Udi ufuka bena kamama ne bena mahaha ne bantu badi mua kumona ne bantu badi bafofo nganyi? Meme Yehowa, tshiena ngenza malu â, anyi?

Ekesode 4:11 Marejeleo ya Msalaba

Genese 11:7

Nanku tuyayi kubondakaja muakulu wabu, bua bapange mua kumyuangana munkatshi muabu.”

Genese 18:14

Kakuena tshidi mua kukolela Maweja-Nangila to. Tshidimu tshiavua, ngondu wa momumue, nempingane apa. Diba adi mukajebe Sara neikale mumane kulela muana wa balume.

Misambu 146:8

Maweja-Nangila udi utabaja mpofu, ubandulula badi biname, munange badi bamulamata.

Misambu 51:15

Badi bakutombokela, nembalongeshe mudibu mua kukulengelela, bua badilengeje, bitabe ku diyi diebe.

Misambu 94:9

Maweja-Nangila ngudi muase muntu ditshi, apange yeye kumvua? Yeye ngudi mufuke disu, apange yeye kumona?

Nsumuinu 20:12

Maweja-Nangila mmufuke mesu bua kumona, matshi bua kumvua.

Yeshaya 42:7

Neutabeje bampofu. Neupatuishe bena lukanu mu nzubu wa lukanu, muaba udibu basomba, bindile mu miidima.”

Yeshaya 6:7

Kudintuaye ku mishiku, wamba ne: “Tshibawu tshiebe tshiakujika, bubi buebe buakujimina, bualu kapia kakulenga ku mishiku yebe.”

Yirmeya 1:6

Ke meme kuandamuna ne: — Eyi! Maweja-Nangila Mvidi Mukulu, ntshidi muana mukese. Tshiena mua kuakula munkatshi mua bantu to.

Yirmeya 1:9

Pashishe kuololaye tshianza kundengaye mukana, ungambila ne: — Wewe, newambile bantu miaku yanyi.

Yezekiyele 33:22

Dilolu muntu awu kayi muanji kufika, Maweja-Nangila uvua mundeje bukole buende, tshiyi mua kuakula kabidi to. Kadi pavua muntu, uvua munyeme, mufike kundi mu dinda, tshivua kabidi kamama to. Nkavua ngakula.

Amosa 3:6

Badi mua kuela mpungi wa mvita mu tshimenga, bantu kabayi bakuatshika bowa anyi? Tshipupu tshidi mua kukuata tshimenga, Maweja-Nangila kayi mutshitume anyi?

Matayi 11:5

mpofu idi imona, batebuki badi benda, bena nsudi badi bapanda, bena mapapa badi bumvua, bafue badi babika, bapele badi babamanyisha Lumu lua Disanka.

Luke 1:20

Nanku neushale kamama, kuyi wakula, too ne pakumbana malu aa. Bualu kuena muitabe bimvua mukuambile. Kadi miaku yanyi eyi neikumbane pa tshikondu tshiayi.

Luke 1:64

Bu mpindiewu Zekarya kutuadija kuakula tshiakabidi, utumbisha Mvidi Mukulu ne diyi dikole.

Yowanane 10:21

Kadi bakuabu bavua bamba ne: — Muntu ne mukishi mubi munda kena mua kuakula nenku to. Mukishi mubi udi mua kutabaja bampofu mesu anyi?