Ekesode 36:1 - MUKANDA WA MYIDI MUKULU

¹ Beshalele ne Okoliyabe ne bantu bakuabu bavua Maweja-Nangila mupeshe tshipedi tshia kuenza midimu ya muaba wa tshijila, nebenze bintu bia kuenza nabi mudimu mu nzubu wa Mvidi Mukulu bu muvua dijinga dia Maweja-Nangila.

Mukanda wa Nzambi Dihungila Dikulukulu ne Dihungila Dihia-dihia 2003

¹ Besalele ne Oholiaba nebenze mudimu wa mu tshitendelelu, ne bantu bonso badi ne lungenyi mu mitshima yabo tente nebenze mudimu eu bu muakuamba Yehowa, bobo bakadi Yehowa uhesha lungenyi ne meji bua kumanyabo mua kuenza midimu yonso ya mu tshitendelelu.

Ekesode 36:1 Marejeleo ya Msalaba

1 Kulondolola 2:20

Ure ke tatuende wa Uri. Uri uvua tatuende wa Beshalele.

1 Kulondolola 28:21

Batuangaji ne bena Levi, badibu bamane kutapulula mu bisumbu bua ditendelela dia mu nzubu wa Mvidi Mukulu, badi pabuipi nebe bua kukuambuluisha. Neupete kabidi diambuluisha kudi bantu ba muoyi muakane badi bamanye kukuata mudimu, badi munkatshi mua bamfumu ne mua bena Izrayele bakuabu bonsu.

Misambu 119:6

Nanku tshiakufua bundu pandi ndama meyi ebe.

Ekesode 12:28

Kuyabu kuenza bionsu bivua Maweja-Nangila muambile Moshe ne Arone.

Ekesode 25:8

Nanku, bena Izrayele bandongoluele muaba wa tshijila, bua ngikale munkatshi muabu.

Ekesode 28:3

Bilamba abi, babitele anu kudi bantu bandi meme Maweja-Nangila mupeshe tshipedi tshia butedi. Arone ikale uvuala bilamba abi, padibu bamujidila ne padiye ungenzela mudimu wa butuangaji.

Ekesode 31:11

mafuta a kujidila nawu bantu ne bintu, benze kabidi manananshi a mu muaba wa tshijila. Midimu yonsu eyi, bayenze anu mushindu umvua meme Maweja-Nangila mukuambile.

Ekesode 36:2

Moshe kubikila Beshalele, Okoliyabe ne bantu bakuabu bavua Maweja-Nangila mupeshe tshipedi tshia kuenza midimu ayi kuyikumbaja.

Ekesode 38:23

Bavua bamuambuluisha kudi Okoliyabe, muana wa Akisamaka, wa mu tshisamba tshia Dane, uvua mumanye midimu mishilangane: ya kusonga mabue, ya kuzola, ya kulengeja bilamba bia miosa ya nyama bifikuluke, bikunzubile, bikunze kunzuu, kabidi ya kutela bilamba bia ndanda.

Ekesode 39:1

Batedi ba bilamba kutela bilamba bia lumu bia kuenza nabi mudimu muaba wa tshijila. Kutelelabu kabidi Arone bilamba bia kuenza nabi mudimu wa butuangaji, bu muvua Maweja-Nangila muambile Moshe.

Dibadika 7:9

Kadi kena mupeshe bena Kekate tshintu to. Bualu bobu bavua ne bua kulama bimpe bintu bia tshijila, kubiambula pa makaya.

Matayi 28:20

Nubalongesha kabidi mua kukumbaja bionsu bimvua munuambile. Manyayi ne: Meme nengikale nenu matuku onsu, too ne ku ndekelu kua bidimu.

Luke 1:6

Bonsu babidi bavua bakumbaja bivua Mvidi Mukulu musue, batumikila bimpe menemene mikenji yonsu ne meyi onsu bia Maweja-Nangila.

Ebrewu 8:2

Udi wenza mudimu wa butuangaji muaba wa Tshijila, mbuena kuamba ne: mu ntenta mulelela uvuabu kabayi base kudi bantu, kadi kudi Maweja-Nangila.