Ekesode 34:5 - MUKANDA WA MYIDI MUKULU

⁵ Nanku, Maweja-Nangila kupueka mu divuba dia kapia, kuimanaye pamue ne Moshe, kudisamunaye nkayende dina diende dia “Maweja-Nangila”.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Yehowa wakahueka mu ditutu, wakimanahu nʼandi. Wakamumanyisha dina dia Yehowa.

Ekesode 34:5 Marejeleo ya Msalaba

Misambu 102:21

bua kuteleja muadi wa bena lukanu, ne kusungidila badibu bakosela tshibawu tshia lufu.

Ekesode 19:18

Mukuna wa Sinayi uvua mufikisha kudi muinshi, bualu Maweja-Nangila uvua mupueke pa mukuna munkatshi mua muinshi wa kapia. Muinshi uvua ubanda bu tshikutu tshia kapia. Mukuna mujima kunyunga bikole.

Ekesode 19:9

Maweja-Nangila kuambila Moshe ne: — Ndi mpueka musokome mu divuba bua kuyukila nebe, bua, padi bantu bumvue mutudi tuyukila nebe, bakuitabe. Moshe kufikisha bivua bantu bandamune kudi Maweja-Nangila.

Ekesode 23:21

Kadi, nudimuke! Pafika mutumibue wanyi, nuitabe bionsu bidiye unuambila. Kanumufikishi munda, kanumutombokedi. Bualu kena mua kunufuila luse ku bubi buonsu bunudi nuenza. Bionsu bidiye wenza, udi ubienza mu dina dianyi.

Ekesode 33:19

Maweja-Nangila kuandamuna Moshe ne: — Nenkuleje buakane buanyi, nenkuambile kabidi dina dianyi dia “Maweja-Nangila”. Muntu undi musue kunanga, ndi mmunanga, kabidi muntu undi musue kufuila luse, ndi mmufuila luse.

Ekesode 33:9

Nanku, pavua Moshe ubuela mu ntenta amu, divuba divua dibuikila mu mushiku wa mbelu wa ntenta. Maweja-Nangila uvua wakula mu divuba amu uyukila ne Moshe.

Nsumuinu 18:10

Maweja-Nangila udi bu nzubu udibu bakolesha ne bimana. Muntu muakane udi unyemena kudiye, udi upanduka.

Yeshaya 1:10

Nuenu bamfumu ba mu Yerushalayime, nudi bafuanangane ne bena tshimenga tshia Sodome. Telejayi bimpe tshidi Maweja-Nangila wamba! Nuenu kabidi bantu babi, badi bafuanangane ne bena Ngomore. umvuayi mudi Mvidi Mukulu wetu unubela ne:

Dibadika 11:17

Meme nempueke muaba awu bua kuyukila nebe. Bukole bua Mueyelu wanyi buudi nabu, nembuabanyine kabidi bakulu abu tshitupa. Nanku kuakuikala nkayebe ne mudimu wa kulama bantu. Bakulu abu nebakuambuluishe.

Dibadika 11:25

Maweja-Nangila kupueka mu divuba bua kuyukila ne Moshe. Kuabanyinaye bakulu ba bena Izrayele abu, tshitupa tshia bukole bua Mueyelu wende, buvuaye mupeshe Moshe. Bakulu bamane kupeta Mueyelu wa Mvidi Mukulu, kutuadijabu kuakula bu bambi. Kadi kabivua bitungunuka to.

Dibadika 12:5

Maweja-Nangila kupueka mu divuba, kuimana mu mushiku wa ntenta. Kubikilaye Arone ne Miriyame muaba awu. Bonsu babidi kusemena pabuipi.

Dibadika 14:17

Nanku, Maweja-Nangila, ndi nkusengelela ne: leja bukole buebe. Bualu uvua mutuambile ne:

Dielulula 32:3

Ndi ntumbisha dina dia Maweja-Nangila. Bena Izrayele, samunayi Mvidi Mukulu wetu.

1 Samuele 3:18

Nanku Samuwele kena musokoke bualu nansha bumue. Eli kuamba ne: — Yeye udi Maweja-Nangila! Enze mudiye musue.