Ekesode 34:25 - MUKANDA WA MYIDI MUKULU

²⁵ “Kanuena mua kundambula mulambu wa mashi a nyama pamue ne mampa adi mela buanga. Kabidi munyinyi wa nyama wa dituku dia Dipita dia Maweja-Nangila, nuudie ujike dituku adi.

Mukanda wa Nzambi Dihungila Dikulukulu ne Dihungila Dihia-dihia 2003

²⁵ Kanulu ne mashi a nyama mishiha ne mampa adi ne luevene hohamue; kanushihi nansha tshintu tshikese tshia mulambu wa disanka dia kuhita kua Yehowa tô ne ku dinda.

Ekesode 34:25 Marejeleo ya Msalaba

Ekesode 12:10

Kabidi munyinyi awu nudie ujike dituku dimue. Pikalawu mushale dinda nuwoshe.

Ekesode 12:20

Nunku kanuena mua kudia bintu biela buanga bua mampa to. Miaba yonsu inudi basombe, nudie anu mampa kaayi mela buanga.”

Ekesode 12:8

Butuku abu nebakange munyinyi awu. Nebaudie ne mampa adi kaayi mela buanga, kabidi ne biseki bia buanji.

Ekesode 23:18

“Kanuena mua kundambula milambu ya mashi a nyama pamue ne mampa adi mela buanga. Kabidi, mu bibilu abi, kanushiyi mafuta a nyama inudi nundambula bua kulalawu ne mu dinda to.

Ekesode 29:34

Pikala mampa awu ne munyinyi bishale too ne ku dinda, kanuena mua kubidia kabidi to, nubioshe, bualu mbintu bia tshijila.

Lewitiki 2:11

“Kadi, kanuena mua kuela buanga bua mampa mu mulambu nansha umue unudi nulambula Maweja-Nangila to. Panudi nulongolola mulambu wa kuoshila Maweja-Nangila, kashidi kenu kanuena mua kuelamu buitshi, nansha buanga bua mampa to.

Lewitiki 7:15

Kadi bua munyinyi wa nyama wa mulambu wa bobumue, baudie ujika onsu anu dituku dimue, kauladi to.

Dibadika 9:12

Munyinyi awu, nebaujikije dituku anu dimue. Kabena mua kuboza mufuba wa mukoku to. Nebalonde amu mikenji ya tshibilu tshia Dipita dia Maweja-Nangila.

Matayi 13:33

Yezu kubelela lusumuinu lukuabu ne: — Bukalenga bua mu diulu mbufuanangane ne buanga bua mampa budi mukaji wangata, usangisha mu bukula kilo makumi abidi ne itanu, bua ditapi dionsu kutuntumukadi.

Dielulula 16:3

Matuku malondangane muanda mutekete mu didia dia tshibilu, kanuena mua kudia mampa mela buanga. Panudi nudia mampa kaayi mela buanga nanku, nenuvuluke dituku dinuvua bapatuke ne lubilu mu Ejipitu.

Dielulula 16:4

Matuku awu onsu muanda mutekete, kanuena mua kulama buanga bua mampa mu ditunga dienu dijima. Munyinyi wa nyama unu-vua balambula Maweja-Nangila dilolu dia dituku dia kumpala, nuudie, ujika anu dituku adi.