Ekesode 34:24 - MUKANDA WA MYIDI MUKULU

²⁴ Pangipata bisamba bikuabu bionsu binudi nabi pabuipi, nendiundishe mikalu ya ditunga dienu, bua panudi numuka bua kumonanganna nanyi misangu eyi isatu, bantu bakuabu kabena mua kuikala ne lukuka lua ditunga dienu to.

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Bualu bua meme nengihate bisamba bia bantu ku mesu kuenu, nendeheshe matshika enu: bantu bakuabo kabena bikale ne lukuka lua buloba buenu, hanuamueneka kudi Yehowa Nzambi wenu misangu isatu ku tshidimu ku tshidimu.

Ekesode 34:24 Marejeleo ya Msalaba

Genese 15:18

Dituku adi, Maweja-Nangila kutua ndondu ne Abrame muaba awu, kumulaya ne: — Matunga aa nengapeshe ndelanganyi yebe, biangatshile ku musulu wa Ejipitu ne ku musulu munene wa Perate.

Genese 35:5

Yakobe ne bonsu bavuaye nabu, kumukabu muaba awu. Mvidi Mukulu kukuatshisha bantu bonsu ba mu bimenga bivua nabu mutumba bowa bukole. Kupangabu mua kulondakaja Yakobe ne bana bende.

1 Bakalenga 5:1

Bualu mukalenga Shelomu uvua ukokesha makalenga makese onsu, biangatshile ku musulu munene wa Perate ne ku ditunga dia bena Peleshete, too ne ku mukalu wa ditunga dia bena Ejipitu mene. Bakalenga bonsu bavua mu matunga aa bavua amu ku bumfumu bua mukalenga Shelomu. Bavua bamulambula milambu, bamuenzela mudimu matuku onsu avuaye ne muoyi.

1 Kulondolola 4:10

Yabese uvua utendelela Mvidi Mukulu wamba ne: “Mvidi Mukulu wa bena Izrayele, ungele lupemba, umvudijile bindi nabi, undame. Kadi ungumbushile diakabi ne makenga!” Mvidi Mukulu kumupesha tshivuaye umulomba.

2 Kulondolola 17:10

Makalenga onsu avua ku mutumba kua ditunga dia bena Yuda, kutshinawu Maweja-Nangila. Muntu nansha umue kavua mua kuluisha Yosafate to.

Yobe 1:10

Wewe udi mumulame bimpe, ne diku diende ne bintu biende bionsu. Udi mumututshishe dikasa dimpe mu bintu biende bionsu. Bimuna biende mbitangidika ditunga dijima.

Misambu 120:1

Musambu wa bena ngendu. Pavua dikenga dinkuata, meme kubila Maweja-Nangila, kungitabaye.

Misambu 78:55

Kuipataye bisamba bia bantu benyi bobu batangile, kubapeshaye buloba ebu, bu bumpianyi buabu. Kupingajaye bena Izrayele mu buloba bua bena Kanaane.

Misambu 80:8

Mvidi Mukulu wa bukole buonsu, utupingaje kuudi, utuakidile netupande.

Ekesode 33:2

Nanku, nentume mutumibue wanyi bua kunulama. Nennuipatshile bena Kenaane, bena Amore, bena Iti, bena Perizi, bena Ivi ne bena Yebusa.

Ekesode 34:11

“Wewe Moshe, ukumbaje malu onsu andi mukuambile lelu aa. Meme nenkuipatshile bena Amore, bena Kenaane, bena Iti, bena Perizi, bena Ivi ne bena Yebusa.

Nsumuinu 16:7

Padi Maweja-Nangila muanyishe nsombelu wa muntu, udi ubueja diumvuangana pankatshi pende ne baluishi bende.

Lewitiki 18:24

“Kanuena ne bua kupia mikiya ku ngenzelu ya nanku to. Bualu bisamba bindi ngipata kumpala kuenu ebi, mbipie mikiya anu ku ngenzelu ya bundu ya mushindu ewu.

Bienzedi 18:10

Bualu ndi nebe. Muntu kakukulenga bua kukuenzela bibi to. Bualu mu tshimenga etshi bantu ba bungi mbanyi!

Dielulula 12:20

Pikala Maweja-Nangila wenu mudiundishe ditunga dienu bu muvuaye mulaye, nenuikale nudia munyinyi munudi basue.

Dielulula 16:16

Ku tshidimu tshionsu, bantu balume bonsu badi munkatshi muenu, nebadileje kudi Maweja-Nangila misangu isatu, muaba wikalaye musungule, bua tshibilu tshia mampa adi kaayi mela buanga, bua tshibilu tshia Dinowa biakudia, ne bua tshibilu tshia tuzubu tua Bisasa. Kadi muntu kafiki mu nzubu wa Mvidi Mukulu wenu kayi ne tshintu tshia kumulambula to.

Dielulula 19:8

Panuikala banange Maweja-Nangila Mvidi Mukulu wenu, panuenza anu mudiye musue, panuakumbaja mikenji yonsu indi nnuambila eyi, yeye neadiundishe ditunga dienu. Neanupe ditunga dijima divuaye mulaye bankambua benu.

Dielulula 7:1

Maweja-Nangila Mvidi Mukulu wenu, neanufikishe mu ditunga dinudi ne bua kukuata. Neanuipatshile bisamba ebi muanda mutekete: bena Iti, bena Ngirgashi, bena Amore, bena Kenaane, bena Perizi, bena Ivi ne bena Yebusa, bidi binupita bungi ne bukole.