Ekesode 34:18 - MUKANDA WA MYIDI MUKULU

¹⁸ “Mu ngondu wa Abibe unuvua bapatuke mu Ejipitu, nuikale nuenza tshibilu tshia dipatuka dienu. Matuku malondangane muanda mutekete, nudie mampa kaayi mela buanga, bu mumvua mumane kunuambila.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Nuenu nenudie bidia bidi kabiyi ne luevene ku mesu kua Yehowa. Nenudie bidia bidi kabiyi ne luevene matuku muanda mutekete, bu munakanuambila mu ngondo wa Abiba unakasungula; bualu bua nuakahatuka mu Ejipitu mu ngondo wa Abiba.

Ekesode 34:18 Marejeleo ya Msalaba

Ekesode 12:2

“Ngondu ewu ikale wenu wa ntuadijilu wa tshidimu.

Ekesode 12:42

Bu muvua Maweja-Nangila mutshishe butuku abu bua kupatula bantu bende mu Ejipitu, ke mudi bena Izrayele pabu, ku ndelanganyi ne ndelanganyi, mua kutshisha dituku adi bua kuvuluka dipatuka diabu mu Ejipitu, bualu ndituku dia tshijila.

Ekesode 13:3

Moshe kuambila bena Izrayele ne: — Nuvuluke dituku edi. Kanudi mampa adibu bela buanga to. Bualu ke dituku divua Maweja-Nangila muleje bukole buende, munupatule ku bupika mu Ejipitu.

Ekesode 13:4

Nuvua bapatuke lelu, mu ngondu ewu wa Abibe.

Ekesode 23:14

“Nuikale nungenzela bibilu bisatu ku tshidimu tshionsu.

Ekesode 23:15

Tshibilu tshia kumpala tshikale tshia mampa adi kaayi mela buanga. Nutshienze mu ngondu wa Abibe matuku malondangane muanda mutekete. Nudie mampa awu, anu mushindu umvua munuambile. Bualu ngondu awu ke unuvua bapatuke mu Ejipitu. Kanufiki kundi kanuyi ne milambu to.

Lewitiki 23:6

“Dituku dia dikumi ne ditanu dia ngondu awu, nuikale nungenzela tshibilu tshia Mampa kaayi mela buanga. Nudie mampa awu matuku muanda mutekete malondangane.

Dibadika 28:16

“Matuku dikumi ne anayi a ngondu wa kumpala wa tshidimu tshionsu, nuenze tshibilu tshia Dipita dia Maweja-Nangila bua kumutumbisha.

Dibadika 28:17

Matuku dikumi ne atanu a ngondu awu, nutuadije tshibilu tshia matuku muanda mutekete, anudi nudia mampa adi kaayi mela buanga.

Marke 14:1

Kutshivua kushala matuku abidi bua tshibilu tshia Dipita dia Maweja-Nangila ne tshia mampa kaayi mela buanga kuenzekatshi. Bamfumu ba batuangaji ne balongeshi ba mikenji bavua bakebela pa kukuatshila Yezu mu musokoku ne kumushipa.

Luke 22:1

Tshibilu tshidi bantu badia mampa kaayi mela buanga, tshidibu binyika tshibilu tshia Dipita dia Maweja-Nangila, tshikavua pabuipi.

Bienzedi 12:3

Bu muvuaye mumone ne: bimvua ngenza ebi bidi bisankisha bena Yuda, kukuatshishaye kabidi ne Petro. (Bivua mu tshikondu tshia tshibilu tshia Mampa kaayi mela buanga.)