Ekesode 34:13 - MUKANDA WA MYIDI MUKULU

¹³ Nanku, nupule bilambuilu biabu, nupule makunji abu adibu batendelela.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Ushimbule bioshelu biabo, utshibule bibumba biabo, ukose mpingu yabo ya Bashela.

Ekesode 34:13 Marejeleo ya Msalaba

1 Bakalenga 14:15

Pashishe Maweja-Nangila neanyoke bena Izrayele. Nebazakale bu bisosa bidi ku muelelu wa mayi. Maweja-Nangila neumushe bena Izrayele mu buloba ebu buimpe buvuaye mumane kupesha bankambua babu. Neabatangalaje dishiya dia musulu wa Perate wa bena Babilone. Bena Izrayele nebakenge nenku, bualu bavua benza makunji a kutendelela mvidie bua kufikisha Maweja-Nangila munda.

2 Bakalenga 10:27

Kuzazabu dibue divuabu bimanyike bua kutendelela mvidie Baale. Pashishe, kupulabu nzubu wa Baale awu, kuenzamu nkumba ya bantu bonsu. Nkumba ayi, itshidipu too ne mpindiewu.

2 Bakalenga 18:4

Izkiya ke uvua mukandike miaba ya kutendelela mvidie, mupule bibumba bia mabue, mupule kabidi ne makunji a kutendelela. Uvua nuukosolole nyoka wa tshiamu tshikunze, uvua Moshe muenze. Bualu too ne ku tshikondu atshi, bena Izrayele batshi wa anu balambula milambu ya manananshi ku nyoka awu, uvuabu babikila ne: Nehuktane.

2 Bakalenga 23:14

Yoshiya kupula mabue avuabu bimanyika, kupula makunji a kutendelela mvidie, kubuikilaye miaba ya kutendelela mvidie ayi ne mifuba ya bantu.

2 Kulondolola 14:3

Kuambilaye bena Yuda bua batendelele Maweja-Nangila Mvidi Mukulu wa bankambua babu, batumikile meyi ne mikenji biende.

2 Kulondolola 15:16

Mukalenga Asa kubenga bua kabinyiki kakuende Maaka dina dia ne: “Mukalenga Muadi”. Bualu Maaka uvua ne meji mabi a kuenza lupingu lua mvidie mukaji Ashera. Mukalenga Asa kutuma diyi, bua banyangakaje lupingu alu, baluzaze, baloshile ku muelelu wa mayi a Sedrone.

2 Kulondolola 17:6

Uvua ne disanka dia kulonda tshivua Maweja-Nangila musue. Mu bukalenga bua bena Yuda, Yosafate uvua mukandike miaba ivua bena ditunga batendelela mvidie ya bantu benyi. Uvua mupule kabidi makunji a kutendelela nawu mvidie.

2 Kulondolola 24:18

Ke muvua bena Izrayele balekela nzubu wa Maweja-Nangila Mvidi Mukulu wa bankambua babu, bua kuya kukukuila makunji ne mpingu bivuabu benza bua kutendelela mvidie. Bua buenzayi abu, Mvidi Mukulu kufikila bena mu Yerushalayime ne bena Yuda munda.

2 Kulondolola 31:1

Tshibilu tshimane kujika, bena Izrayele bonsu bavua muaba awu, kuya mu bimenga bia bena Yuda. Kubumbulabu mabue avua bantu bimanyike, kupulabu makunji a kutendelela mvidie, kunyangabu miaba ya kutendelela mvidie, ne bilambuilu biayi. Bena Izrayele bavua benza nanku mu bukalenga buonsu bua bena Yuda, mu tshisamba tshia bena Binyamine, tshia bena Efrayime ne tshia bena Menashe. Pashishe, muena Izrayele yonsu kupingana ku nzubu kuende mu tshimenga tshiende.

2 Kulondolola 33:19

Mu mukanda wa malu a Ozayi mbafunde kabidi ditendelela diende, ne mushindu uvua Mvidi Mukulu muitabe dilomba diende. Mbafundemu malu mabi avuaye muenze, ne muvuaye mutombokele Mvidi Mukulu. Mbafundemu kabidi miaba iwaye muase nzubu, ne makunji ne mpingu bia kutendelela mvidie ya bantu benyi, pavuaye kayi muanji kutondela Mvidi Mukulu mibi yende.

Ekesode 23:24

Nanku, kanuena mua kunemeka mvidie idibu batendelela. Kanuena mua kuyikukuila nansha kulonda bibidilu bia bisamba abi. Kadi, nuzaze mpingu ya mvidie ayi. Nushimbule makunji abu a mabue.

Yeshaya 17:8

Kabena baya kabidi ku bilambuilu bivuabu badienzele, nansha ku mvidie ivuabu basonge ne bianza biabu, nansha ku makunji a bijila, nansha ku bioshelu bia manananshi.

Yeshaya 27:9

Kadi mpindiewu, monayi, bubi bua bena Izrayele nebujimine; nebalekele bilema biabu. Nebatshibule mabue onsu a ku tshilambuilu, baazaza bu mabue a lupemba. Kabena basa kabidi makunji a kutendelela mvidie, nansha bioshelu bia manananshi.

Yirmeya 17:2

Bualu bena Yuda badi batendelela mvidie, bayilambula milambu, bayashila makunji kuinshi kua mitshi, pa mikuna,

Mika 5:14

Nemfike munda, nensombuele bisamba bia bantu, bivua kabiyi bintumikila.”

Dibadika 33:52

nuipate bena ditunga adi bonsu. Nunyange mpingu yonsu, idi ileja mvidie yabu, nansha bayisonge mu mabue, nansha bayifule ne tshiamu. Nunyangakaje kabidi miaba yabu yonsu idibu batendelela.

Dielulula 16:21

Kanuena mua kuasa dikunji, nansha kukuna mutshi, bua kutendelela mvidie mikuabu, pabuipi ne tshilambuilu, tshinudi benzela Maweja-Nangila Mvidi Mukulu wenu to.

Dielulula 16:22

Kanuena mua kuimanyika dibue dia kutendelela mvidie muaba awu to. Bualu Maweja-Nangila kena musue bintu bia mushindu awu to.

Dielulula 7:5

Nanku nunyangakaje bilambuilu biabu, nupule tshibumba tshia mabue tshidibu benze, nupule makunji a kutendelela mvidie adibu base, nuoshe kabidi ne mpingu yabu.

Balombodi 2:2

Kadi mvua munukandike bua kanutu ndondu ne bena ditunga edi, munulombe kabidi bua nuupule bilambuilu biabu. Kadi kanuena bangitabe to. Nuvua benze nanku bua tshinyi?

Balombodi 6:25

Butuku abu, Maweja-Nangila kutumina Ngideyone diyi, umuambila ne: — Angata ngombe mulume wa tatuebe, ngombe muibidi, udi ne bidimu muanda mutekete. Upule tshilambuilu tshia mvidie Baale tshidi natshi tatuebe. Upule kabidi dikunji dia kutendelela mvidie didi diasa ku luseke lua tshilambuilu.

Balombodi 6:26

Ku lusongu lua mukuna ewu, washilaku Maweja-Nangila Mvidi Mukulu webe tshilambuilu tshienza bimpe. Wangata ngombe mulume, umulambule bu mulambu wa kuosha. Kadi kapia kaudi osha naku mulambu awu, kikale ka nkunyi ya ku dikunji dia kutendelela mvidie diuvua muupule.