Ekesode 33:3 - MUKANDA WA MYIDI MUKULU

³ Nuye mu ditunga edi didi ne biakudia bia bungi. Kadi meme tshiakuya nenu to, bualu nudi ne tshitunu, ndi mua kunubutula mu njila.

Mukanda wa Nzambi Dihungila Dikulukulu ne Dihungila Dihia-dihia 2003

³ ku bu loba budi ne mabele ne buitshi bia bungi; bualu bua meme tshiena nya munkatshi muenu bualu bua nudi bantu ba buhidia bukole, bua tshinushihi mu nshila.

Ekesode 33:3 Marejeleo ya Msalaba

2 Bakalenga 17:14

Kadi bantu abu, kabena bitabe bivuabu babambila abi to. Bavua batomboka, anu bu muvuabu benza kudi bankambua babu, bavua babenga mua kuitaba Maweja-Nangila Mvidi Mukulu wabu.

Misambu 78:8

Nenku, kabakulonda kabidi ngenzelu ya bankambua babu ivua mibi, ya bantu batomboke, bena mpala ibidi, kabayi balamate Mvidi Mukulu.

Ekesode 13:5

Panuafika mu ditunga dia bena Kenaane, bena Iti, bena Amore, bena Ivi ne bena Yebusa, divua Maweja-Nangila mulaye bankambua benu, ditunga didi ne biakudia bipite bungi, nuikale nuenza tshibilu etshi, ku tshidimu ku tshidimu, mu ngondu wa Abibe.

Ekesode 23:21

Kadi, nudimuke! Pafika mutumibue wanyi, nuitabe bionsu bidiye unuambila. Kanumufikishi munda, kanumutombokedi. Bualu kena mua kunufuila luse ku bubi buonsu bunudi nuenza. Bionsu bidiye wenza, udi ubienza mu dina dianyi.

Ekesode 3:17

Ndi musue kunusungidila mu dikenga edi, kunumusha mu ditunga edi, kunubueja mu ditunga dia bena Kenaane, bena Iti, bena Amore, bena Perizi, bena Ivi ne bena Yebusa, ditunga didi ne mabela ne buitshi bipite bungi.”

Ekesode 3:8

Ndi mufike bua kubasungidila kudi bena Ejipitu, kubumusha mu ditunga edi, kubabueja mu ditunga dialabale didi ne mabela ne buitshi bipite bungi. Ke ditunga didibu basombe mpindiewu kudi bena Kenaane, bena Iti, bena Amore, bena Perizi, bena Ivi ne bena Yebusa.

Ekesode 32:14

Maweja-Nangila kufuila bena Izrayele luse, kena mubenzele bionsu bivuaye mubakanyine to.

Ekesode 33:5

Maweja-Nangila kuambila Moshe bua kumanyisha bena Izrayele ne: “Bu mudibu ne tshitunu, meme muende nabu mutantshi mukese, ndi mua kubabutula bonsu. Kadi badikengeshe, bumushe bilenga bionsu bidibu nabi, bavuale anu bilamba bia dibungama, nanku nemmone tshindi mua kubenzela.”

Ekesode 34:9

wamba ne: — Maweja-Nangila wanyi, ndi mujadike ne bena Izrayele mbantu ba tshitunu, kadi bu muudi munnange, ndi nkusengelela bua wikale munkatshi muetu. Utufuileku luse ku bionsu bitudi bakuenzele, bualu tudi bantu bebe.

Yeshaya 48:4

Kadi ndi mukumanye, muudi muena tshitunu, muudi tshisamba tshidi tshitomboka, tshisamba tshia mutu mukole bu tshiamu.

Yirmeya 11:5

Nanku, nenkumbaje dilaya dimvua mulaye bankambua benu dia kubapesha ditunga didi ne mabele ne buitshi. Ditunga edi ke dinudi basombe lelu edi.” Meme kuitaba ne: — Eyowa, Maweja-Nangila.

Yezekiyele 20:6

Musangu awu, mvua mubalaye bua kubapatula mu Ejipitu, kubafikisha mu ditunga didi dipite matunga onsu ku buimpe. Ditunga dimvua musungule bua kubapesha anu bobu, divua ne mabele ne buitshi.

Lewitiki 20:24

Ke pandi nnulaya ne: Nenupete buloba buabu ebu, ditunga didi mabele ne buitshi. Meme Maweja-Nangila ndi nnupeshadi.’ Bualu ndi Maweja-Nangila Mvidi Mukulu wenu, udi munusungule munkatshi mua bisamba bikuabu.

Yona 3:10

Maweja-Nangila kumona muvua bena Ninive balekela buenzayi buabu. Nanku, kutuyishaye tshiji tshivuaye natshi. Kulekelaye mua kubanyoka nuwuaye mubakanyine.

Yona 3:4

Yona mumane kuenda dituku dimue mu tshimenga tshia Ninive, uvua ukobola muaku, wamba ne: “Matuku makumi anayi mamane kupita, Ninive neabutuke.”

Dibadika 13:27

Kuambilabu Moshe ne: — Tuafiki mu ditunga diuvua mututume. Didi ne biakudia bia bungi, mabele ne buitshi. Bimuma bia mu ditunga adi mbiebi.

Dibadika 14:12

Nanku nembatumine disama dia tshiambu, mbabutula. Pashishe nengenze nebe tshisamba tshikuabu, tshidi tshipite bena Izrayele ku bungi ne ku bukole.

Dibadika 14:8

Didi ne biakudia bia bungi, mabele ne buitshi bidimu. Pikala Maweja-Nangila mututabalele, neatubueje mu ditunga adi bua tuetu kudikuata.

Dibadika 16:13

Udi mumane kutupatula mu Ejipitu muvua biakudia bia bungi, mabele ne buitshi, bua kutufuishila mu tshipela emu! Mpindiewu ukadi uditeka kabidi mfumuetu!

Dibadika 16:21

— Umukayi muaba udi bantu aba, bualu ndi musue kubabutula bonsu amu mpindiewu.

Bienzedi 7:51

Nuenu bantu ba mutu mukole, ba muoyi mupape, kanuena nuitaba ku lubila lua Mvidi Mukulu! Nudi amu nutombokela Mueyelu wa Tshijila! Muvua bankambua benu benza, ke munudi nuenza amu!

Dielulula 4:24

Bualu Maweja-Nangila Mvidi Mukulu wenu udi wosha, ubutula bu kapia. Yeye nkayende mmusue kuikala Mvidi Mukulu wenu.

Yoshua 5:6

Bena Izrayele bavua bapitshila mu tshipela bidimu makumi anayi. Ku ndekelu kua tshikondu atshi, bantu balume bavua ne bidimu bikumbane bua kuluangana mvita, mu tshikondu tshikavuabu bamane kumuangata mu Ejipitu, bakavua bamane kufua, bualu bavua batombokela Maweja-Nangila. Maweja-Nangila uvua mumane kuditshipa ne: bantu aba kabakufika mu ditunga dia biakudia bia bungi dimvua mulaye bankambua babu ne: nendipeshe bana benu.

1 Samuele 2:30

Bu muudi wenza nanku, teleja tshindi nkuambila, meme Maweja-Nangila Mvidi Mukulu wa bena Izrayele: Mvua mulaya bena nzubu webe ne bena diku diebe, bua bikale batuangaji banyi kashidi. Kadi mpindiewu, ndi nkujadikila ne: kabitshiena nanku to. Meme ndi nnemeka amu bantu badi bannemeka meme. Kadi bantu badi bampepeja, meme nembapepeje.