Ekesode 32:26 - MUKANDA WA MYIDI MUKULU

²⁶ Nanku, Moshe kuimana ku tshibuelelu tshia mitanda, kuelaye diyi ne: — Badi bananga Maweja-Nangila, basemene muaba undi ewu! Bena Levi bonsu kusemena kudi Moshe.

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Mose wakimana ku mbelu kua tshitudilu, wakamba ne, Udi ku luseke lua Yehowa alue biandi kundi Bana balume bonso ba Lewi bakadisangisha kudiye.

Ekesode 32:26 Marejeleo ya Msalaba

2 Samuele 20:11

Muena mvita mukuabu wa Yowabe kushala muaba uvua tshitalu tshia Amasha, wela mbila ne: “Nuenu bonsu, balunda ba Yowabe ne bantu badi ku luseke lua Davide, nulonde Yowabe!”

2 Bakalenga 9:32

Yehu ubanduluka, utangila ku dididishi, kuelaye diyi ne: — Kunudi aku, udi musue kutua ku tshianyi nnganyi? Bantu babidi anyi basatu ba mu nzubu wa bukalenga kuinangila pa dididishi.

Misambu 94:16

Udi mua kunsungidila kudi bantu babi nnganyi? Udi mua kungakuila kudi benji ba malu mabi nnganyi?

Ekesode 32:25

Moshe kujadika ne Arone uvua mulekele bantu nkayabu, benza mudibu basue, bua babaseke kudi baluishi babu.

Ekesode 32:27

Moshe kubambila ne: — Maweja-Nangila Mvidi Mukulu wa Izrayele mmutume diyi ne: “Muntu yonsu ambule muele wende wa mvita, endakane ku nzubu ya bantu, bua kushipa udiye usangana: ne mmuanabu wa balume, ne mmulunda wende nansha muena mutumba nende.”

Matayi 12:30

Udi kayi nanyi, mmumbenge. Udi kayi ungambuluisha bua kusangisha, udi umuangalaja.

Dielulula 33:9

Bena levi mbakunange wewe Maweja-Nangila, bipite mudibu bananga baledi babu, bena meku abu, nansha bana babu badibu balele. Ke muvuabu bakumbaje mikenji yebe, banemeke nanku ndondu webe.

Yoshua 5:13

Dituku dikuabu, Yoshuwa uvua pabuipi ne Yeriko. Diakamue kumonaye muntu muimane kumpala kuende. Muntu awu uvua ne muele mupatula mu tshibubu, mukuata ku tshianza. Yoshuwa kutantshila kudiye, umuebeja ne: — Udi ku luseke luetu anyi, udi ku lua baluishi betu?