Ekesode 32:11 - MUKANDA WA MYIDI MUKULU

¹¹ Moshe umvua nanku, kutendakenaye Maweja-Nangila Mvidi Mukulu wende, wamba ne: — Bantu aba mbantu bebe, wewe ke uvua mubapatule mu Ejipitu ku bukole buebe. Lekela kubafikila munda nanku,

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Mose wakatendekena Yehowa, Nzambi wandi, wakamba ne, Yehowa, bualu kai tshiji tshiebe tshidi tshitambe bukole kudi bantu bebe bawakaluhula mu buloba bu Ejipitu ne bukole bunene ne tshianza tshia bukole?

Ekesode 32:11 Marejeleo ya Msalaba

Genese 18:27

Abrahame kuamba kabidi ne: — Ndi nkolesha muoyi bua kuakula ne Maweja-Nangila wanyi, nansha bu mundi muikale muntu tshianana, tshintu tshia lupitapita.

1 Bakalenga 8:51

Bualu bena Izrayele mbantu bebe, biangatshile tshikondu tshiuvua mubapatule mu Ejipitu, muaba wa dikenga dikole.

Nehemya 1:10

Maweja-Nangila, tudi bena mudimu bebe. Tudi bantu bebe! Uvua mutusungidile ku bukole buebe, bualu wewe udi muena bukole buonsu.

Misambu 106:23

Mvidi Mukulu kuamba ne: Ndi mbabutula, kadi Moshe, muntu uvuaye musungule, kuimanaye pankatshi, umukandika bua kayi kubutula bantu bonsu mu tshiji.

Ekesode 32:7

Maweja-Nangila kuambila Moshe ne: — Tuluka lukasa, bualu bantu bauvua mupatule mu Ejipitu mbenze bualu bubi bupite.

Ekesode 6:6

Nanku ambila bena Izrayele mu dina dianyi ne: “Ndi Maweja-Nangila! Nennumushe ku midimu mikole inudi nuenzela bena Ejipitu. Nennupatule ku bupika budibu banukuate. Nengenzeje bena Ejipitu ku bukole, mbanyoke bikole bua kunusungidila.

Ekesode 8:8

Moshe ne Arone kushiyangana ne mukalenga wa bena Ejipitu. Moshe kutendelela Maweja-Nangila bua umushe ndimba iwaye mutumine mukalenga wa bena Ejipitu.

Yeshaya 63:17

Maweja-Nangila, uvua muanyishe bua tupambuke, tulekele njila webe, tuikale ne tshitunu, tubenge bumfumu buebe bua tshinyi? Pingana kutudi, bualu tudi bena mudimu bebe, bantu baudi mudisunguile.

Yirmeya 15:1

Kadi Maweja-Nangila kungambila ne: — Nansha Moshe ne Samuwele bandombe bua kufuila bantu aba luse, tshiena mua kuanyisha to. Yirmeya, ubipate, ubumushe kundi, baye!

Muadi 2:20

Maweja-Nangila, tangila umone bantu baudi ukengesha. Bakaji badi mua kufika ku didia dia bana bavuabu balele, bavuabu bakongoluele mu maboku ne dinanga, anyi? Bantu badi mua kushipa batuangaji ne bambi, too ne mu muaba webe wa tshijila anyi?

Yezekiyele 20:9

Kadi, tshivua muenze nanku to, bua bena ditunga divua bena Izrayele basombe kabavu kumpepeja. Bualu bantu aba bavua bateleja mumvua mulaye bena Izrayele bua kubapatula mu Ejipitu.

Danyele 9:15

“Maweja-Nangila Mvidi Mukulu wetu, pauvua mupatule bantu bebe mu ditunga dia Ejipitu ku bukole buebe, uvua mupete lumu lunene, luutshidi nalu too ne lelu. Kadi tuetu tuvua babenge diyi diebe. Nanku tudi bena tshibawu.

Yowele 2:17

Batuangaji, badi bakuatshila Maweja-Nangila mudimu, badidile muadi mu nzubu wa Mvidi Mukulu, pankatshi pa tshibuelelu ne tshilambuilu, basengelele Mvidi Mukulu, bamuambile ne: “Maweja-Nangila, utufuile luse, tudi bantu bebe, kutufuishishi bundu, kuanyishi bua bantu batuseke, batukonke ne: ‘Tshidi Mvidi Mukulu wabu ubenzela ntshinyi?’ ”

Dibadika 11:11

Moshe kuebeja Maweja-Nangila ne: — Udi unkengesha nenku, kuyi umfuila luse bua tshinyi? Udi umpesha bantu bungi nenku, bua meme kubalombola bualu kaayi?

Dibadika 14:13

Moshe kuandamuna Maweja-Nangila ne: — Bena Ejipitu mbamanye muudi mupatule bena Izrayele mu ditunga diabu ku bukole buebe.

Dibadika 16:22

Moshe ne Arone kudiela mpala panshi, bamba ne: — Kia! Mvidi Mukulu, wewe ke udi mufuke bintu bionsu, mubipeshe muoyi. Kuena mua kufikila bantu bonsu munda bua tshilema tshia muntu umue.

Dibadika 21:7

Bavua bashale, kunyemenabu kudi Moshe, bamuambila ne: — Tudi bena tshibawu, bualu tuvua bakujane wewe, bajane kabidi ne Maweja-Nangila. Nanku, usengelele Maweja-Nangila. Atumushile nyoka eyi! Moshe kulombela bena Izrayele kudi Maweja-Nangila.

Dibadika 27:4

Dina diende didi ne bua kujimina mu diku dietu, bua padiye kayi mulele muana wa balume anyi? Nanku utupeshe petu tshietu tshitupa tshia buloba, mushindu umue ne bana babu ne tatu ba balume!

1 Samuele 15:11

— Ndi ne kanyinganyinga bua Shawule undi musungule bua kuikalaye mukalenga. Shawule mmumbenge. Kena utumikila mikenji yanyi to. Bualu abu kutonda Samuwele bikole. Kutendelelaye Maweja-Nangila butuku bujima.