Ekesode 31:3 - MUKANDA WA MYIDI MUKULU

³ Mueyelu wanyi udi munda muende, bua ikale muntu wa lungenyi ne meji, mumanye mua kuenza midimu mishilangane.

Mukanda wa Nzambi Dihungila Dikulukulu ne Dihungila Dihia-dihia 2003

³ Nakumûsha tente ne Nyuma wa Nzambi ne lungenyi ne dijingulula ne meji mu kuenza kua midimu yonso ya bianza,

Ekesode 31:3 Marejeleo ya Msalaba

1 Bakalenga 3:9

Nanku, Maweja-Nangila, anyisha umpeshe lungenyi lukumbane bua meme kulombola bantu bebe, ne bua kumanya malu mimpe andi mua kubenzela, ne mabi andi ne bua kulekela. Kuyi muenze nanku, kakuena muntu udi mua kulombola bantu bebe bungi nunku to.

1 Bakalenga 7:13

Mu tshimenga tshia Tire muvua nsenda wa biamu bikunze, dina diende Irame. Uvua mumanye mudimu awu bikole. Irame uvua muena Tire, bualu tatuende uvua wa mu tshimenga atshi. Kadi mamuende wa Irame, uvua mukaji mukamba wa mu tshisamba tshia Naftali. Irame uvua muntu mutalame, wa lungenyi lua bungi. Uvua mumanye bikole mudimu wa kutula biamu bikunze. Ke pavua mukalenga Shelomu mubikidishe Irame uvua ku Tire bua kuenzaye biamu bionsu bivua mukalenga Shelomu ujinga.

2 Kulondolola 2:7

Umpeshe kabidi mitshi ya sedre, ya pin ne ya santale, idi ifumina ku mikuna ya Lebanone. Ndi mumanye ne: bena mudimu bebe mbamanye mua kukosa mitshi ya Lebanone. Bena mudimu banyi nebaye kuambuluisha bena mudimu bebe.

Ekesode 28:3

Bilamba abi, babitele anu kudi bantu bandi meme Maweja-Nangila mupeshe tshipedi tshia butedi. Arone ikale uvuala bilamba abi, padibu bamujidila ne padiye ungenzela mudimu wa butuangaji.

Ekesode 31:4

Mmumanye mua kulongolola midimu, kuenza bintu bia tshiamu tshia mpawungi, bia tshiamu tshitoke tshia mushinga mukole ne bia tshiamu tshikunze,

Ekesode 35:31

Mueyelu wa Mvidi Mukulu udi nende, bua ikale muntu wa lungenyi ne meji, mumanye mua kuenza midimu ya bianza mishilangane:

Ekesode 35:35

Mmubapeshe bipedi bia kusonga mabue a mushinga mukole, kuzola bilamba bia miosa ya nyama, bifikuluke, bikunzubile, bikunze kunzuu, ne bia ndanda. Bobu aba ke bamanyi ba kalanda-musenga ba midimu yonsu ya bianza.

Nsumuinu 2:6

Maweja-Nangila ke udi upangana meji. Dimanya ne dijingulula dia malu bidi bifuma kudiye.

Yeshaya 28:26

Ke tshivua Maweja-Nangila wende mumuleje bua kuenza. Ke tshivuaye mumulongeshe.

Yeshaya 28:6

Neambuluishe bandumbulula, bua bakose nsambu amu pa yoyi. Neapeshe bantu bukitu bua kuipata muluishi udi ukeba kubuelela ku tshiibi tshia tshimenga.