Ekesode 30:7 - MUKANDA WA MYIDI MUKULU

⁷ Pashishe, Arone ikale ungoshilamu manananshi dinda dionsu padiye usukula miendu idi ku tshilambuilu.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Alona neoshileku musenga wa manananshi dinda ne dinda hayeye kulongolola minda.

Ekesode 30:7 Marejeleo ya Msalaba

1 Kulondolola 23:13

Bana ba Amrame badi: Arone ne Moshe. Arone ne ndelanganyi yende, bavua babajidila bua bikale benza mudimu kashidi muaba wa tshijila menemene. Bavua ne bua kulambula milambu ya manananshi, kuenzela Mvidi Mukulu midimu, kuela bantu lupemba mu dina dia Maweja-Nangila.

1 Kulondolola 6:34

Kadi amu Arone ne ndelanganyi yende bavua benza mudimu wa batuangaji, wa kulambula milambu ya nyama ne ya manananshi, kuyiteka pa bilambuilu biayi. Amu bobu ke bavua babuela muaba wa tshijila menemene bua kuenzela Maweja-Nangila midimu yonsu. Bobu ke bavua bakobolola bena Izrayele, bilondeshile mikenji ya Mvidi Mukulu ivuaye muambile Moshe, muntu wende.

2 Kulondolola 2:3

Ungenzele panyi nanku, nkadi pa kuashila Maweja-Nangila Mvidi Mukulu wanyi nzubu wende wa tshijila. Neboshilemu milambu ya manananshi. Nebatekemu mampa a tshijila matuku onsu. Nebalambulemu milambu ya kuosha dinda ne dilolu, matuku a Dikisha, dituku dionsu didi ngondu ubala, ne matuku a bibilu bia Maweja-Nangila Mvidi Mukulu wetu. Ke mikenji idi bena Izrayele ne bua kukumbaja kashidi.

2 Kulondolola 2:4

Nanku, nzubu wa Mvidi Mukulu undi ngasa neikale munene, wa lumu, bualu Mvidi Mukulu wetu mmupite mvidie yonsu ku bunene.

2 Kulondolola 26:18

Kuimanabu kumpala kua mukalenga Uziya, bamuambila ne: — Mukalenga, kuena mua kulambula Maweja-Nangila milambu ya manananshi to. Mudimu ewu ngwa batuangaji ba ku ndelanganyi ya Arone, badibu bamane kujidila bua mudimu ewu. Patuka muaba wa tshijila ewu, bualu udi wenza bidi Maweja-Nangila ubenga. Biudi wenza kabiena mua kukupesha lumu ku mesu kua Maweja-Nangila Mvidi Mukulu to.

2 Kulondolola 29:7

Kukangabu biibi bia nzubu wa Mvidi Mukulu ne milonda, kulekelabu miendu idijimina nkayayi, kulengululabu mua kulambula milambu ya manananshi, ne milambu ya nyama, muaba wa tshijila wabena Izrayele.

Misambu 141:2

Dilomba dianyi dibande kuudi, bu muinshi wa kamonya, dilomba dianyi dikale bu mulambu wa dilolu.

Ekesode 30:34

Maweja-Nangila kuambila kabidi Moshe ne: — Angata mitshi ya dipembu dikole: mutshi wa budimbu, bizubu bia mutshi wa budimbu, mutshi wa ndundu ne mutshi wa kamonya. Bintu abi ubiangate anu bungi bua momumue.

Ekesode 30:6

Tshilambuilu atshi, utshiteke kumpala kua tshilamba tshidi tshijike mushete wa ndondu. Tshikale tshitangilangane ne mushete wa ndondu awu, muaba utuikala tumuenangana nebe.

Ekesode 30:8

Kadi dilolu, ikale ungoshila manananshi padiye uye kutemesha muendu. Kabakulekela dingoshila manananshi kashidi.

Ekesode 40:27

Moshe kuosha manananshi a tshijila pa tshilambuilu apu, bu muvua Maweja-Nangila mumuambile.

Lewitiki 6:5

Kadi kapia kadi pa tshilambuilu kadi ne bua kutema anu kutema. Ku dituku dionsu, mutuangaji ikale uteka nkunyi pa tshilambuilu dinda, utekepu ne milambu ya kuosha bangabanga ne kuoshilapu munyinyi wa mafuta wa milambu ya bobumue.

Luke 1:9

Bilondeshile muvua tshibidilu tshia batuangaji, kumusungulabu bua abuele muaba wa tshijila wa Maweja-Nangila bua kuoshilamu musenga wa kamonya.

Bienzedi 6:4

Tuetu netutungunuke ne mudimu wetu wa kutendelela Mvidi Mukulu, ne wa kulongesha muaku wende.

Dielulula 33:10

Bena Levi badi balongesha bena Izrayele mikenji yebe. Badi balambula pa tshilambuilu tshiebe milambu ya manananshi, ne ya kuosha.

1 Samuele 2:28

Munkatshi mua bisamba bionsu bia bena Izrayele, meme kusungula Arone nkambua webe, bua ikale mutuangaji wanyi, wenza mudimu wa kulambula milambu pa tshilambuilu tshianyi, kuosha mulambu wa manananshi ne kungebeja malu. Yeye ne ndelanganyi yende mvua mubapesha tshitupa tshia milambu idi bena Izrayele balambula.

1 Samuele 3:3

Samuwele kabidi uvua mulala, mu nzubu wa Maweja-Nangila, pabuipi ne mushete wa ndondu. Butuku kabuyi buanji kutshia, muendu wa muaba wa tshijila utshivua utema.