Ekesode 30:25 - MUKANDA WA MYIDI MUKULU

²⁵ Basambakaje manananshi ne mafuta bua kujidila nawu bantu ne bintu.

Mukanda wa Nzambi Dihungila Dikulukulu ne Dihungila Dihia-dihia 2003

²⁵ Wewe newenze manyi a tshijila adibo bela ha mutu ne bintu ebi, manyi adi atua dihembu bu mudibo benza kudi benyi ba manananshi, manyi au neikale manyi a tshijila adibo bela ha mutu.

Ekesode 30:25 Marejeleo ya Msalaba

1 Bakalenga 1:39

Mutuangaji Sadoke uvua muangate lusengu, luvua mu ntenta wa Maweja-Nangila, luikala ne mafuta a tshijila tente. Kuelaye mafuta awu pa mutu pa Shelomu, bua kumujidila mu bukalenga. Pashishe, kuelabu mpungi. Bantu bonsu bavua muaba awu kuela mbila ne: “Mukalenga Shelomu akuate ku mundundu!”

1 Kulondolola 9:30

Kadi, mudimu wa kusambakaja manananshi uvua wa batuangaji.

Misambu 133:2

Bidi bu manyi a mushinga mukole, mela mu mutu mua muntu mubikila ku didia, apueka ne ku muedi wende. Bidi bu muedi wa mutuangaji munene, upueka ne nshingu wa tshilamba tshiende.

Misambu 89:20

Dituku dikuabu uvua muleje bualu, wewe kuakula, wambila bantu bebe badi bakulamata ne: “Ndi muambuluishe muntu wa bukitu, ndi musungule nsongalume wa bantu bonsu.

Ekesode 28:41

“Bilamba abi, wewe Moshe ubivuadike muanenu Arone ne bana bende ba balume, ubalabe mafuta, ubambike midimu yabu. Ke muudi mua kubabanjija nanku bua bashale benza midimu ya butuangaji.

Ekesode 29:21

Pashishe, wangate mashi makese adi pa tshilambuilu, ne mafuta a tshijila, umiamine Arone ne ku bilamba biende. Umiamine kabidi ne bana bende ba balume ne ku bilamba biabu bionsu, nebikale bia tshijila.

Ekesode 29:7

Umuele mafuta a tshijila pa mutu bua kumujidila.

Ekesode 30:24

a kase kilo itanu — bilondeshile tshipimu tshidibu bangata bua muaba wa tshijila, — kuikale kabidi litre isambombu ya mafuta a olive.

Ekesode 30:32

Kadi, muntu kena mua kulaba mafuta awu pambidi to. Kabidi muntu kena mua kuenza mafuta a mushindu ewu to. Bualu mmafuta a tshijila anudi mua kunemeka.

Ekesode 30:35

Ubisangishe kaba kamue, welemu luepu bua kubilengeja bikale bia tshijila.

Ekesode 35:15

Benze tshilambuilu tshia manananshi, ne mitshi ya kuelaku; mafuta a kuela pa mutu, ne manananshi a kuosha; tshilamba tshia mu mushiku wa mbelu wa nzubu wa tshijila;

Ekesode 37:29

Pashishe muenji wa manananshi kuenza mafuta a tshijila a kujidila nawu bantu ne bintu. Kuenzaye kabidi ne manananshi a tshijila a kuosha pa tshilambuilu.

Ekesode 40:9

“Wangate mafuta, ulabe ku ntenta wa kusambakena, ne ku bionsu bidiku bua kubadila. Mpindiewu neashale muaba wa tshijila.

Muambi 10:1

Njiji mifue idi ibolesha kalangi kajima ka manananshi. Nenku butshimbakane bukese budi bunyanga meji ne lumu bidi muntu nabi.

Lewitiki 8:10

Ke Moshe kuangata mafuta a tshijila, kualaba ku ntenta wa kusambakena ne ku bintu bionsu bivuamu.

Lewitiki 8:2

— Ubikidishe Arone ne bana bende ba balume ku mushiku wa ntenta wa kusambakena. Ulombeshe bilamba biabu bia tshijila, ne mafuta a kubalaba. Batuale kabidi ngombe mulume wa kubakobolola nende, mikoku ibidi ya bimpanga, ne tshisaka tshia mampa kaayi mela buanga.

Dibadika 35:25

Bena Izrayele nebasungidile muntu udi mushipangane mu mpukapuka awu. Nebamusokoke mu tshimenga tshia kunyemena, bua musombuedianganyi kamushipi to. “Mushipianganyi awu, neashale mu tshimenga atshi, too ne pafua mutuangaji munene uvuabu bajidile ne manyi a tshijila.

Ebrewu 1:9

Udi unanga bidi Mvidi Mukulu musue, ubenga bidiye ubenga. Ke pavua Mvidi Mukulu, Mvidi Mukulu webe mukujidile, mukuele manyi a tshijila a disanka pa mutu, mukusungule anu wewe, mubenge bena mulongu nebe.”