Ekesode 30:10 - MUKANDA WA MYIDI MUKULU

¹⁰ Ku tshidimu tshionsu, Arone ikale utshikobolola, umiamine mashi a nyama ku nsengu inayi idi ku tshilambuilu, bua kukobolola bantu. Mukenji ewu, bikale bawenzulula ku tshidimu tshionsu kudi ndelanganyi yenu yonsu. Tshilambuilu etshi netshikale tshijidila, tshikale muaba wa tshijila menemene.”

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Alona neamiamine mashi a nyama mishiha ha nsengu ya tshioshelu etshi bua kubuikidila bantu mibi yabo, yeye nênze bualu ebu musangu umue ku tshidimu ku tshidimu bikondo bienu bionso, tshidi tshia tshijila tshitambe kudi Yehowa.

Ekesode 30:10 Marejeleo ya Msalaba

1 Bakalenga 1:50

Adoniya kuzakala bikole, utshina Shelomu. Kunyemenaye pabuipi ne tshilambuilu, kukuataye ku nsengu yatshi.

1 Kulondolola 6:49

Bena Izrayele bavua bapesha ndelanganyi ya bena Levi bimenga ebi ne mpata ya kudishila bimuna biabu.

Ekesode 30:11

Maweja-Nangila kuambila Moshe kabidi ne:

Ekesode 30:9

Kabidi pa tshilambuilu apu, kuena mua kundambulapu mulambu wa manananshi adi kaayi a tshijila to, nansha mulambu wa kuosha, nansha wa bintu bia mu madimi nansha wa maluvu a mvinyo.

Lewitiki 16:16

Padi Arone ufika muaba wa tshijila menemene, udi wenza bionsu bidi bikengela bua kujikija mikiya ivua muaba awu, bua buntomboji ne bubi bua bena Izrayele. Pashishe muaba udi mushale wa ntenta wa kusambakena, Arone neenze anu mushindu umue, bualu ntenta mmuase munkatshi mua bantu badi bapia mikiya.

Lewitiki 16:18

neapatuke mu ntenta, asemena ku tshilambuilu tshidi kumpala kua ntenta. Neenze bionsu bidi bikengela bua kujikija mikiya idi ku tshilambuilu. Pashishe neangate mashi makese a ngombe mulume ne a mbuji wa mpumbu, aamiamine ku matumba adi matalame adi ku tshilambuilu.

Lewitiki 16:2

“Ambila muanenu Arone kabuedi tshibuelabuela muaba wa tshijila menemene, panyima pa tshilamba tshidi tshijika mushete wa tshijila ne tshibuikidiji tshiawu to. Bualu yeye mubuele nanku, udi mua kufua musangu undi lumuenekela mu muinshi, udi pa mutu pa tshibuikidiji tshia mushete.

Lewitiki 23:27

“Dituku dia dikumi dia ngondu wa muanda mutekete, ndituku dinene dia kukobolola bantu. Dituku adi, nudisangishe, nuntendelele. Nujile biakudia, nundambule mulambu wa kuosha.

Lewitiki 4:18

Alabe kabidi mashi awu ku matumba adi matalame ku tshilambuilu tshia kuoshila manananshi tshidi muaba wa tshijila. Pashishe mashi onsu adi mashale, mutuangaji ayitshikije kuinshi kua tshilambuilu tshia milambu ya kuosha, tshidi ku mushiku wa mbelu wa ntenta.

Lewitiki 4:7

Alabe kabidi mashi awu ku matumba adi matalame ku tshilambuilu tshia kuoshila manananshi, tshidi muaba wa tshijila. Pashishe mashi onsu adi ashala, mutuangaji ayitshikije kuinshi kua tshilambuilu tshia milambu ya kuosha tshidi ku mushiku wa mbelu wa ntenta.

Ebrewu 1:3

Muanende ewu ke udi uleja bukole bua butumbi bua Mvidi Mukulu, ke udi uleja menemene mudi Mvidi Mukulu, kabidi udi ushindika bintu bionsu ku bukole bua muaku wende. Mumane kujimijila bantu bubi buabu, mmuye kusomba mu diulu ku tshianza tshia balume tshia Mvidi Mukulu, muena bukole buonsu.

Ebrewu 9:25

Mutuangaji munene wa bena Yuda udi ubuela muaba wa tshijila ku tshidimu ku tshidimu ne mashi a nyama ya milambu. Kadi Kristu kavua mubuele bua kudilambula misangu ya bungi nansha.

Ebrewu 9:7

Kadi amu mutuangaji munene nkayende ke udi ubuela mu ntenta muibidi. Udi ubuelamu amu musangu umue ku tshidimu. Udi uyamu ne mashi a nyama udiye ulambula Mvidi Mukulu bua mibi yende ne bua mibi idi bantu benze mu mpukapuka.

Didimanyisha 9:13

Pashishe mutumibue muisambombu kuela mpungi. Meme kumvua diyi dipatukila ku matumba anayi a tshilambuilu tshia mpawungi tshidi kumpala kua Mvidi Mukulu.