Ekesode 3:15 - MUKANDA WA MYIDI MUKULU

¹⁵ Pashishe kuambilaye Moshe ne: — Newambile bena Izrayele ne: “Maweja-Nangila Mvidi Mukulu wa bankambua benu, wa Abrahame, wa Izake ne wa Yakobe mmuntume kunudi.” Edi ke dina dianyi dia kashidi dia nuenu ne ndelanganyi yonsu kumbikila.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Nzambi wakambila Mose kabidi ne, Wewe newambile Bena Isalele ne, Yehowa, Nzambi wa bankambua benu, Nzambi wa Abalahama, Nzambi wa Isaka ne Nzambi wa Yakoba wakuntuma kunudi edi ndina dianyi tshiendelele, etshi ntshivulukidi tshianyi kudi bantu bonso.

Ekesode 3:15 Marejeleo ya Msalaba

Genese 24:12

Kutuadijaye kulomba Mvidi Mukulu wamba ne: — Maweja-Nangila, Mvidi Mukulu wa mfumuanyi Abrahame, lelu ndi nkusengelela ne: ungendeshe diakalenga, ukumbaje biuvua mulaye mfumuanyi Abrahame.

1 Kulondolola 16:16

Ke dilaya divuaye mulaye Abrahame. Ke mutshipu uvuaye muditshipe kudi Izake.

1 Kulondolola 29:18

Maweja-Nangila, Mvidi Mukulu wa bankambua betu, Abrahame, Izake ne Yakobe, anyisha bua bantu bebe balame muoyi wa mushindu ewu munda muabu matuku onsu, batume meji abu kuudi kashidi.

2 Kulondolola 28:9

Mu Samariya amu, muvua muambi wa Maweja-Nangila, dina diende Obede. Kuyaye kuakidila bena mvita ba bena Izrayele, bavua bafike mu tshimenga amu. Kubambilaye ne: — Maweja-Nangila Mvidi Mukulu wa bankambua benu, uvua mufikile bena Yuda munda. Ke padiye mubafile mu bianza bienu. Kadi nuvua bashipe bena mvita ba bena Yuda bapite bungi ne tshikisu tshipite. Tshikisu tshienu kumvuika ne mu diulu.

Misambu 102:12

Matuku anyi a panuapa adi bu mudi mundidimbi wa dilolu, ndi mfuba bu tshisosa.

Misambu 102:13

Kadi wewe, Maweja-Nangila, udi mukalenga wa kashidi, udi Mvidi Mukulu wa bikondu bionsu.

Misambu 135:13

Maweja-Nangila, lumu luebe ndua kashidi, udi Mvidi Mukulu mu nkama ne nkama ya bidimu.

Misambu 30:4

Wewe kumpatula mu kandondu ka bafue. Nkavua dikasa ku tshiina, wewe Maweja-Nangila kumfululula.

Misambu 30:5

Nuenu bantu ba Maweja-Nangila, mutumbishayi ne misambu, numusamune, mwuluke mudiye wa tshijila.

Misambu 68:5

Imbilayi Mvidi Mukulu misambu, nutumbishe dina diende. Nuakidile udi wendakana pa mavuba. Dina diende mMaweja-Nangila. Nutue tshianga, numusamune.

Misambu 72:17

Lumu lua mukalenga lushale kashidi, bamutumbishe too ne muajimina diba tshiendelele! Bantu belangane lupemba, bamba ne: Mvidi Mukulu akusankishe, muvuaye muenzele mukalenga! Mu matunga onsu bantu bamutue makumbu!

Misambu 72:19

Tuele Mvidi Mukulu tuasakidila! Lumu luende ndunene! Butumbi buende bumueneke mu buloba bujima! Amene, eyo, bikale nanku!

Ekesode 15:2

Maweja-Nangila udi bukole buanyi. Anu yeye ke Musungidi wanyi. Udi Mvidi Mukulu wanyi. Ndi tumutumbisha. Udi Mvidi Mukulu wa tatu wanyi. Ndi mmanyisha bantu bunene buende.

Ekesode 15:3

Maweja-Nangila udi tshilobu tshia mvita. Dina diende mMaweja-Nangila.

Ekesode 3:13

Moshe kuamba ne: — Mbimpe. Kadi pangaya kuambila bena Izrayele ne: “Mvidi Mukulu wa bankambua benu mmuntume kunudi,” pangebejabu ne: dina diende nnganyi nembandamune tshinyi?

Ekesode 3:6

Meme ndi Mvidi Mukulu wa bankambua bebe: wa Abrahame, wa Izake ne wa Yakobe. Moshe kubuikila mpala, bualu uvua utshina bua kutangila Mvidi Mukulu.

Ekesode 4:1

Moshe kuandamuna Maweja-Nangila ne: — Bena Izrayele kabakuitaba, kabakukumbaja bionsu bindi mbambila to. Nebangele mpata, bamba ne: “Maweja-Nangila kena mukumuenekele to!”

Ekesode 4:5

Maweja-Nangila kuambila Moshe ne: — Enza tshishima etshi bua bena Izrayele bitabe, bajadike ne: meme Mvidi Mukulu wa bankambua babu, wa Abrahame, wa Izake ne wa Yakobe, ndi mukumuenekele.

Ekesode 6:2

Mvidi Mukulu kuambila Moshe kabidi ne: — Meme ndi “Maweja-Nangila.”

Nsumuinu 18:10

Maweja-Nangila udi bu nzubu udibu bakolesha ne bimana. Muntu muakane udi unyemena kudiye, udi upanduka.

Yeshaya 26:8

Maweja-Nangila, bua tumone mua kukumbaja biudi wewe musue, tudi tutekemena amu kuudi. Kutela dina diebe, kukuela mbila, ke tshidi mutshima wa muntu yonsu ujinga.

Yeshaya 42:8

Ndi Maweja-Nangila, ke dina dianyi meme. Tshiena mpesha bakuabu butumbi budi bunkumbanyine. Lumu ludi lungakanyine, tshiena ndupesha mvidie to.

Yeshaya 63:12

Ke yeye uvua wenda ku dia balume dia Moshe, umuambuluisha ne diboku diende dikole. Uvua mupandulule mayi, bena luendu batangile. Ke muvuaye mupete lumu kashidi.

Yeshaya 9:6

Bukalenga buende nebutangalake, bena ditunga bende nebasombe mu bupole kashidi. Neashindame mu nkuasa wa lumu lua Davide, mpindiewu ne tshiendelele. Bumfumu buende nebutungunuke kashidi, bualu udi ulongolola malu bimpe, amu mudi Mvidi Mukulu ujinga. Ke bidi Maweja-Nangila muena bukole buonsu ukumbaja, bualu udi utunanga, kayi upungila.

Yirmeya 33:2

— Meme Maweja-Nangila, mufuki wa buloba, udi mubufumbe, mubulame kabidi, ndi ngamba ne:

Danyele 2:23

Mvidi Mukulu wa bankambua banyi, ndi nkuanyisha, nkutumbisha. Udi mumpeshe meji ne bukole. Udi mummanyishe bualu butuvua bakulombe, mututanduile bualu buvua butatshisha mukalenga.”

Osheya 12:5

Kuluishaye mutumibue wa Mvidi Mukulu, kumutshimunaye. Yakobe kudila, kumulomba bua amuele lupemba. Ku Betele, Yakobe kusambakena ne Mvidi Mukulu, Mvidi Mukulu kuyukila nende.

Osheya 12:6

Yeye ke Mvidi Mukulu wa bukole buonsu, udibu binyika ne: “Maweja-Nangila”.

Lewitiki 24:11

Dina dia mamuende divua Shelomite, muana wa Dibri, wa mu tshisamba tshia Dane. Nsongalume awu kuluangana ne muena Izrayele mukuabu. Kutuadijaye kupenda Mvidi Mukulu, usendeka dina diende. Diakamue bena Izrayele kumufunda kudi Moshe.

Mika 4:5

Muntu yonsu mu tshisamba tshiende, udi ukeba kusankisha mvidie yende. Kadi tuetu tudi tukeba kusankisha Maweja-Nangila Mvidi Mukulu wetu tshiendelele.

Malaki 3:6

“Meme Maweja-Nangila tshiena nkudimuka. Kadi nuenu kabidi nudi basue kushala kashidi ndelanganyi menemene ya Yakobe.

Matayi 22:32

“Meme ndi Mvidi Mukulu wa Abrahame, Mvidi Mukulu wa Izake, ne Mvidi Mukulu wa Yakobe.” Nanku Mvidi Mukulu udi Mvidi Mukulu wa bantu badi ne muoyi, ki ngwa bafue to.

Bienzedi 3:13

Kabiena nanku to! Mvidi Mukulu wa Abrahame, wa Izake, ne wa Yakobe, Mvidi Mukulu wa bankambua betu, mmuleje patoke butumbi budi muntu wende Yezu nabu. Nuenu kumufila kudi bamfumu, kumubenga kumpala kua Pilate. Kadi Pilate uvua musue kumulekela.

Bienzedi 7:32

“Meme ndi Mvidi Mukulu wa bankambua bebe, Mvidi Mukulu wa Abrahame, wa Izake ne wa Yakobe.” Moshe kuzakala ne bowa. Nanshaye kukimina kubanduluka kabidi.

Dielulula 1:11

Ndi njinga bua Maweja-Nangila, Mvidi Mukulu wa bankambua benu, anuvudije kabidi, nuvulangane misangu tshinunu. Anuele lupemba, bu muvuaye munulaye.

Dielulula 1:35

“Muntu nansha umue wa ku ndelanganyi eyi mibi, kena mua kufika mu ditunga dimpe, dimvua mulaye bankambua benu to.

Dielulula 4:1

Moshe kuambila kabidi bena Izrayele ne: Nuenu bitabe meyi ne mikenji bindi munulongeshe, nenuikale ne muoyi. Kabidi nenukuate ditunga dia Kenaane, didibu banupesha kudi Maweja-Nangila Mvidi Mukulu wa bankambua benu.

Ebrewu 11:16

Kadi batata bajinga ditunga ditambe buimpe, mbuena kuamba ne: ditunga dia mu diulu. Ke padi Mvidi Mukulu kayi umvua bundu padibu bamubikila ne: mMvidi Mukulu wetu, bualu mmubalongoluele tshimenga.

Ebrewu 13:8

Yezu Kristu udi momumue makelela, lelu ne tshiendelele.