Ekesode 3:10 - MUKANDA WA MYIDI MUKULU

¹⁰ Nanku ndi nkutuma kudi mukalenga wa bena Ejipitu, bua uye kupatula bantu banyi bena Izrayele badi mukalenga awu mukuate ku bupika.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Lua biebe, nenkutume kudi Palo, Ulue biebe ne bantu banyi, bana ba Isalele, badi mu Ejipitu.

Ekesode 3:10 Marejeleo ya Msalaba

Genese 15:13

Maweja-Nangila kuambila Abrame ne: — Umanye bimpe ne: ndelanganyi yebe neyisombe mu ditunga dia bende. Nebayikengeshe, ishale ku bupika bidimu nkama inayi.

Genese 15:14

Kadi, meme nennyoke tshisamba tshikale tshiyikuata ku bupika atshi. Ndelanganyi yebe neyipatuke mu bupika ne biuma bia bungi.

Misambu 105:26

Maweja-Nangila kutuma Moshe, muena mudimu wende, ne Arone uvuaye musungule.

Misambu 77:20

Mvidi Mukulu uvua mupande njila mu mayi manene, uvua wendela muinshi mua mayi manene muntu kavua mua kumona dikasa diebe.

Ekesode 12:40

Bena Izrayele bavuabashale mu Ejipitu bidimu nkama inayi ne makumi asatu.

Ekesode 12:41

Bidimu abi nkama inayi ne makumi asatu bikumbana, dituku dia tshivulukilu, bisamba bionsu bia bena Izrayele kupatuka mu Ejipitu balondangane bimpe mu milongu.

Ekesode 33:12

Moshe kuambila Maweja-Nangila ne: — Maweja-Nangila unteleje. Wewe udi muntume bua meme kulombola bena Izrayele, kadi kuena mumpeshe muntu mukuabu udi mua kungambuluisha to. Wewe udi munsungule, mungendeshe diakalenga bu muuvua mumane kuamba.

Ekesode 33:13

Nanku, bu muudi mungendeshe diakalenga, ungambile bionsu biudi wela meji, bua meme nkumanye nkujadike, ngikale muena diakalenga kashidi. Uvuluke ne: bena Izrayele mbantu bebe.

Ekesode 6:26

Arone ne Moshe ke bavua Maweja-Nangila muambile ne: “Nupatule bena Izrayele bonsu balondangane bimpe mu bisamba biabu mu Ejipitu.”

Osheya 12:13

Yakobe kunyema, kuyaye ku Mezopotamiya. Kutuadijaye kuenzela muntu mukuabu mudimu, anu bua kupeta mukaji. Eyowa, Yakobe kudienza mulami wa bimuna, anu bua kupeta mukaji.

Mika 6:4

Nudi nuntompuela, bualu mvua munupatule mu Ejipitu, munupikule mu bupika, munutumine Moshe, Arone ne Miriyame bua kunulombola anyi?

Bienzedi 7:34

Ndi mumone mudi bantu banyi bakenga mu Ejipitu. Ndi mumvue mudibu batua mikemu. Ke pandi mupueke bua kubasungidila. Mpindiewu, luaku! Ndi nkutuma ku Ejipitu.”

Bienzedi 7:36

Moshe kupatula bena Izrayele mu Ejipitu, kuenza bishima ne malu a dikema mu ditunga dia bena Ejipitu, mu mayi manene Makunze, ne mu tshipela, bidimu makumi anayi.

Bienzedi 7:6

Ke Mvidi Mukulu kumuambila ne: “Ndelanganyi yebe neisombe mu ditunga dia bende. Nebashalemu mu bupika bidimu nkama inayi. Nebabakengeshemu.

Bienzedi 7:7

Kadi nennyoke bantu bavua babakuate ku bupika. Pashishe nebumbuke mu ditunga adi, bua kuntendelela muaba ewu.

Balombodi 6:14

Maweja-Nangila ukudimuka kudi Ngideyone, kumuambila ne: — Uye ne bukole buudi nabu ebu, usungidile bena Izrayele mu bianza bia bena Madiyane. Meme ndi nkutuma.

1 Samuele 12:6

Samuwele kubambila kabidi ne: — Maweja-Nangila ke mujadiki wa bualu ebu. Yeye ke uvua musungula Moshe ne Arone bua kupatula bankambua benu mu Ejipitu.

1 Samuele 12:8

Yakobe ne bena diende bonsu bamane kuya mu Ejipitu, bankambua benu kukenga bikole. Kubikilabu Maweja bua abambuluishe. Maweja-Nangila kutuma Moshe ne Arone bua kupatula bena Izrayele mu Ejipitu, ne bua kubafila mu ditunga ditudi edi.