Ekesode 29:43 - MUKANDA WA MYIDI MUKULU

⁴³ “Nanku, nembuikile muaba ewu ne butumbi buanyi. Bualu ke muaba undi mmonangana ne bena Izrayele.

Mukanda wa Nzambi Dihungila Dikulukulu ne Dihungila Dihia-dihia 2003

⁴³ Meme nensangakeneku ne Bena Isalele, ne tshitendelelu netshikale tshiedibue ku butumbi buanyi.

Ekesode 29:43 Marejeleo ya Msalaba

1 Bakalenga 8:11

Batuangaji kabawa ne mushindu wa kuenza mudimu to, bualu bua divuba adi, butumbi bua Maweja-Nangila ke buvua buwule mu nzubu.

2 Kulondolola 5:13

Bonsu, bedi ba mpungi ne bimbi bakuabu, kuimbabu pamue, bua kusamuna ne kutumbisha Maweja-Nangila. Bavua bimba misambu, bela mpungi, ludibu ne biombelu, bamba ne: “Tumbishayi, Maweja-Nangila, bualu mmulenga. Dinanga diende ndia kashidi”. Diba adi, divuba kuwula mu nzubu wa Mvidi Mukulu tente.

2 Kulondolola 5:14

Batuangaji kabavua ne mushindu wa kutungunuka ne mudimu wabu to, bualu bua divuba adi, bualu butumbi bua Maweja-Nangila buvua buwula mu nzubu wende.

Ekesode 25:22

Netumonangane nebe anu pa tshibuikidiji tshia mushete awu. Pankatshi pa Bakerubine abu, ke pandi nkupela mikenji idi itangila bena Izrayele.

Ekesode 29:42

Nuikale nundambula mulambu wa mushindu ewu kashidi ne ndelanganyi yenu yonsu. Bandambule anu mu mushiku wa mbelu wa ntenta wa kusambakena muaba utuikala tumonangana nebe.

Ekesode 29:44

Nenjidile kabidi ntenta wa kusambakena ne muaba wa tshilambuilu. Bu mundi njidila Arone ne bana bende ba balume bua bangenzele mudimu wa butuangaji.

Ekesode 40:34

Diba adi divuba divua dibuikila ntenta wa kusambakena. Butumbi bua Maweja-Nangila kuwulabu muaba wa tshijila.

Ekesode 40:35

Moshe kavua kabidi ne mushindu wa kubuela mu ntenta wa kusambakena to.

Yeshaya 60:1

Yerushalayime, juka, ukenke bu diba! Bualu meme ndi mfika, meme butoke buebe. Lumu lua Maweja-Nangila nelukutokeshe, bu diba ditshidi dipatukilaku.

Yezekiyele 43:5

Mueyelu wa Mvidi Mukulu kungambula pa buloba, kunteka mu lubanza lua munda mua nzubu wa Mvidi Mukulu. Meme kumona butumbi bua Maweja-Nangila buvua tente mu nzubu amu.

Lewitiki 9:4

Bangate kabidi ngombe mulume, mukoku wa tshimpanga bua mulambu wa bobumue. Nenusakidile ku nyama mulambu wa bukula busampakaja ne mafuta. Bualu Maweja-Nangila neanumuenekele lelu.

Lewitiki 9:6

Moshe kubambila ne: — Panudi nukumbaja bionsu bivua Maweja-Nangila munuambile bua kuenza, yeye neadileje kunudi ne butumbi buende.

Malaki 3:1

Telejayi mudi Mvidi Mukulu wa bukole buonsu unuandamuna ne: “Ndi ntuma muntu wanyi ne mukenji bua kundongoluelaye njila. Maweja-Nangila unudi nujinga neafike lukasa mu nzubu wende. Muntu udi ne mukenji unudi bindile awu, neanumanyishe ndondu undi mutue nenu. Nyeye awu ukadi ulua!”

2 Korente 3:18

Tuetu bonsu tudi tumuenesha butumbi bua Mfumu, bualu ki mbabuikile mpala wetu ne tshilamba. Ke mutudi bandamuke, bua difuanangane ne Mfumu, bua tumuke mu butumbi, tubuele mu bukuabu budi bupita bua kumpala. Ke bidi Mfumu muenze ku bukole bua Mueyelu wende.

2 Korente 4:6

Mvidi Mukulu uvua muambe ne: “Butoke bukenke mu miidima!” Ke muvuaye mukenkeshe butoke buende mu mioyi yetu, bua mmanye butumbi bua Mvidi Mukulu budi bubalakana pa mpala wa Kristu.

1 Yone 3:2

Balunda banyi, mpindiewu tukadi bana ba Mvidi Mukulu. Kadi mutuikala pashishe ki mmuanji kumanyika patoke. Kadi tshitudi bamanye ngetshi: padi Kristu umueneka, netuikale bafuanangane nende, bualu netumumone muonsu mudiye.