Ekesode 29:4 - MUKANDA WA MYIDI MUKULU

⁴ “Uye ne Arone ne bana bende ba balume ku mushiku wa mbelu wa ntenta wa kusambakena, uboweshe mayi.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Ulue ne Alona ne bana bandi balume ku tshibi tshia ntenta wa kusangakena, uboweshe mai.

Ekesode 29:4 Marejeleo ya Msalaba

Ekesode 26:36

“Tshilamba tshia kulembeleja mu mushiku wa mbelu wa ntenta, tshikale tshitela bimpe ne buanda bua ndanda busambakaja ne bua miosa ya nyama bufikuluke, bukunzubile ne bukunze kunzuu.

Ekesode 29:3

Ubiteke mu tshisaka tshimue, ubindambule meme Maweja-Nangila pamue ne ngombe mulume ne mikoku ya bimpanga ibidi.

Ekesode 40:12

Pashishe, Arone ne bana bende ba balume, bimane mu mushiku wa mbelu wa ntenta wa kusambakena, bua uboweshe mayi a tshijila.

Ekesode 40:28

Kulembelejaye tshilamba mu mushiku wa mbelu wa muaba wa tshijila.

Ekesode 40:32

Misangu yonsu ivuabu babuele mu ntenta wa kusambakena, nansha bafike pabuipi ne tshilambuilu, bavua bowa mayi, bu muvua Maweja-Nangila muambile Moshe.

Yezekiyele 36:25

Nennupumuine mayi matoke pambidi penu bua kunumusha mikiya. Eyowa, nennumushe bubi buenu buonsu, ne bukoya bunuvua bapete pa kutendelela mvidie mikuabu.

Yezekiyele 42:14

Batuangaji badi bamane kubuela muaba wa tshijila, padibu bapatuka, kabena mua kuya diakamue mu lubanza lua pa mbelu to. Badi ne bua kukopola bilamba bia tshijila bivuabu bavuala bua kuenzela Maweja-Nangila mudimu, kubishiya mu bibambalu ebi. Muaba ewu badi ne bua kuvuala bilamba bikuabu, bua bamone mua kuya muaba udi bantu basangile.

Lewitiki 14:8

Muena nsudi uvuabu bakobolola awu, asukule bilamba biende, akungule nsuki ne boya buonsu, wowe mayi adi umusha mikiya. Pashishe apingane mu mitanda. Kadi ashale matuku muanda mutekete kayi ubuela mu ntenta wende.

Dibadika 8:9

Usangishe bena Izrayele bonsu, wimanyike bena Levi kumpala kuanyi, pabuipi ne ntenta wa kusambakena. Bena Izrayele nebabatenteke bianza.

Efeze 5:26

Uvua muenze nanku bua tshikale Tshisumbu tshia bantu menemene ba Mvidi Mukulu. Uvua mutshisukule, mutshitue mu mayi, muambe muaku.

Dielulula 23:11

Tshilejilu, pikala muena mvita wa munkatshi muenu mutatakane butuku, muele biana panshi, neapatuke mu mitanda dituku dijima.

Tite 3:5

ke Yeye kusungidila, ki mbua midimu mimpe ituvua benze, kadi anu bua luse luende. Uvua mutusungidile, bualu bavua bafume mu mayi, batulele tshiakabidi, batupeshe muoyi mupiamupia kudi Mueyelu wa Tshijila.

Ebrewu 10:22

Nenku tusemenayi kudi Mvidi Mukulu ne muoyi umue, bashindame mu ditaba dietu, bamane kulengeja muoyi wetu ku bilema bionsu bidi kondu ketu ka munda katupisha nabi, bamane kuowesha mubidi wetu ne mayi mimpe.

1 Petro 3:21

Mayi aa adi tshimfuanyi tshia mayi mudibu banutua mpindiewu bua kunusungidila. Kabena batua muntu mu mayi aa, amu bua kumusha manyanu a pambidi. Kadi badi balomba Mvidi Mukulu bua umushe mibi yonsu idi kondu kenu ka munda kanupisha. Padibu banutua mu mayi, Mvidi Mukulu udi unusungidila, bualu Yezu Kristu mmubike ku bafue,