Ekesode 29:3 - MUKANDA WA MYIDI MUKULU

³ Ubiteke mu tshisaka tshimue, ubindambule meme Maweja-Nangila pamue ne ngombe mulume ne mikoku ya bimpanga ibidi.

Mukanda wa Nzambi Dihungila Dikulukulu ne Dihungila Dihia-dihia 2003

³ Ubiteke mu tshisaka tshimue, ulue nʼabi mu tshisaka ne muana wa ngombe ne bimpanga bibidi.

Ekesode 29:3 Marejeleo ya Msalaba

Ekesode 29:2

Wangate bukula bua ntete, wenze mampa adi kaayi mela buanga ne mikata mikanga ne mafuta, kayiyi miela buanga. Wangate kabidi tukata tubidi tupepele tukanga ne mafuta, kadi katuyi tuela buanga.

Ekesode 29:4

“Uye ne Arone ne bana bende ba balume ku mushiku wa mbelu wa ntenta wa kusambakena, uboweshe mayi.

Lewitiki 8:2

— Ubikidishe Arone ne bana bende ba balume ku mushiku wa ntenta wa kusambakena. Ulombeshe bilamba biabu bia tshijila, ne mafuta a kubalaba. Batuale kabidi ngombe mulume wa kubakobolola nende, mikoku ibidi ya bimpanga, ne tshisaka tshia mampa kaayi mela buanga.

Lewitiki 8:26

Mu tshisaka tshivua kumpala kua Maweja-Nangila, tshikale ne mampa kaayi mela buanga, Moshe kuangata diampa dimue kadiyi diela buanga, mukata muenza ne mafuta, kabidi ne kakata kakese. Kubitekaye pa mafuta ne pa tshibelu tshia luseke lua dia balume dia tshimpanga.

Lewitiki 8:31

Moshe kuambila Arone ne bana bende ba balume ne: — Nulambile munyinyi wa tshimpanga tshibidi atshi mu mushiku wa ntenta wa kusambakena. Nuudile nuenu nkayenu anu muaba awu, pamue ne mampa a tshijila. Ke mumvua munuambile diyi dia Maweja-Nangila ne: bintu ebi nebabidie amu kudi Arone ne bana bende ba balume.

Dibadika 6:17

Nealambule kabidi ne mukoku wa tshimpanga bua mulambu wa bobumue, pamue ne tshisaka tshia mikata kayiyi miela buanga bua mampa. Pashishe nealambule bukula ne mvinyo.