Ekesode 29:25 - MUKANDA WA MYIDI MUKULU

²⁵ Pashishe, wangate kabidi bintu abi, ubiteke pa tshilambuilu pa mutu pa mulambu wa kuosha, bua bikale mulambu wa dipembu udi unnunkila meme Maweja-Nangila.

Mukanda wa Nzambi Dihungila Dikulukulu ne Dihungila Dihia-dihia 2003

²⁵ Wewe newangate bintu ebi ku bianza biabo, ubioshile ha tshioshelu bu mulambu udi utua dihembu dimpe ku mesu kua Yehowa, udi mulambu udibo boshila Yehowa ha kahia.

Ekesode 29:25 Marejeleo ya Msalaba

Genese 8:20

Nowa kuashila Maweja-Nangila tshilambuilu. Kuangataye nyama umue ne nyunyi umue wa ku tshisumbu tshionsu tshia nyama idi kayiyi ne mikiya, kuyilambula Maweja-Nangila pa tshilambuilu bu milambu ya kuosha.

Genese 8:21

Mulambu kununkilawu Maweja-Nangila mupuya muimpe. Kununganaye wamba ne: “Nansha bantu bikale anu ne meji mabi biangatshile ku buana buabu, kadi tshiena ntshipa buloba kabidi bua buenzayi bua muntu. Tshiena mua kubutula bionsu bidi ne muoyi musangu muibidi bu mumvua muenze emu.

Misambu 99:6

Moshe ne Arone, ba munkatshi mua batuangaji bende, Samuwele wa munkatshi mua bavua babikila dina diende, bonsu aba kubikilabu Maweja-Nangila. Yeye uvua ubitaba.

Ekesode 29:18

Woshe bintu bionsu abi, bua bikale mulambu wa kuosha wa dipembu dimpe udi unsankisha meme Maweja-Nangila.

Ekesode 29:24

Ubiteke bana bende mu bianza, babiele mulu, babinyukule bua kundambula meme Maweja-Nangila.

Ekesode 29:41

Kadi muana wa mukoku uudi ulambula dilolu, umulambule kabidi pamue ne bukula, mafuta ne maluvu bu muuvua muenze dinda. Bualu mmulambu wa dipembu dimpe wa kungoshila meme Maweja-Nangila.

Lewitiki 1:13

Bia munda ne bikonu babisukule mu mayi. Mutuangaji abiele mulu, abinyukule, abioshile bionsu Maweja-Nangila pa tshilambuilu, bualu mmulambu wa kuosha, udi ne dipembu dimpe didi disankisha Maweja-Nangila.

Lewitiki 1:9

Kadi, bia munda bionsu, ne bikonu bia ngombe, babisukule mu mayi. Pashishe mutuangaji abioshe pamue ne munyinyi onsu udi pa tshilambuilu, bua dipembu dimpe dia mulambu wa kuosha disankishe Maweja-Nangila.

Lewitiki 10:13

Kabidi nudi mua kuadila amu muaba wa tshijila. Tshitupa tshia milambu ivuabu balambula Maweja-Nangila etshi, ntshienu nuenu batuangaji, bu mu-vua Maweja-Nangila mungambile.

Lewitiki 2:11

“Kadi, kanuena mua kuela buanga bua mampa mu mulambu nansha umue unudi nulambula Maweja-Nangila to. Panudi nulongolola mulambu wa kuoshila Maweja-Nangila, kashidi kenu kanuena mua kuelamu buitshi, nansha buanga bua mampa to.

Lewitiki 2:16

Mutuangaji ambule dianza dia bukula budi ne mafuta, ambule kabidi musenga wa kamonya onsu, abioshe pa tshilambuilu, bualu mmulambu wa tshivulukilu udi moshile Maweja-Nangila.

Lewitiki 2:2

Aye nabi kudi batuangaji, bana ba Arone. Mutuangaji ambule dianza dia bukula budi ne mafuta, ambule kabidi musenga wa kamonya onsu. Abioshe bionsu pa tshilambuilu. Bualu bidi mulambu wa tshivulukilu, udi ne dipembu dimpe didi disankisha Maweja-Nangila.

Lewitiki 2:9

Ambule dianza dia bukula, aboshe pa tshilambuilu, bualu mmulambu wa tshivulukilu wa kuosha udi ne dipembu dimpe didi disankisha Maweja-Nangila.

Lewitiki 3:11

Mutuangaji oshe bintu bionsu abi pa tshilambuilu, bualu mmulambu udibu boshila Maweja-Nangila.

Lewitiki 3:14

Pashishe mutuangaji ele bintu bionsu ebi mulu, abinyukule bua kubilambula Maweja-Nangila: ke mafuta onsu adi malamate ku bia munda,

Lewitiki 3:16

Mutuangaji oshe bintu bionsu abi pa tshilambuilu, bualu mmulambu wa dipembu dimpe moshila Maweja-Nangila. “Mafuta onsu ikale a Maweja-Nangila.

Lewitiki 3:3

Pashishe, batuangaji balambule Maweja-Nangila bintu ebi: mafuta onsu adi malamate ku bia munda,

Lewitiki 3:5

Batuangaji boshe munyinyi onsu ewu pa tshilambuilu, pamue ne mulambu wa kuosha, bualu udi mulambu wa dipembu dimpe didi disankisha Maweja-Nangila.

Lewitiki 3:9

Pashishe, mutuangaji ele bintu ebi mulu, abinyukule bua kubilambula Maweja-Nangila: ke mukila mujima mulamuina ku makunku, mafuta onsu adi malamate ku bia munda,

Lewitiki 7:25

Padi muntu udia mafuta a nyama udibu balambula bu mulambu wa kuoshila Maweja-Nangila, muntu awu bamuipate munkatshi mua bena Izrayele.

Lewitiki 7:5

Mutuangaji oshe bionsu ebi pa tshilambuilu. Bualu bidi mulambu wa dinua tshibalu, udibu boshila Maweja-Nangila, ushile.

Lewitiki 8:28

Pashishe kuangataye kabidi bintu abi ku bianza bia Arone ne bia bana bende ba balume, kubitentekajaye pa mutu pa milambu ya kuosha ivua pa tshilambuilu, kubioshila Maweja-Nangila. Ke muvuabu benza mudimu wa kubueja batuangaji mu mudimu nanku. Mulambu awu uvua ne dipembu dimpe didi disankisha Maweja-Nangila.

Efeze 5:2

Nulonde njila wa dinanga. Vulukayi muvua Kristu mutunange, mudifile bualu buetu, bu mulambu wa dipembu dimpe, uvua usankisha Mvidi Mukulu.

1 Samuele 2:28

Munkatshi mua bisamba bionsu bia bena Izrayele, meme kusungula Arone nkambua webe, bua ikale mutuangaji wanyi, wenza mudimu wa kulambula milambu pa tshilambuilu tshianyi, kuosha mulambu wa manananshi ne kungebeja malu. Yeye ne ndelanganyi yende mvua mubapesha tshitupa tshia milambu idi bena Izrayele balambula.