Ekesode 28:6 - MUKANDA WA MYIDI MUKULU

⁶ “Nanku, tshilamba tshia efode tshia mutuangaji munene, tshikale tshitela kudi batedi ba kalanda-musenga. Tshikale tshitela ne buanda bua ndanda busambakaja ne bua miosa ya nyama bufikuluke, bukunzubile ne bukunze kunzuu. Tshilamba atshi, tshikale tshitela bimpe ne buanda bua mpawungi.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Bobo nebatele efoda ne bintu bia or ne bilulu bia bleu ne bukunzubile ne bikunze-kunzû ne bia lin mutambe buimpe, bintu bidibo benzesha kudi bantu badi ne lungenyi lule.

Ekesode 28:6 Marejeleo ya Msalaba

Ekesode 25:4

bilamba bifikuluke, bikunzubile, bikunze kunzuu, bilamba bia ndanda ne bia boya bua mbuji,

Ekesode 25:7

mabue a mushinga mukole a kuteka mu tshilamba tshia efode tshidi mutuangaji munene uvuala, ne tshilamba tshidiye uteka pa tshiadi.

Ekesode 26:1

“Ungenzele muaba wa tshijila, mulongolola ne bilamba dikumi bia ndanda. Kadi, bilamba abi bikale bifikuluke, bikunzubile ne bikunze kunzuu. Ku bilamba abi, uzolaku Bakerubine bikale ne mapuapua.

Ekesode 28:7

Kadi, tshikale tshitela ne mampinda abidi ku nseke bua kutshivuala bimpe.

Ekesode 29:5

Pashishe, ujadike Arone bilamba biende bia tshijila: muntumpu, tshilamba tshia muinshi, tshilamba tshia efode tshia mutuangaji munene ne tshilamba tshia pa tshiadi. Pashishe, usuikakaje tukaba tudi ku tshilamba tshia efode.

Osheya 3:4

Nanku, bena Izrayele nebashale matuku a bungi kabayi ne mukalenga, kabayi ne bamfumu, kabayi ne milambu, nansha makunji a tshijila, kabayi kabidi ne binta bionsu bidi biambuluisha bua kumanya disua dia Mvidi Mukulu.

Lewitiki 8:7

Kuvuadikaye Arone muntumpu, kumusuika mukaba, kumuvuadika muntumpu mulamika tshilamba tshia efode kutshisuikila panyima ne tukaba tuatshi.

Balombodi 8:27

Ngideyone kuenza lupingu ne biamu bia mpawungi abi. Kulutekaye mu musoku wabu wa Ofra. Bena Izrayele kuya kuntendelela. Nanku lupingu alu kuenza buteyi kudi Ngideyone ne kudi bena diku diende.

1 Samuele 23:6

Tshikondu tshivua Abiyatare, muana wa mutuangaji Akimeleke, munyemena kudi Davide mu tshimenga tshia Keyila, uvua mufike ne bintu bia tshijila bidi biambuluisha bua kukonka Maweja-Nangila malu.

1 Samuele 30:7

Davide kuambila mutuangaji Abiyatare, muana wa Akimeleke, ne: — Mpesha Urime ne Tumime, bintu bia tshijila, bua nkonke Maweja-Nangila. Abiyatare kumupesha bintu abi.