Ekesode 28:43 - MUKANDA WA MYIDI MUKULU

⁴³ Bilamba abi, Arone ne bana bende ba balume babivuale anu padibu babuele mu ntenta wa kusambakena, nansha padibu baye pabuipi ne tshilambuilu tshidi muaba wa tshijila bua mudimu wa butuangaji, nanku butaka buabu kabuakumueneka, kabuena bubakebela lufu to. Arone alame mukenji ewu kashidi ne ndelanganyi yende yonsu.

Mukanda wa Nzambi Dihungila Dikulukulu ne Dihungila Dihia-dihia 2003

⁴³ Alona ne bana bandi balume nebaluate mihanu ei hayabo mu tshitendelelu anyi hayabo hehi ne tshioshelu bua kuenza mudimu wabo mu muaba wa tshijila, bobo kabatuadi mahambuka, kabafu. Mukenji eu newikale kudiye ne kudi bana bandi badi banulonda ku nyima tô ne tshiendelele.

Ekesode 28:43 Marejeleo ya Msalaba

Ekesode 20:26

Pashishe, tshilambuilu katshikadi ne bibandilu to, bualu butaka bua udi ubanda bua kundambula milambu budi mua kumueneka.

Ekesode 27:21

Mu ntenta wa kusambakena amu, Arone ne bana bende ba balume, batekemu tshitekelu tshia muendu. Tshitekelu tshia muendu atshi, tshikale kumpala kua tshilamba tshidi tshilembeleja bua kujika muaba udi mushete wa ndondu. Miendu ayi, ikale itema butuku ne munya muaba undi meme Maweja-Nangila. Bena Izrayele ne ndelanganyi yabu yonsu, balame mukenji ewu kashidi.

Ekesode 30:21

Badi ne bua kuowa mayi awu ku bianza ne ku makasa bua kabatu to. Balame mukenji ewu kashidi too ne ndelanganyi yabu.

Yezekiyele 44:17

Padibu bapitshila ku biibi bia lubanza lua munda mua nzubu, badi ne bua kuvuala bilamba bienza ne ndanda. Kabena ne bua kuvuala bilamba bienza ne miosa ya nyama, padibu benza mudimu wabu mu lubanza, nansha munda mua nzubu wa Mvidi Mukulu.

Lewitiki 16:13

Muaba awu kumpala kua Maweja-Nangila, neele musenga wa manananshi mu mbabula. Muinshi wa manananshi awu, neubuikile mushete wa ndondu ne tshibuikidiji tshiawu. Nanku Arone kakufua to.

Lewitiki 17:7

Nenku bena Izrayele nebalekele kulambula milambu yabu kudi mvidie ya dishima, idibu benzele mpingu mifuanangane ne mbuji ya mpumbu. Badi batendelela mvidie eyi mushindu mubi udi ukuatshisha bundu. Bena Izrayele balame mukenji ewu kashidi too ne ku ndelanganyi yabu yonsu.

Lewitiki 22:15

“Batuangaji kabena ne bua kunyanga biakudia bia tshijila bidi bena Izrayele bumusha ku milambu idibu balambula Maweja-Nangila.

Lewitiki 22:9

“Batuangaji bakumbaje muabu muonsu bindi mubambile. Tshianana nebikale bena tshibawu, amu bua biakudia. Nebafue, bualu kabena balonda mikenji idi itangila bintu bia tshijila. Bualu meme ndi Maweja-Nangila, udi ujidila batuangaji bua bankuatshile mudimu.

Lewitiki 3:17

Nanku nuenu ne ndelanganyi yenu, miaba yonsu inudi nusomba, kashidi ne kashidi kanudi mashi nansha mafuta to. Nulame mukenji ewu kashidi.”

Lewitiki 5:1

“Padibu babikila muntu kampande kudi balumbuluishi bua kujadika bualu budiye mumvue nansha mumone ne mesu, kadi yeye ubenga bua kujadika bualu abu, mmuena tshibawu.

Lewitiki 5:17

“Padi muntu kampande muenze bualu bubi budi bubengangana nansha ne mukenji umue wa Maweja-Nangila, nansha muenze kayi mumanye, muntu awu udi muena tshibawu.

Dibadika 15:15

Nanku, bantu bonsu basanga ntete, nansha nuenu, nansha benyi badi munkatshi muenu, nulonde anu mikenji eyi, ku ndelanganyi ne ku ndelanganyi. Bualu meme Maweja-Nangila tshiena ne kansungansunga to.

Dibadika 18:22

Bena Izrayele bakuabu kabena mua kufika kabidi muaba wa tshijila to. Tshianana, badi mua kubunda tshibawu tshia lufu.

Dibadika 18:32

Nuenu bamane kundambula bidi bimpe ku bintu bionsu abi, kanuena nuenza tshilema panudi nuangata bidi bishala. Nanku kanuakunyanga milambu ya tshijila ya bena Izrayele to. Kanuakubunda tshibawu tshia lufu nansha.

Dibadika 18:8

Maweja-Nangila kuambila Arone ne: — Ndi mukupeshe mudimu wa kutangila milambu yonsu ya tshijila idi bena Izrayele bandambula. Milambu eyi ishale yebe wewe ne ya ndelanganyi yebe kashidi.

Dibadika 9:13

Kadi pikala muntu kayi muye ku luendu, nansha kayi ne mikiya bua tshitalu tshivuaye mulenge, ulengulula tshibilu tshia Dipita dia Maweja-Nangila dituku dimufundile ku bukole, muntu awu mmuena tshibawu. Numumushe munkatshi mua bena Izrayele, bualu kavua musue kulambula Maweja-Nangila milambu pa diba diayi.