Ekesode 28:41 - MUKANDA WA MYIDI MUKULU

⁴¹ “Bilamba abi, wewe Moshe ubivuadike muanenu Arone ne bana bende ba balume, ubalabe mafuta, ubambike midimu yabu. Ke muudi mua kubabanjija nanku bua bashale benza midimu ya butuangaji.

Mukanda wa Nzambi Dihungila Dikulukulu ne Dihungila Dihia-dihia 2003

⁴¹ Wewe neubiluatshishe Alona muanʼenu ne bana bandi balume badi nʼandi, wewe neubele manyi ha mutu, ubalengeshe, ubajidile, bua bobo bankuatshile mudimu wa buakuidi.

Ekesode 28:41 Marejeleo ya Msalaba

Ekesode 28:1

“Wambile mukuluebe Arone ne bana bende ba balume: Nadabe, Abihu, Elazare ne Itamare, ubumushe munkatshi mua bena Izrayele, bua bangenzele mudimu wa butuangaji.

Ekesode 28:4

Bilamba abi bikale bia mushindu ewu: tshilamba tshia pa tshiadi, tshia efode, tshia muntumpu, tshia muinshi tshilengeja ne buanda bua mishindu mishilangane, tshifulu ne mukaba. Muanenu Arone ne bana bende ba balume nebavuale bilamba abi padibu benza mudimu wa butuangaji.

Ekesode 29:24

Ubiteke bana bende mu bianza, babiele mulu, babinyukule bua kundambula meme Maweja-Nangila.

Ekesode 29:35

“Wewe Moshe, wenzele Arone ne bana bende ba balume, bionsu bindi mukuambile ebi. Ubajidile matuku muanda mutekete.

Ekesode 29:7

Umuele mafuta a tshijila pa mutu bua kumujidila.

Ekesode 29:9

Ubasuike mikaba, ubase kabidi ne bifulu ku mutu. Ke muudi ne bua kubajiidila nanku, bua Arone ne ndelanganyi yende bashale batuangaji kashidi. “Bua Arone ne bana bende kutuadija mudimu wa butuangaji, wenze nenku:

Ekesode 30:35

Ubisangishe kaba kamue, welemu luepu bua kubilengeja bikale bia tshijila.

Ekesode 40:13

Uvuadike Arone bilamba biende bia tshijila. Umulabe mafuta, umujidile bua angenzele mudimu wa butuangaji.

Ekesode 40:15

Bana ba Arone abu, ubalabe mafuta mushindu uuvua mulabe tatuabu, ubajidile bua bangenzele mudimu wa butuangaji. Mafuta awu, ke adi ajadika ne: badi batuangaji kashidi, bobu ne ndelanganyi yabu yonsu.”

Yeshaya 10:27

Dituku adi, neakumushile bujitu budi bukunemenena pa makaya. Neakupepejile mutshi uuvua wambula nawu bintu bia bujitu pa dikaya diebe. Bena mvita ba bena Ashure badi baya mu Samariya,

Yeshaya 61:1

Maweja-Nangila Mvidi Mukulu, mmunguwuje ne Mueyelu wende, bualu mmundabe manyi a tshijila, mmutume bua kumanyisha bapele lumu lua disanka, bua kukolesha ku muoyi badi benda batekete mu maboku, bua kuambila bavuabu baye nabu mu matunga a bende ne: nudi mua kuya kuonsu kunudi basue, ne bua kuambila bena lukanu ne: mbamane kunupatula mu lukanu.

Yezekiyele 43:26

Nanku, matuku malondangane muanda mutekete, neumushe mikiya ku tshilambuilu, batshijidile bua kutshibanjija.

Lewitiki 10:7

Nanku nuenu kanumuku mu mushiku wa ntenta wa kusambakena bua kanufu, bualu Maweja-Nangila mmunulabe mafuta a tshijila. Ke Arone ne bana bende kuitaba bionsu bivua Moshe ubambila.

Lewitiki 16:24

Arone aye muaba kampande wa tshijila, wowe mayi pambidi, avuale bilamba bikuabu. Pashishe apatuke, alambule Maweja-Nangila milambu ibidi ya kuosha, buende yeye ne bua bena Izrayele. Pashishe neadikobolole, akobolole ne bena Izrayele bonsu.

Dibadika 16:5

Kuambilaye Kora ne bonsu bavuaye nabu ne: — Malaba dinda, Maweja-Nangila nkayende neatumanyishe muntu udi wa tshijila, udi mua kusemena pabuipi nende. Nanku, neanyishe bua muntu udiye musungule asemene pabuipi nende.

Dibadika 3:3

Bana aba ke bavuabu balaba manyi, babajidile bua benze mudimu wa butuangaji.

Yowanane 3:34

Uvua Mvidi Mukulu mutume udi wamba miaku ya Mvidi Mukulu. Bualu Mvidi Mukulu udi mumupeshe Mueyelu wende wa Tshijila kayi upima.

Ebrewu 5:4

Muntu nansha umue kena mua kudipesha lumu lua kuikala mutuangaji munene. Muntu udi mua kuikala mutuangaji amu padi Mvidi Mukulu umubikila ku mudimu awu bu muvuaye muenze ne Arone.

Ebrewu 7:28

Mikenji ya Moshe idi iteka bantu badi ne bilema mulongu wa batuangaji banene. Kadi miaku ya mutshipu wa Mvidi Mukulu ivuaye muambe kunyima kua mikenji, mmiteke Muana udi mufike ku bujima buende bua kashidi bu mutuangaji munene.

1 Yone 2:20

Kadi nuenu nuvua bapete Mueyelu wa Tshijila, uvua Kristu munupumuine. Ke panudi bonsu bamanye bulelela.

1 Yone 2:27

Kristu mmunupumuine Mueyelu wende. Bu mudi Mueyelu wende ushala munda muenu, kanuena nukengela mulongeshi mukuabu. Bualu Mueyelu wende udi unulongesha malu onsu. Bidiwu wamba bidi bilelela, kabiena bia dishima to. Nanku nuitabe bidi Mueyelu unulongesha, nushale mu bobumue ne Kristu.