Ekesode 28:15 - MUKANDA WA MYIDI MUKULU

¹⁵ “Uteleshe tshilamba tshia kuvuala pa tshiadi, tshia pa dilumbulula. Tshilamba atshi, tshikale tshitela ne buanda bua ndanda, busambakaja ne bua miosa ya nyama bufikuluke, bukunzubile ne bukunze kunzuu. Tshikale tshitela bu tshilamba tshia efode ne buanda buengelela bu tshiamu tshia mpawungi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Wewe newenzeshe tshilulu tshia dilumbulula tshia ha tshiadi kudi bantu badi ne lungenyi lule, bobo nebenze tshilulu etshi bu muakenzabo efoda, ne bintu bia or ne bilulu bia bleu ne bikunzubile ne bilulu bikunze-kunzû ne bia lin mutambe buimpe.

Ekesode 28:15 Marejeleo ya Msalaba

Ekesode 25:7

mabue a mushinga mukole a kuteka mu tshilamba tshia efode tshidi mutuangaji munene uvuala, ne tshilamba tshidiye uteka pa tshiadi.

Ekesode 26:1

“Ungenzele muaba wa tshijila, mulongolola ne bilamba dikumi bia ndanda. Kadi, bilamba abi bikale bifikuluke, bikunzubile ne bikunze kunzuu. Ku bilamba abi, uzolaku Bakerubine bikale ne mapuapua.

Ekesode 26:36

“Tshilamba tshia kulembeleja mu mushiku wa mbelu wa ntenta, tshikale tshitela bimpe ne buanda bua ndanda busambakaja ne bua miosa ya nyama bufikuluke, bukunzubile ne bukunze kunzuu.

Ekesode 28:14

uluke kabidi tukaba tukese tubidi tua tshiamu tshia mpawungi menemene tupindakaja bu mionji. Ututenteke mu masosu amu.

Ekesode 28:16

Tshilamba tshia pa tshiadi atshi, tshikale tshibombi tshimue tshia santimetre makumi abidi ne itanu nseke yonsu.

Ekesode 28:30

Wewe Moshe, ubueje Urime ne Tumime mu tshilamba tshia pa tshiadi, tshia kuvuala pa kulumbulula. Arone ikale uvuala bintu abi misangu yonsu padiye wimana kumpala kuanyi meme Maweja-Nangila, bua kumanya tshindi musue kuenzela bena Izrayele.

Ekesode 28:4

Bilamba abi bikale bia mushindu ewu: tshilamba tshia pa tshiadi, tshia efode, tshia muntumpu, tshia muinshi tshilengeja ne buanda bua mishindu mishilangane, tshifulu ne mukaba. Muanenu Arone ne bana bende ba balume nebavuale bilamba abi padibu benza mudimu wa butuangaji.

Ekesode 28:6

“Nanku, tshilamba tshia efode tshia mutuangaji munene, tshikale tshitela kudi batedi ba kalanda-musenga. Tshikale tshitela ne buanda bua ndanda busambakaja ne bua miosa ya nyama bufikuluke, bukunzubile ne bukunze kunzuu. Tshilamba atshi, tshikale tshitela bimpe ne buanda bua mpawungi.

Ekesode 29:5

Pashishe, ujadike Arone bilamba biende bia tshijila: muntumpu, tshilamba tshia muinshi, tshilamba tshia efode tshia mutuangaji munene ne tshilamba tshia pa tshiadi. Pashishe, usuikakaje tukaba tudi ku tshilamba tshia efode.

Lewitiki 8:8

Kumuladika tshilamba tshia pa tshiadi, kubuejamu Urime ne Tumime.