Ekesode 28:1 - MUKANDA WA MYIDI MUKULU

¹ “Wambile mukuluebe Arone ne bana bende ba balume: Nadabe, Abihu, Elazare ne Itamare, ubumushe munkatshi mua bena Izrayele, bua bangenzele mudimu wa butuangaji.

Mukanda wa Nzambi Dihungila Dikulukulu ne Dihungila Dihia-dihia 2003

¹ Ubikile Alona mukuluʼebe kûdi, ne bana bandi balume balue nʼandi ba munkatshi mua Bena Isalele, yeye ankuatshile mudimu wa buakuidi, Alona mene ne Nadaba ne Abihu, Eleazâ ne Itamâ, bana balume ba Alona.

Ekesode 28:1 Marejeleo ya Msalaba

1 Kulondolola 23:13

Bana ba Amrame badi: Arone ne Moshe. Arone ne ndelanganyi yende, bavua babajidila bua bikale benza mudimu kashidi muaba wa tshijila menemene. Bavua ne bua kulambula milambu ya manananshi, kuenzela Mvidi Mukulu midimu, kuela bantu lupemba mu dina dia Maweja-Nangila.

1 Kulondolola 6:10

Elkana uvua kabidi ne bana ba balume babidi: Amashiya ne Akimote.

1 Kulondolola 6:34

Kadi amu Arone ne ndelanganyi yende bavua benza mudimu wa batuangaji, wa kulambula milambu ya nyama ne ya manananshi, kuyiteka pa bilambuilu biayi. Amu bobu ke bavua babuela muaba wa tshijila menemene bua kuenzela Maweja-Nangila midimu yonsu. Bobu ke bavua bakobolola bena Izrayele, bilondeshile mikenji ya Mvidi Mukulu ivuaye muambile Moshe, muntu wende.

2 Kulondolola 11:14

Bena Levi bavua bumuka muaba wabu pabuipi ne bimenga, bua kuya kusomba mu Yerushalayime, ne mu bukalenga bua bena Yuda, bualu Yerobowame ne bana bende ba balume bavua babapangishe mua kuenzela Maweja-Nangila mudimu wa butuangaji.

Misambu 115:10

— Nuenu batuanganji, ndelanganyi ya Arone, tekemenayi kudi Maweja-Nangila. — Yeye ke udi unuambuluisha, unulama bu ngabu.

Misambu 99:6

Moshe ne Arone, ba munkatshi mua batuangaji bende, Samuwele wa munkatshi mua bavua babikila dina diende, bonsu aba kubikilabu Maweja-Nangila. Yeye uvua ubitaba.

Ekesode 24:1

Maweja-Nangila kuambila Moshe ne: — Bikila Arone, Nadabe, Abihu ne bakulu ba bena Izrayele makumi muanda mutekete. Ubande ku mukuna kundi eku bua kutendelela. Kadi, batuile binu pa bule.

Ekesode 24:9

Pashishe, Moshe, Arone, Nadabe, Abihu ne bakulu ba bena Izrayele makumi muanda mutekete kubanda ku mukuna.

Ekesode 28:41

“Bilamba abi, wewe Moshe ubivuadike muanenu Arone ne bana bende ba balume, ubalabe mafuta, ubambike midimu yabu. Ke muudi mua kubabanjija nanku bua bashale benza midimu ya butuangaji.

Ekesode 29:1

“Ujidile Arone ne bana bende ba balume ku mudimu wa butuangaji nenku: “Usungule muana wa mukoku mulume umue ne bimpanga bibidi kabiyi kalema pambidi.

Ekesode 29:44

Nenjidile kabidi ntenta wa kusambakena ne muaba wa tshilambuilu. Bu mundi njidila Arone ne bana bende ba balume bua bangenzele mudimu wa butuangaji.

Ekesode 29:9

Ubasuike mikaba, ubase kabidi ne bifulu ku mutu. Ke muudi ne bua kubajiidila nanku, bua Arone ne ndelanganyi yende bashale batuangaji kashidi. “Bua Arone ne bana bende kutuadija mudimu wa butuangaji, wenze nenku:

Ekesode 30:30

Ulabe Arone ne bana bende ba balume mafuta aa, bua kubajidila, bua bangenzele mudimu wa butuangaji.

Ekesode 31:10

bilamba bia kuenza nabi mudimu muaba wa tshijila, bilamba bia Arone ne bia bana bende ba balume bia kuenzabu nabi mudimu wa butuangaji,

Ekesode 35:19

Benze bilamba bia lumu bia kuenza nabi mudimu muaba wa tshijila; bilamba bia tshijila bia mutuangaji munene Arone, ne bia bana bende ba balume.

Ekesode 6:23

Arone uvua musele Elisheba muana wa Aminadabe. Elisheba awu uvua muanabu ne Nashone. Elisheba kulela bana ba balume banayi: Nadabe, Abiku, Elazare ne Itamare.

Lewitiki 10:1

Nadabe ne Abiku bavua bana ba balume ba Arone. Yonsu wa kudibu kuangata tshiamu tshiende tshia musenga wa kamonya, kuelamu makala a kapia, kabidi ne manananshi bua kulambula Maweja-Nangila. Kadi kapia kakavua ka tshijila, kakavua mushindu uvua Maweja-Nangila mubambile to.

Lewitiki 10:12

Pashishe Moshe kuambila Arone ne bana bende ba balume babidi, Elazare ne Itamare, bavua bashale ne muoyi ne: — Angatayi bukula budi bushale bua ku mulambu uvuabu balambula Maweja-Nangila. Nuenze nabu mampa kaayi mela buanga. Kadi nuadile pabuipi ne tshilambuilu, bualu adi biakudia bia tshijila menemene.

Lewitiki 7:35

Bintu abi, bidibu bumusha ku milambu idibu balambula Maweja-Nangila, nebikale bia Arone ne bana bende, biangatshile dituku didibu babajidile ku mudimu wa butuangaji bua kukuatshila Maweja-Nangila mudimu.

Lewitiki 8:1

Maweja-Nangila kuambila Moshe ne:

Lewitiki 8:2

— Ubikidishe Arone ne bana bende ba balume ku mushiku wa ntenta wa kusambakena. Ulombeshe bilamba biabu bia tshijila, ne mafuta a kubalaba. Batuale kabidi ngombe mulume wa kubakobolola nende, mikoku ibidi ya bimpanga, ne tshisaka tshia mampa kaayi mela buanga.

Dibadika 18:7

Kadi wewe Arone ne ndelanganyi yebe, nuenze mudimu wa butuangaji ku tshilambuilu, ne muaba wa tshijila menemene, udi kunyima kua tshilamba tshidi tshilembelela. Meme Maweja-Nangila ndi munupeshe mudimu wa butuangaji ewu. Kadi pikala muntu mukuabu usemena pabuipi nanyi, neafue.

Dibadika 26:61

Kadi Nadabe ne Abiku bafuile, bualu bavua balambula Maweja-Nangila mulambu wa musenga wa kamonya kauyi wa tshijila to.

Luke 1:8

Dinga dituku, Zekarya uvua wenza midimu yende ya butuangaji kumpala kua Mvidi Mukulu. Bualu ke tshikondu tshivua tshisumbu tshiabu ne bua kuenza mudimu.

Dielulula 10:6

(Bena Izrayele kumuka ku mpokolu ya mayi a Bene-Yakane, kuya ku Moshera. Muaba awu ke uvua Arone mufuile. Kumujikabu. Muanende Elazare kumupingana ku mudimu wa butuangaji.

Dielulula 18:5

Bualu Maweja-Nangila Mvidi Mukulu mmusungule bena Levi kashidi munkatshi mua bisamba bikuabu bionsu, bua bamuenzele mudimu wa butuangaji.

1 Samuele 2:28

Munkatshi mua bisamba bionsu bia bena Izrayele, meme kusungula Arone nkambua webe, bua ikale mutuangaji wanyi, wenza mudimu wa kulambula milambu pa tshilambuilu tshianyi, kuosha mulambu wa manananshi ne kungebeja malu. Yeye ne ndelanganyi yende mvua mubapesha tshitupa tshia milambu idi bena Izrayele balambula.