Ekesode 27:21 - MUKANDA WA MYIDI MUKULU

²¹ Mu ntenta wa kusambakena amu, Arone ne bana bende ba balume, batekemu tshitekelu tshia muendu. Tshitekelu tshia muendu atshi, tshikale kumpala kua tshilamba tshidi tshilembeleja bua kujika muaba udi mushete wa ndondu. Miendu ayi, ikale itema butuku ne munya muaba undi meme Maweja-Nangila. Bena Izrayele ne ndelanganyi yabu yonsu, balame mukenji ewu kashidi.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Mu tshitendelelu ku mpala kua tshilulu tshidi ku mpala kua mushete wa Nzambi Alona ne bana bandi balume nebalame muinda dilolo tô ne dinda ku mesu kua Yehowa, bualu ebu nebuikale bu mukenji ku bikondo bienu tshiendelele kudi bana ba Isalele.

Ekesode 27:21 Marejeleo ya Msalaba

Genese 1:5

Kuinyikaye butoke ne: “Mmunya,” midima ne: “Mbutuku.”

Genese 1:8

Kuinyikaye tshibuashibuashi ne: “Ndiulu”.

2 Kulondolola 13:11

Dinda ne dilolu badi balambula Maweja-Nangila, milambu ya kuosha ne ya manananshi. Mampa adibu balambula Maweja-Nangila, badi baateka pa mesa a tshijila. Dilolu dionsu badi batemesha miendu idi pa tshitekelu tshia miendu tshia tshiamu tshia mpawungi. Tudi tukumbaja mudimu wa Maweja-Nangila anu mudiwu. Kadi nuenu nudi babenge Mvidi Mukulu mulelela.

Misambu 134:1

Musambu wa bena ngendu. Elayi Maweja-Nangila tuasakidila, nuenu bonsu badi bamuenzela mudimu, bimana mu nzubu muende butuku.

Ekesode 12:14

“Nuenu ne ndelanganyi yenu yonsu nuikale nuvuluka dituku edi. Nungenzele meme Maweja-Nangila tshibilu. Mukenji ewu ushale kashidi.”

Ekesode 16:34

Arone kuteka dibungu adi kumpala kua mushete wa ndondu, bua kudilama bu muvua Maweja-Nangila muambile Moshe.

Ekesode 25:16

Mu mushete amu utekemu mabue, adi ne mikenji ingakupesha, idi ijadika ndondu.

Ekesode 28:43

Bilamba abi, Arone ne bana bende ba balume babivuale anu padibu babuele mu ntenta wa kusambakena, nansha padibu baye pabuipi ne tshilambuilu tshidi muaba wa tshijila bua mudimu wa butuangaji, nanku butaka buabu kabuakumueneka, kabuena bubakebela lufu to. Arone alame mukenji ewu kashidi ne ndelanganyi yende yonsu.

Ekesode 29:28

Nanku, padi bena Izrayele bandambula mulambu wa ditua ndondu, Arone ne ndelanganyi yende nebikale bangata tshiadi ne tshibelu.

Ekesode 29:42

Nuikale nundambula mulambu wa mushindu ewu kashidi ne ndelanganyi yenu yonsu. Bandambule anu mu mushiku wa mbelu wa ntenta wa kusambakena muaba utuikala tumonangana nebe.

Ekesode 29:44

Nenjidile kabidi ntenta wa kusambakena ne muaba wa tshilambuilu. Bu mundi njidila Arone ne bana bende ba balume bua bangenzele mudimu wa butuangaji.

Ekesode 30:21

Badi ne bua kuowa mayi awu ku bianza ne ku makasa bua kabatu to. Balame mukenji ewu kashidi too ne ndelanganyi yabu.

Ekesode 30:36

Pashishe, ubitue, wenze musenga wa kuteka kumpala kua mushete wa Maweja-Nangila, udi mu ntenta wa kusambakena, muaba ungikala mukuambile bua tuetu kumuenangana. Numanye ne: musenga awu ntshintu tshienu tshia tshijila.

Ekesode 30:8

Kadi dilolu, ikale ungoshila manananshi padiye uye kutemesha muendu. Kabakulekela dingoshila manananshi kashidi.

Ekesode 40:3

Batekemu mushete wa ndondu, baujika ne tshilamba tshilembeleja, bua kabaumonu kudi bantu to.

Lewitiki 10:9

— Wewe ne bana bebe, kanuena mua kunua maluvu a mvinyo, nansha a kapia, panudi nubuela mu ntenta wa kusambakena, bualu nudi mua kufua. Mukenji ewu ushale kashidi kunudi ne kudi ndelanganyi yenu.

Lewitiki 16:34

“Mukenji ewu, nuulame kashidi bua kukobolola bena Izrayele musangu umue ku tshidimu tshionsu bua mibi yabu yonsu ijike. Arone kukumbaja mudimu onsu uvua Maweja-Nangila mumufundile kudi Moshe.

Lewitiki 17:7

Nenku bena Izrayele nebalekele kulambula milambu yabu kudi mvidie ya dishima, idibu benzele mpingu mifuanangane ne mbuji ya mpumbu. Badi batendelela mvidie eyi mushindu mubi udi ukuatshisha bundu. Bena Izrayele balame mukenji ewu kashidi too ne ku ndelanganyi yabu yonsu.

Lewitiki 23:14

Nenku biakudia bia tshianyi bia mu madimi enu binudi nunowa abi: nansha mampa, nansha midioku mibishi, nansha miosha, kanuena mua kubidia, kanuyi banji kubindambula. Nulame mikenji eyi kashidi miaba yonsu inudi nusomba.

Lewitiki 23:21

Dituku mene adi, kanuenji mudimu to. Nudisangishe bua kuntendelela. Nulame mikenji eyi kashidi, miaba yonsu inudi nusomba.

Lewitiki 24:2

“Utumine bena Izrayele diyi bakutuadile mafuta mimpe a tumuma tua olive, bua kutemesha nawu miendu dilolu dionsu.

Lewitiki 24:3

Arone ateke kapia aku mu ntenta wa kusambakena, kumpala kua tshilamba tshidi tshijika mushete wa ndondu. Kapia aku, nekashale katema butuku bujima, kumpala kua Maweja-Nangila. Bena Izrayele ne ndelanganyi yabu yonsu nebalame mukenji ewu kashidi.

Lewitiki 24:9

Arone ne bana bende ba balume nebangate mikata ayi, bua kuyidila pa muaba kampande wa tshijila. Kadi mikata ayi idi amu ya Arone ne bana bende ba balume, bualu idi ya tshijila menemene, ivuabu bamane kundambula meme, Maweja-Nangila. Mikata ayi idi yabu bua kashidi.”

Lewitiki 3:17

Nanku nuenu ne ndelanganyi yenu, miaba yonsu inudi nusomba, kashidi ne kashidi kanudi mashi nansha mafuta to. Nulame mukenji ewu kashidi.”

Lewitiki 3:8

Ateke tshianza pa mutu pa mukoku awu. Aukose muminu kumpala kua ntenta wa kusambakena. Batuangaji bamiamine mashi a mukoku awu ku nseke yonsu ya tshilambuilu.

Lewitiki 6:15

“Nanku muntu wa ku ndelanganyi ya Arone, udibu bajidila bua ikale mutuangaji munene, neikale ulambula mulambu ewu anu mushindu ewu. Bualu mmulambu udibu boshila Maweja-Nangila onsu kashidi, ushile.

Lewitiki 7:36

Nanku Maweja-Nangila udi unutumina diyi nuenu bena Izrayele, bua nupeshe Arone ne bana bende bintu ebi dituku didibu babajidila. Nulame mukenji ewu kashidi.

Malaki 2:7

Eyowa, mudimu wa mutuangaji udi wa kulongesha bantu, bua bamanye Mvidi Mukulu. Yeye ke udi bantu bakonka bua kumanya tshidibu ne bua kuenza. Bualu yeye ke udi ufikisha malu a Maweja-Nangila wa bukole buonsu kudi bantu.

Dibadika 18:23

Bena Levi nkayabu ke badi mua kuenza mudimu mu ntenta wa kusambakena. Bilema bionsu bidibu benzamu, nebibakuate amu bobu. Nulame mukenji ewu kashidi. Bena Levi kabena ne tshiabu tshitupa tshia buloba, bu mudi bisamba bikuabu bia bena Izrayele natshi to.

Dibadika 18:5

Nuenu nenuenze mudimu muaba wa tshijila, ne ku tshilambuilu. Nanku tshiakufikila kabidi bena Izrayele bonsu munda to.

Dibadika 19:21

“Bena Izrayele nebakumbaje mikenji eyi kashidi. Muntu yonsu udi umiaminangana mayi a kukobolola awu, neasukule bilamba biende. Muntu mulenge mayi awu, neikale kabidi ne mikiya too ne ku dilolu.

Dibadika 35:29

“Nulame mikenji eyi kashidi, miaba yonsu inudi nusomba.

Dibadika 8:9

Usangishe bena Izrayele bonsu, wimanyike bena Levi kumpala kuanyi, pabuipi ne ntenta wa kusambakena. Bena Izrayele nebabatenteke bianza.

Matayi 4:16

Bantu badi basomba mu midima nebamone butooke bunene! Bantu badi basomba mu ditunga dia lufu mu midima, butooke nebubakenkele!”

Luke 12:35

— Shalayi balongame. Nudisuike mikaba mu tshimonu. Ambulayi miendu yenu mitemesha.

Yowanane 5:35

Yowanane uvua bu muendu mutemesha ukenka. Nuenu kuanyisha bua kusanka tshitupa tshipi ku bukenke buawu.

2 Korente 4:6

Mvidi Mukulu uvua muambe ne: “Butoke bukenke mu miidima!” Ke muvuaye mukenkeshe butoke buende mu mioyi yetu, bua mmanye butumbi bua Mvidi Mukulu budi bubalakana pa mpala wa Kristu.

2 Petro 1:19

Bu mutuvua bumvue miaku eyi, tudi bajadike bimpe menemene ne: meyi avua bambi batumanyishe kale adi malelela. Nanku panudi nuavuluka ne ntema, nudi nuenza bimpe, bualu adi bu muendu udi utema muaba wa miidima, too ne padi butuku butshia, too ne padi mutotu wa nkesha ukenkesha mioyi yenu.

Didimanyisha 2:1

— Fundila mutumibue wa Tshisumbu tshia bena ditaba ba mu Efeze ne: “Udi mukuate mitotu muanda mutekete mu tshianza tshiende tshia balume, wenda munkatshi mua bitekelu muanda mutekete bia miendu bienza ne mpawungi, udi wamba ne:

1 Samuele 3:3

Samuwele kabidi uvua mulala, mu nzubu wa Maweja-Nangila, pabuipi ne mushete wa ndondu. Butuku kabuyi buanji kutshia, muendu wa muaba wa tshijila utshivua utema.

1 Samuele 30:25

Biangatshile dituku adi, Davide kujadika mikenji eyi. Kushalayi mikenji ivuabena Izrayele bonsu ne bua kukumbaja too ne mpindiewu.