Ekesode 25:2 - MUKANDA WA MYIDI MUKULU

² — Ambila bena Izrayele bikale bandambula milambu, bayifila amu kudi bantu ba muoyi muimpe.

Mukanda wa Nzambi Dihungila Dikulukulu ne Dihungila Dihia-dihia 2003

² Wambile Bena Isalele bua kumpeshabo bintu bia kuntendelela nʼabi, nenuangate kudi muntu ne muntu bintu bidi mutshima wandi musue bua kuntendelela nʼabi.

Ekesode 25:2 Marejeleo ya Msalaba

Ezela 1:6

Bena mutumba nabu kubambuluisha, ne bintu bienza ne tshiamu tshitoke tshia mushinga mukole, nansha bienza ne tshiamu tshia mpawungi. Bavua babapesha kabidi bintu bishilangane bia mushinga wa bungi, kabidi ne bimuna, katuyi tubala milambu ya budisuile ivuabu bafile bua nzubu wa Mvidi Mukulu.

Ezela 2:68

Pavuabu bafike mu Yerushalayime, tshimenga tshivua ne nzubu wa Mvidi Mukulu, bamfumu bakuabu ba meku kufila milambu bua bibake nzubu wa Mvidi Mukulu muaba wende wa kale.

Ezela 3:5

Bituadija tshikondu atshi, bavua balambula milambu ya ku dituku ku dituku, kabidi ne milambu mikuabu idibu bafunde bua kulambula dituku dia kumpala dia ngondu yonsu, ne matuku a bibilu bia Maweja-Nangila, kabidi ne milambu mikuabu ya budisuile idi bantu bakadila Maweja-Nangila.

Ezela 7:16

Newangate kabidi bintu bionsu bia tshiamu tshia mpawungi, ne bia tshiamu tshitoke tshia mushinga mukole, biwapeta mu buloba bua Babilone, bintu bidi bena ditunga dienu bafile ku budisuile buabu, nansha batuangaji nansha bantu bakuabu, bua nzubu wa Mvidi Mukulu wabu udi mu Yerushalayime.

Nehemya 11:2

Bena Yuda bavua basankidila bikole, bela ka lumbandi, bantu bavua badianza kuitaba ku budisuile buabu, bua kuya kusomba mu Yerushalayime.

Misambu 110:3

Bantu badi bamanye mvita bikole badi baya nebe bua kukufila, dituku diudi usangisha bena mvita bebe. Bansongalume bebe badi bavue kuudi pa mikuna ya tshijila, bu mudi dima dipatuka pa kubundubundu.

Ekesode 25:1

Maweja-Nangila kuambila Moshe ne:

Ekesode 25:3

Milambu ayi ikale ya mushindu ewu: ya tshiamu tshia mpawungi, ya tshiamu tshitoke tshia mushinga mukole ne ya tshiamu tshikunze,

Dibadika 18:24

Kadi nebapete tshia dikumi tshia bintu bidi bena Izrayele ne bua kundambula. Ke pandi ngamba ne: kabakuikala ne tshiabu tshitupa tshia buloba, bu mudi bisamba bikuabu bia bena Izrayele natshi.

2 Korente 9:7

Muntu yonsu afile mudiye muele meji, kayi ne muoyi mujoboke, kabayi bamuenzeje malu ku bukole. Bualu Mvidi Mukulu udi unanga udi upa ne disanka.

Balombodi 5:9

Mwoyi wanyi udi kudi balombodi ba bena Izrayele, kudi bantu badi badifila nkayabu ku mvita. Elayi Maweja-Nangila tuasakidila!