Ekesode 24:16 - MUKANDA WA MYIDI MUKULU

^16-17 Butumbi bua Maweja-Nangila buvua ku mukuna wa Sinayi. Kumuenekabu ku mesu a bena Izrayele bu kapia kakole ku lusongu lua mukuna. Divuba kushala dibuikila mukuna awu matuku asambombu. Dituku dia muanda mutekete, Maweja-Nangila kubikila Moshe mu divuba.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Butumbi bua Yehowa buakikala ha mukuna wa Sinai, ne difutu diakaubuikila matuku asambombo Dituku dia muanda mutekete yeye wakabikila Mose munkatshi mua ditutu.

Ekesode 24:16 Marejeleo ya Msalaba

Misambu 99:7

Mvidi Mukulu uvua ubambila meyi ende mu dikunji dia muinshi, bavua batumikila meyi ende ne mikenji ya nsombelu muakane bivuaye ubelela.

Ekesode 16:10

Patshivua Arone wambila bena Izrayele malu awu, bena Izrayele batangila ku tshipela, kumonabu butumbi bua Maweja-Nangila mu divuba.

Ekesode 19:11

Bangindile, bualu dituku disatu meme nempueke ku mukuna wa Sinayi, bena Izrayele bonsu batangile.

Ekesode 19:9

Maweja-Nangila kuambila Moshe ne: — Ndi mpueka musokome mu divuba bua kuyukila nebe, bua, padi bantu bumvue mutudi tuyukila nebe, bakuitabe. Moshe kufikisha bivua bantu bandamune kudi Maweja-Nangila.

Ekesode 20:10

Dituku dia muanda mutekete ndia Dikisha, dia kunnemeka anu meme Maweja-Nangila. Kuenji mudimu dituku adi, nansha wewe, nansha bana bebe ba balume nansha ba bakaji, too ne bapika ne benyi badi basombe mu ditunga dienu. Kabidi bimuna bienu kabienji mudimu to.

Yeshaya 4:5

nenku Maweja-Nangila neasombe pa mukuna wa Siyone, munkatshi mua bantu badi basangilamu. Mu munya divuba dia muinshi, butuku tshimunyi tshia kapia, nebileje bantu mudi Maweja-Nangila munkatshi muabu, ubalama. Butumbi abu nebubambuluishe,

Yezekiyele 1:28

Bukenke buvua bunyungulule kapia buvua bu muanzankongolu udi ukenka dituku dia mvula. Ke muvua butumbi bua Maweja-Nangila bumueneke. Musangu umvua mubumone, meme kudiela mpala panshi. Pashishe meme kumvua diyi dingambila malu.

Lewitiki 9:23

Nanku Moshe ne Arone kubuela mu ntenta wa kusambakena. Bobu bamane kupatukamu, kuelabu bantu lupemba. Nanku Maweja-Nangila kudileja kudi bena Izrayele ne butumbi buende.

Lewitiki 9:6

Moshe kubambila ne: — Panudi nukumbaja bionsu bivua Maweja-Nangila munuambile bua kuenza, yeye neadileje kunudi ne butumbi buende.

Dibadika 14:10

Bena Izrayele bonsu kukeba mua kubasa mabue, kubashipa. Kadi diakamue butumbi bua Maweja-Nangila kumuenekela bena Izrayele kulu kua ntenta wa kusambakena.

2 Korente 4:6

Mvidi Mukulu uvua muambe ne: “Butoke bukenke mu miidima!” Ke muvuaye mukenkeshe butoke buende mu mioyi yetu, bua mmanye butumbi bua Mvidi Mukulu budi bubalakana pa mpala wa Kristu.

Didimanyisha 1:10

Dituku di Mfumu, Mueyelu wa Tshijila kumvulula. Meme kumvua panyima panyi diyi dikole, bu muadi wa mpungi,