Ekesode 23:7 - MUKANDA WA MYIDI MUKULU

⁷ Kanuteleji muena biakulakula. Kanushipi udi kayi ne bualu nansha muntu muakane, bualu meme nempishe bena buenzayi bua nanku.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Shila malu a mushimi kaba, kanushihi muntu muimpe udi kayi ne bualu meme tshiena mbingisha muntu mubi.

Ekesode 23:7 Marejeleo ya Msalaba

Genese 18:23

Abrahame kusemena kudiye, umukonka ne: — Maweja-Nangila, neubutule muntu muakane pamue ne muena tshibawu anyi?

Yobe 22:23

Wewe mupingane kudi wa bukole buonsu, neakufululule. Umushe malu mabi onsu, audi wenza kuebe.

Misambu 119:29

Ungumbushe mu njila wa dishima, ummanyishe mikenji yebe bua bulenga buebe.

Misambu 94:21

Badi belela bantu bakane tshifufu, bapisha muntu udi kayi ne bualu.

Ekesode 20:13

“Kushipi muntu.

Ekesode 20:16

“Kushiminyinyi mukuenu bualu.

Ekesode 23:1

“Kanuikadi ne biakulakula, kanubuelakanyi ne bena buenzayi bua kubajadikila bualu bua dishima.

Ekesode 34:7

Ndi mfuila bantu luse too ne ku ndelanganyi tshinunu, mbajimijila bubi buabu, buntomboji ne ditupakana diabu. Kadi, tshiena mbingisha muntu udi mupile. Ndi nnyoka bana ba ndelanganyi misatu nansha minayi bua buenzayi bua baledi babu.”

Nsumuinu 11:21

Bushuwa, bantu babi nebabanyoke. Kadi bantu bakane bonsu nebashale amu katakata.

Nsumuinu 17:15

Mubingishi wa muena tshibawu, ne mupishi wa muntu muakane, mbantu babidi badi Maweja-Nangila udiwula mushindu wa momumue.

Yeshaya 33:15

— Amu udi ulonda njila mululame, unemeka bantu, wamba malu malelela, ubenga kukengesha bantu bua kupeta biuma, ubenga badi basue kumubuejila. Kena uteleja badi bamukoka ku dishipangana. Kena utangila, wanyisha badi benza bibi.

Yeshaya 5:20

Bantu bonsu badi bamba bualu buimpe ne: mbubi, bamba bualu bubi ne: mbuimpe, bamba butoke ne: mmidima, bamba midima ne: mbutoke, bamba bintu bisheme ne: bidi ne bululu, bamba bidi ne bululu ne: mbisheme, mbena diakabi.

Lewitiki 19:11

“Kanuibi. Nulekele dishima ne kudingila bena kuenu malu, bua kubakengesha.

Lewitiki 19:16

Kanujanyi bena diku dienu to. Kanufundi mukuenu ku tshilumbu tshidibu mua kumufundila tshibawu tshia lufu to. Bualu Meme ndi Maweja-Nangila.

Nahume 1:3

Maweja-Nangila kena ufika munda lukasa, udi ne bukole bupite. Kadi kena ubingisha muntu udi mupile. Padi Maweja-Nangila wenda, tshipepele tshikole tshidi tshijuka. Mavuba ke lupuishi ludiye ujula padiye wenda.

Luke 3:14

Basolayi kabidi kumukonka ne: — Apu tuetu kabidi, netuenze tshinyi? Yeye kubandamuna ne: — Kanunyengi muntu makuta, nansha ku bukole, nansha ku dimudingila bualu. Kadi nusanke ne bidibu banufuta.

Rome 1:18

Bualu Mvidi Mukulu udi ufikila munda mu diulu, bua bubi buonsu ne malu mabi onsu, bidi bantu benza ku buenzavi buabu, bakandika bulelela bua kabukuatshi mudimu pa wowu.

Efeze 4:25

Nanku lekelayi dishima. Muntu yonsu ambile mukuende bualu amu mudibu. Bualu tuetu bonsu tudi bidimba bia mubidi umue.

Dielulula 25:1

Pikala bena Izrayele babidi batandangana, nebaye kudi balumbuluishi bua kujadika udi mupite ne udi mubinge.

Dielulula 27:25

“Muntu yonsu udi wangata makuta a mabuejila bua kushipa muntu udi kayi ne bualu, asangane muena tshibawu kuenza anyi?” Bonsu ne: “Enze!”

1 Tesalonike 5:22

Bengayi malu mabi a mishindu yonsu.