Ekesode 23:6 - MUKANDA WA MYIDI MUKULU

⁶ “Kanupishi muntu nansha yeye muena dikenga ku dikosa dia tshilumbu kumpala kua bandumbulula padiye wamba bulelela.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Kuhidi kubingisha muntu muhele mu tshilumbu tshiakane tshidiye nʼatshi bualu bua buhele buandi.

Ekesode 23:6 Marejeleo ya Msalaba

2 Kulondolola 19:7

Nunemeke Maweja-Nangila. Nudimuke bua binudi nuenza. Bualu Maweja-Nangila Mvidi Mukulu wenu, kena musue buenzayi, kansungansunga, nansha bintu bia mabuejila.

Yobe 31:13

Pavua muena mudimu wanyi mulume, nansha muena mudimu mukaji ne bualu, mvua mmuteleja, mmulongoluela tshilumbu anu mu buakane.

Nsumuinu 18:5

Kubingishi muena tshibawu, kupishi muntu muakane.

Nsumuinu 22:22

Kunyengi mupele bintu, bua padiye kayi ne bukole. Kupishi muntu ku tshilumbuluilu, udi kayi ne mumulumbuluidi.

Nsumuinu 31:5

Bualu padibu bakuatshika, badi bapua mikenji muoyi, kabayi bakosa bimpe nsambu idi bapele nayi.

Muambi 5:8

Bivua mua kuikala bilenga bipite, kupeta mukalenga wa ditunga udi wambuluisha batshidime.

Yeshaya 5:23

Badi babingisha muena tshibawu, bualu udi ubakosa mishiku. Badi bapisha muntu udi kayi ne bualu.

Yirmeya 5:28

Bena Izrayele badi badiunda bikole, mubidi wabu mmusenene. Kadi badi anu benza malu mabi, kabayi bapungila. Kabena bakosa nsambu pa yoyi, kabena bakuila bana ba nshiya mu bilumbu biabu, bua bamone mua kubinga. Kabena bambuluisha bapele, bua bapete bidibu ne bua kupeta.

Yirmeya 6:28

Bena Izrayele bonsu mbatomboke bikole. Bonsu mbena dishima. Badi ne muoyi mupape bu tshiamu tshikunze nansha tshifike. Bonsu mbena buenzavi.

Yirmeya 7:6

Kanukengeshi muntu muenyi, muana nshiya nansha mukaji mukamba. Kanushipi mu ditunga emu bantu badi kabayi ne bualu. Kanutendeledi mvidie ya bantu ba bisamba bikuabu bua kudikebela diakabi.

Lewitiki 19:15

“Kanulumbuluishi ne kansungansunga. Kanubingishi mupela nansha muena biuma, padiye mupile. Kadi nukose nsambu ya bana benu anu pa yoyi.

Malaki 3:5

Mvidi Mukulu wa bukole buonsu udi ujadika ne: “Nemfike munkatshi muenu bua kunulumbuluisha. Nempishe lukasa bantu badi benza malu a majimbu, badi benda tshiendenda, badi baditshipa mitshipu ya dishima, badi babenga kufuta muena mudimu, badi bakengesha bakaji bakamba, bana ba nshiya ne benyi, nansha bonsu badi kabayi bantshina meme.”

Dielulula 16:19

Kanunyangi tshilumbu tshia muntu. Kanubingishi muena tshibawu. Kanuangatshi tshintu tshia mabuejila. Bualu tshintu tshia nanku, tshidi tshiumbusha mulumbuluishi, nansha yeye muntu wa meji, ku ba muanda, tshimutuma ku ba wetu, bua kunyangaye bilumbu bia bantu.

Dielulula 27:19

“Muntu yonsu udi unyangakaja tshilumbu tshia muana nshiya, tshia mukaji mukamba, nansha tshia muenyi udi munkatshi muenu, asangane muena tshibawu kuenza anyi?” Bonsu ne: “Enze!”

1 Samuele 8:3

Kadi bana abu, kabawa balonda tshilejilu tshia tatuabu Samuwele to. Bavua ne lukuka lua biuma, bangata mabuejila, bakose bilumbu bia bantu bibi.