Ekesode 23:19 - MUKANDA WA MYIDI MUKULU

¹⁹ “Bintu bia kumpala binudi nunowa mu madimi enu, nufike nabi mu nzubu wanyi, bualu ndi Maweja-Nangila Mvidi Mukulu wenu. “Panudi nulamba munyinyi wa muana wa mbuji, kanuedimu mabele a mamuende to.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Bintu bia kumudilu binudi nu huola mu madimi, nulue nʼabi mu nsubu wa Yehowa, Nzambi wenu. Kulambi muana wa mukoko ne mabele a mamu wandi.

Ekesode 23:19 Marejeleo ya Msalaba

Nehemya 10:35

Nanku, tuetu batuangaji, bena Levi, bantu bakuabu, tuvua batshinke, babanyangane mu meku etu, mudimu wa kufila, munkatshi mua tshidimu, nkunyi bua nzubu wa Mvidi Mukulu wetu. Bualu mukenji udi wamba ne: ku tshidimu ku tshidimu, nufile nkunyi mikumbane bua kuosha milambu pa tshilambuilu tshia Maweja-Nangila Mvidi Mukulu wenu.

Nehemya 10:36

Tshidimu tshionsu netufile kabidi mu nzubu wa Mvidi Mukulu bintu bia kumpala bia mu madimi, too ne bimuma bia mitshi yetu.

Ekesode 22:28

“Panudi nupola bintu bia tshianyi bia mu madimi enu, nubindambule lukasa, nansha bimuma bia maluvu. “Nundambule kabidi muanenu wa balume muanabute.

Ekesode 22:29

“Nundambule muanabute wa ngombe yenu, mikoku yenu, mbuji yenu. Muana wa balume wa bimuna abi, neashale kudi mamuende anu matuku muanda mutekete. Dituku dia muanda mukulu numundambule.

Ekesode 34:26

Bintu bia tshianyi binudi nunowa mu madimi enu, nubilambule mu nzubu wa Maweja-Nangila Mvidi Mukulu wenu. Kadi, panudi nulamba munyinyi wa muana wa mukoku nansha wa muana wa mbuji, kanuedimu mabele a mamuende to.”

Nsumuinu 12:10

Muntu muakane mmumanye nansha tshidi bimuna biende bikengela. Muntu mubi udi nabi ne tshikisu.

Nsumuinu 3:9

Ela Maweja-Nangila tuasakidila, umulambule bia ku midimu yebe, umulambule bintu bia tshianyi.

Yirmeya 10:3

Ditendelela dia bantu ba bisamba bikuabu didi anu lupepele, kadiena ne mushinga to. Badi bakosa mutshi mu ditu, muntu usonga nawu lupingu.

Yezekiyele 44:30

Batuangaji nebapete biakudia bia tshianyi bia mu madimi, ne bintu bionsu bidi bena Izrayele bantuadila mu nzubu wanyi. Bantu nebapeshe batuangaji bukula buimpe budibu nabu. Nanku, nembele lupemba.

Yezekiyele 48:13

Buloba bua bena Levi nebuikale bufuanangane ne bua batuangaji. Maloba onsu abidi neikale ne kilometre dikumi ne ibidi ne tshitupa mu bule, kilometre itanu mu butshiama.

Yezekiyele 48:14

Kabena mua kushintakaja nansha kusumbisha, anyi kupesha muntu muaba mu buloba ebu budi bupite makuabu onsu ku buneme, bualu bavua babujidila mu dina dia Maweja-Nangila.

Dibadika 15:21

Nanku, nenundambule mukata wa kumpala unudi nulamba. Mukenji ewu ushale kabidi kashidi kudi ndelanganyi yenu yonsu.

1 Korente 15:20

Kadi Kristu mmubike ku lufu bulelela. Ke patudi mua kujadika ne: bafue bakuabu kabidi nebabike ku lufu.

Dielulula 14:21

Nuenu bena Izrayele, nudi tshisamba tshisunguluke tshia Maweja-Nangila Mvidi Mukulu wenu. Nanku kanuena mua kudia munyinyi wa nyama midifuile to. Nudi mua kuupesha benyi badi munkatshi muenu, nansha kusumbisha benyi bakuabu. Kanuena mua kulamba munyinyi wa muana wa mbuji, mu mabele a mamuende to.

Dielulula 26:10

Ke pandi ndambula Maweja-Nangila biakudia bia tshianyi bia mu ditunga didiye mumpe.” Pashishe muntu awu neateke tshisaka tshia biakudia atshi panshi kumpala kua nzubu wa Mvidi Mukulu, adiele panshi bua kukukuila Maweja-Nangila Mvidi Mukulu wenu.

Dielulula 26:2

muntu yonsu wa kunudi angate tshitupa tshia biakudia bia tshianyi, bidiye mudime mu ditunga adi. Abiele mu tshisaka, atshiteke muaba wikala Maweja-Nangila Mvidi Mukulu wenu musungule bua kumonangana nenu.

Didimanyisha 14:4

Bobu abu kabavua basombe ne bakaji. Kabavua babuele mu dibaka. Badi balonda Muana wa mukoku kuonsu kudiye uya. Bavua babapikule, babumushe munkatshi mua bantu bakuabu, bua bikale milambu ya tshianyi, idibu balambula Mvidi Mukulu ne Muana wa mukoku.