Ekesode 23:18 - MUKANDA WA MYIDI MUKULU

¹⁸ “Kanuena mua kundambula milambu ya mashi a nyama pamue ne mampa adi mela buanga. Kabidi, mu bibilu abi, kanushiyi mafuta a nyama inudi nundambula bua kulalawu ne mu dinda to.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Kanuntendeledi ne mashi a nyama mishiha ne bidia bidi ne luevene hohamue kanushiyi manyi a nyama ya milambu yanyi to ne ku dinda

Ekesode 23:18 Marejeleo ya Msalaba

Ekesode 12:10

Kabidi munyinyi awu nudie ujike dituku dimue. Pikalawu mushale dinda nuwoshe.

Ekesode 12:15

Maweja-Nangila kuamba ne: “Matuku malondangane muanda mutekete, nudie anu mampa kaayi mela buanga. Dituku dia kumpala, numushe manga a mampa onsu adi mu nzubu yenu. Biangatshile ku dituku dia kumpala too ne ku dituku dia muanda mutekete, muntu yonsu udi udia mampa mela buanga, nebamumushe munkatshi mua bena Izrayele.

Ekesode 12:8

Butuku abu nebakange munyinyi awu. Nebaudie ne mampa adi kaayi mela buanga, kabidi ne biseki bia buanji.

Ekesode 16:19

Moshe kubambila kabidi ne: — Biakudia ebi, nubidie bijika anu dituku dimue.

Ekesode 29:34

Pikala mampa awu ne munyinyi bishale too ne ku dinda, kanuena mua kubidia kabidi to, nubioshe, bualu mbintu bia tshijila.

Ekesode 34:25

“Kanuena mua kundambula mulambu wa mashi a nyama pamue ne mampa adi mela buanga. Kabidi munyinyi wa nyama wa dituku dia Dipita dia Maweja-Nangila, nuudie ujike dituku adi.

Lewitiki 2:11

“Kadi, kanuena mua kuela buanga bua mampa mu mulambu nansha umue unudi nulambula Maweja-Nangila to. Panudi nulongolola mulambu wa kuoshila Maweja-Nangila, kashidi kenu kanuena mua kuelamu buitshi, nansha buanga bua mampa to.

Lewitiki 7:12

“Padi muntu ulambula Maweja-Nangila nyama wa mulambu, wimba ne musangu bua kumutumbisha, asakidile kabidi milambu eyi: mulambu wa mikata mikanga kayiyi miela buanga bua mampa, wa tuampa tukese tulaba mafuta, katuyi tuela buanga bua mampa, ne wa mikata mienza ne bukula busambakaja ne mafuta.

Lewitiki 7:15

Kadi bua munyinyi wa nyama wa mulambu wa bobumue, baudie ujika onsu anu dituku dimue, kauladi to.

Dielulula 16:4

Matuku awu onsu muanda mutekete, kanuena mua kulama buanga bua mampa mu ditunga dienu dijima. Munyinyi wa nyama unu-vua balambula Maweja-Nangila dilolu dia dituku dia kumpala, nuudie, ujika anu dituku adi.