Ekesode 23:14 - MUKANDA WA MYIDI MUKULU

¹⁴ “Nuikale nungenzela bibilu bisatu ku tshidimu tshionsu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Nuenu nenudie bidia bia disanka ku mesu kuanyi misangu isatu ku tshidimu ku tshidimu.

Ekesode 23:14 Marejeleo ya Msalaba

1 Bakalenga 9:25

Mukalenga Shelomu, mua ulambula milambu ya kuosha ne ya bobumue misangu isatu ku tshidimu tshionsu. Uvua osha milambu ayi mu dina dia Maweja-Nangila patshilambuilu tshivuaye muashile Maweja-Nangila. Nanku, mu nzubu wa Mvidi Mukulu bavua benzelamu mudimu uvuabu bamuibakila.

2 Kulondolola 8:13

Bilondeshile mikenji ivua Moshe mumane kujadika bua dituku dionsu dia bualu, Shelomu uvua ulambula milambu dituku dia Dikisha, dituku dia kumpala dia ngondu, ne mu bibilu bisatu binene bia ku tshidimu: Dituku dia Mampa kaayi mela buanga, dia Dinowa biakudia, ne dia tuzubu tua Bisasa.

Ekesode 23:17

Nanku bantu balume bonsu nebikale bamueneka kumpala kua Maweja-Nangila misangu isatu ku tshidimu mu bibilu abi.

Ekesode 34:17

“Kanuenji mvidie ya tshiamu bua kuyitendelela.

Ekesode 34:18

“Mu ngondu wa Abibe unuvua bapatuke mu Ejipitu, nuikale nuenza tshibilu tshia dipatuka dienu. Matuku malondangane muanda mutekete, nudie mampa kaayi mela buanga, bu mumvua mumane kunuambila.

Yezekiyele 46:9

Kadi, pikala bantu bafike bua kuntendelela meme Maweja-Nangila mu bikondu bisunguluke, badi babuela ku tshiibi tshia luseke lua ku mutu wa nzubu, nebapatukile ku tshiibi tshia luseke lua kuinshi. Badi babuela ku tshiibi tshia luseke lua kuinshi, nebapatukile ku tshiibi tshia luseke lua ku mutu wa nzubu. Muntu nansha umue kena mua kupatukila muaba udiye mubuelele to. Kadi muntu yonsu neapatukile ku tshiibi tshikuabu, tshidi tshitangilangane ne tshivuaye mubuelele.

Lewitiki 23:16

Nanku nubadike matuku makumi atanu too ne ku dituku didi dilonda dituku dia Dikisha dia musangu wa muanda mutekete. Dituku adi, nudi ne bua kundambula mulambu mukuabu wa biakudia binudi banowa mu madimi enu.

Lewitiki 23:34

bua amanyishe bena Izrayele mikenji idi ilonda eyi ne: “Biangatshile ku matuku dikumi ne atanu a ngondu wa muanda mutekete, nenungenzele tshibilu tshia tuzubu tua Bisasa lumingu lujima, bua kunnemeka.

Lewitiki 23:4

“Matuku makuabu a bibilu anudi mua kudisangisha mua kuntumbisha adi nenku:

Lewitiki 23:5

“Dilolu dia matuku dikumi ne anayi a ngondu wa kumpala, nuikale nungenzela ku tshidimu tshionsu tshibilu tshia Dipita dianyi meme Maweja-Nangila.

Dielulula 16:1

Nuenu bena Izrayele, nuvuluke mua kuenzela Maweja-Nangila Mvidi Mukulu wenu tshibilu tshia Dipita diende, mu ngondu wa Abibe wa tshidimu tshionsu. Bualu Maweja-Nangila mmunupatule mu Ejipitu anu mu ngondu awu butuku.

Dielulula 16:16

Ku tshidimu tshionsu, bantu balume bonsu badi munkatshi muenu, nebadileje kudi Maweja-Nangila misangu isatu, muaba wikalaye musungule, bua tshibilu tshia mampa adi kaayi mela buanga, bua tshibilu tshia Dinowa biakudia, ne bua tshibilu tshia tuzubu tua Bisasa. Kadi muntu kafiki mu nzubu wa Mvidi Mukulu wenu kayi ne tshintu tshia kumulambula to.

1 Samuele 1:3

Tshidimu tshionsu, Elkana uvua umuka mu tshimenga tshia Rama, uya mu nzubu wa Mvidi Mukulu wa ku Silo bua kutendelela Maweja-Nangila Mvidi Mukulu wa Izrayele, ne kumulambula milambu. Ofni ne Pinhase, bana ba balume babidi ba mutuangaji Eli, ke bavua batuangaji ba Maweja-Nangila mu Silo.