Ekesode 23:11 - MUKANDA WA MYIDI MUKULU

¹¹ Kadi, tshidimu tshia muanda mutekete, kanudimi to. Bidi bishale pa madimi nebabiangate kudi bapele banudi nabu, bikuabu nebabidie kudi nyama ya mu mpata. Nuenze nanku kabidi bua mitshi yenu inudi nukuna ya maluvu ne ya tumuma tua olive.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ kadi tshidimu tshia muanda mutekete nushiye buloba bua kututuka ne bualu bua bantu bahele ba munkatshi muenu badie bintu, ne bintu bidibo bashiye, nyama ya mu mpata neyibidie. Nuenze mitshi yenu ya tumuma tukese nunku ne mitshi ya olive kabidi.

Ekesode 23:11 Marejeleo ya Msalaba

Nehemya 10:31

Nanku, katuena basue kuselesha bana betu ba bakaji kudi bantu bavua bashale mu buloba buetu, patuvua mu bupika. Kabidi bana betu ba balume kabena mua kusela bakaji ba bantu aba to.

Nehemya 10:32

Dituku dia Dikisha, nansha dia tshibilu, pikala bantu aba basue kusumbisha ntete ya kuenza bukula, nansha bintu biabu bia mu madimi, katuena tubisumba to. Pashishe, netulekele kudima tshidimu tshia muanda mutekete, netulekelangane kabidi mabanza.

Ekesode 23:10

“Bidimu bilondangane bisambombu, nukune biakudia, nubinowe kabidi.

Ekesode 23:12

“Nuenze midimu yenu matuku asambombu. Kadi nuikishe dituku dia muanda mutekete, bua bapika benu ne benyi benu badi banukuatshila mudimu bamone mua kuikisha, kabidi bua nyama yenu ya mpunde ne ya ngombe imone mua kuikisha payi.

Lewitiki 25:20

“Kadi bumue nenukonkangane ne: ‘Bu mutudi katuyi badime, katuyi banowe mu tshidimu tshionsu tshia muanda mutekete, netupete biakudia bikumbane anyi?’

Lewitiki 25:22

Nenku tshidimu tshia muanda mukulu, nenukune biakudia kabidi. Kadi nenuikale nudia anu biakudia bivua bishale bia tshidimu tshisambombu atshi. Nenuikale ne biakudia bikumbane bidi binufikisha too ne ku dinowa dia biakudia bia mu tshidimu tshia tshitema.

Dibadika 16:14

Bushuwa, kuena mutufikishe mu ditunga didi ne biakudia bia bungi to. Katuena bapiane madimi a mvinyo, nansha madimi makuabu to. Udi wela meji ne: tudi bampofu anyi? Katuena basue kufika to!

Dielulula 15:11

Mu ditunga dienu nemuikale bapele misangu yonsu. Ke pandi nnuambila ne: nuikale ne muoyi muimpe. Nuvuluke bana benu bapele, ne bena dikenga badi munkatshi muenu.