Ekesode 22:22 - MUKANDA WA MYIDI MUKULU

²² Bualu bobu badile, bambikile, nembateleje.

Mukanda wa Nzambi Dihungila Dikulukulu ne Dihungila Dihia-dihia 2003

²² Kanukengeshi bakashi ba mu lufuila anyi bana ba nshiya.

Ekesode 22:22 Marejeleo ya Msalaba

Yobe 31:16

Mvua mubenge kuambuluisha bapele anyi? Mvua mushiye bakaji bakamba mu dikenga anyi?

Yobe 34:28

Bu muvuabu bakengesha bakengi ne bapeta, bobu abu bavua bela mbila kudi Mvidi Mukulu, bua abambuluishe. Nanku, Mvidi Mukulu kumvua mbila ayi.

Misambu 10:14

Kadi wewe kuena mpofu! Udi umona dikenga ne disumpakana dia bapele! Udi amu ukeba kubambuluisha! Muena dikenga mmudilekelela kuudi! Wewe ke udi wambuluisha muana nshiya.

Misambu 34:7

Maweja-Nangila udi uteleja mupela udi umuela mbila, ujikija dikenga diende dionsu.

Nsumuinu 22:23

Bualu Maweja-Nangila neabakuile; kabidi neashipe badi babanyenga bintu.

Nsumuinu 23:10

Kutentudi mikalu ya kale bua wewe kunyenga bana ba nshiya lupangu.

Nsumuinu 23:11

Bualu badi ne mubalumbuluidi wa bukole buonsu, ke Mvidi Mukulu. Neabasombuele kuudi.

Yeshaya 1:17

Kadi enzayi malu makane, ambuluishayi bantu bua benzelangane bimpe, nukandike badi bakengesha bantu bakuabu. Vulukayi muana nshiye, bua apete tshidiye ne bua kupeta. Akuilayi mukaji mukamba.”

Yeshaya 1:23

Bamfumu benu bakadi bantomboji, badi bumvuangana ne bivi. Badi banyisha mabuejila, basue bonsu bua bantu babasankishe. Kabena bakuila bana ba nshiye ku kabadi! Kabena bateleja mukaji mukamba.

Yeshaya 10:2

Nudi nubenga kuteleja bantu banyi, badi kabayi ne bukole. Nudi nubenga kupesha bapele, bidibu ne bua kupeta. Nudi nunyenga bakaji bakamba bidibu nabi, nuiba bana ba nshiye bintu biabu.

Yirmeya 7:6

Kanukengeshi muntu muenyi, muana nshiya nansha mukaji mukamba. Kanushipi mu ditunga emu bantu badi kabayi ne bualu. Kanutendeledi mvidie ya bantu ba bisamba bikuabu bua kudikebela diakabi.

Yirmeya 7:7

Nuenu badilengeje nanku, meme Maweja-Nangila nenganyishe bua nuenu kusomba mu ditunga edi, dimvua mumane kupesha bankambua benu kashidi ne kashidi.

Yezekiyele 22:7

Muebe, muntu kena unemeka tatuende nansha mamuende. Badi bakengesha benyi, batatshisha bana ba nshiya ne bakaji bakamba.

Zekâya 7:10

Kanukengeshi bakaji bakamba, bana ba nshiye, benyi nansha bapele. Kanuedi meji nansha makese, a kuenzelangana bibi.”

Malaki 3:5

Mvidi Mukulu wa bukole buonsu udi ujadika ne: “Nemfike munkatshi muenu bua kunulumbuluisha. Nempishe lukasa bantu badi benza malu a majimbu, badi benda tshiendenda, badi baditshipa mitshipu ya dishima, badi babenga kufuta muena mudimu, badi bakengesha bakaji bakamba, bana ba nshiya ne benyi, nansha bonsu badi kabayi bantshina meme.”

Matayi 23:14

Nuenu balongeshi ba mikenji ne Baparushe, nudi bena diakabi, bualu nudi bena mpala ibidi! Nudi nutendelela mutantshi mule, bua bantu banumone bu bantu bimpe. Kadi nudi nunyenga bakaji bakamba bionsu bidibu nabi. Nanku nebanunyoke bikole bipite!]

Dielulula 10:18

Maweja-Nangila udi wakuila bakaji bakamba ne bana ba nshiya. Udi unanga bantu benyi badi munkatshi muenu, ubapesha bilamba ne biakudia.

Dielulula 15:9

Nudimuke. Kanuikadi ne meji mabi a ne: tshidimu tshia muanda mutekete tshia kulekelangana mabanza tshidi pabuipi. Kanutatshishi muanenu mupele bua bualu abu. Kanumupadi tshintu tshidiye ulomba. Bualu yeye mudidile Maweja-Nangila, nenuikale bena tshibawu.

Dielulula 24:17

Kanunyangi tshilumbu tshia muenyi nansha tshia muana nshiya, kanumukengeshi. Tshilamba tshia mukaji mukamba kanutshikuatshi lukole to.

Dielulula 24:18

Nuvuluke munu vua bapika mu Ejipitu. Maweja-Nangila Mvidi Mukulu wenu kunupatulamu. Ke pandi nnuambila ne: nukumbaje mikenji eyi.

Dielulula 27:19

“Muntu yonsu udi unyangakaja tshilumbu tshia muana nshiya, tshia mukaji mukamba, nansha tshia muenyi udi munkatshi muenu, asangane muena tshibawu kuenza anyi?” Bonsu ne: “Enze!”

Yakobe 1:27

Bantu badi banemeka Mvidi Mukulu Tatu menemene, ke badi bambuluisha bana ba nshiya, ne bakaji bakamba, mu makenga abu, badilama ku bubi buonsu budi bufuma panu.