Ekesode 21:6 - MUKANDA WA MYIDI MUKULU

⁶ nanku mfumuende nealombe Mvidi Mukulu bua ajadike bualu ebu. Nebimanyike muntu awu ku tshiibi nansha ku tshipanda tshia ku nzubu kuende. Nebamutubule ditshi muaba awu, bua ashale mupika too ne ku lulu luende.

Mukanda wa Nzambi Dihungila Dikulukulu ne Dihungila Dihia-dihia 2003

⁶ nunku mukelenge wandi nealue handi kudi balumbuluishi, nealue handi ku tshibi anyi ku tshibanda tshia tshibi ne mukelenge wandi neatubuishe ditshu diandi ne tshiamu ne yeye neamukuatshile mudimu tshiendelele.

Ekesode 21:6 Marejeleo ya Msalaba

1 Bakalenga 12:7

Bakulu kuandamuna ne: — Wewe mubaleje muudi musue kuenzela bantu bebe mudimu, kuikala muntu wa bantu, wewe mubandamune meyi mimpe, nebikale bena mudimu bebe kashidi.

Misambu 82:1

Musambu wa mu mukanda wa misambu ya Asafe. Mvidi Mukulu udipu, muela munkatshi kudi tshipangu tshiende, munkatshi mua mvidie udi ukosa nsambu pa yoyi wamba ne:

Ekesode 12:12

“Butuku abu, meme Maweja-Nangila nempitshile mu ditunga dia Ejipitu. Nenshipe bamuanabute bonsu ba bantu ne ba nyama. Kabidi nembutule mvidie idi bena Ejipitu batendelela.

Ekesode 21:22

“Pikala bantu balume batandangane, mukuabu kusakila mukaji muikale ne difu, mukaji kutula difu adi, kayi mushale usama, uvua mumusakile neafute tshibawu tshionsu tshikala bayende wa mukaji mulombe kudi balumbuluishi.

Ekesode 21:5

Pikala muntu awu wamba ne: ndi munange mfumuanyi, ndi musue kushala ku bupika bua kusombela mukajanyi ne bana banyi,

Ekesode 21:7

“Muntu musumbishe muanende wa bakaji ku bupika, kabena batekela mukaji awu bu mudibu batekela muntu mulume to.

Ekesode 22:28

“Panudi nupola bintu bia tshianyi bia mu madimi enu, nubindambule lukasa, nansha bimuma bia maluvu. “Nundambule kabidi muanenu wa balume muanabute.

Yeshaya 1:26

Nenkupingajile bandumbulula bimpe, amu muvua bebe ba ku tshibangidilu. Bafidi bebe ba ngenyi nebafile ngenyi mimpe, amu muvuabu benza ku kale. Nenku nebakuinyike ne: ‘Tshimenga tshia buakane,’ ‘Musoku udi bantu ne muoyi umue.’ ”

Lewitiki 25:23

“Kanuena mua kusumbisha buloba bua kashidi to, bualu buloba mbuanyi meme Maweja-Nangila. Nuenu nudi anu bena tshimuangi, benyi badi basombe mu ditunga dianyi meme.

Lewitiki 25:40

Kadi enze mudimu, apete difutu, bu mudi muena mudimu, nansha bu mudi muenyi udi ku nzubu kuenu, upeta. Anukuatshile mudimu too ne ku tshidimu tshia ‘Mufikilu’ wa disanka dinene.

Sefanya 3:3

Bamfumu ba tshimenga etshi badi bu nyama ya ntambue idi ikungula. Balumbuluishi babu badi bu bimungu, bidi bikeba biakudia dilolu. Kadi kabiena bishiya tshintu tshia kudia mu dinda.

Dielulula 1:16

Pashishe meme kuambila balumbuluishi bua bakose bilumbu bia bantu mushindu ewu: “Nuteleje bilumbu bia bana benu bimpe. Padi tshilumbu pankatshi pa muena Izrayele ne muanabu, nansha ne muenyi udi munkatshi muenu, nutshikose anu pa tshiotshi.

Dielulula 15:16

Pikala mupika mulume anyi mukaji mununange nuenu ne bena diku dienu, ubenga mua kumuka, bualu udi musombe bimpe,

Dielulula 15:17

munuimanyike ku tshiibi tshia nzubu. Nuangate mulonda, numutubule ditshi, bua ashale mupika wenu too ne ku lufu luende.

Dielulula 16:18

Mu bimenga bionsu bikale Maweja-Nangila Mvidi Mukulu wenu munupe bua kusomba, nusungule balumbuluishi ne bulombodi, badi mua kulumbuluisha bantu bonsu ba mu bisamba bienu, kakuyi kansungansunga.

1 Samuele 1:22

Kadi musangu awu, Ane kavua muye ne bayende to. Uvua muambila bayende ne: “Ndi muindila bua muana alekele kuamua dibela. Pashishe nenye nende ku Silo, nemmulambule Maweja-Nangila, ashaleku mu nzubu wende kashidi.”

1 Samuele 27:12

Ke muvua mukalenga Akishe witaba Davide bikole. Bualu uvua wela meji ne: “Bu mudi bena Izrayele babenga Davide. Yeye neangenzele mudimu kashidi.”

1 Samuele 28:2

Davide kuandamuna ne: — Eyowa, mukalenga wewe nkayebe neudimuene tshindi ngenza. Mukalenga Akishe kuandamuna ne: — Mbimpe bitambe! Nanku ndi nkuteka pabuipi nanyi. Wikale undama meme kashidi.