Ekesode 21:26 - MUKANDA WA MYIDI MUKULU

²⁶ “Pikala muntu mutuute mupika wende mulume nansha mukaji mumushipe disu, amumushe ku bupika bua kufuta disu diende adi.

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Biatuta muntu muhika wandi mulume anyi muhika wandi mukashi ku disu, ne biafuadi, yeye neamumushe ku butaka buandi bualu bua disu diandi.

Ekesode 21:26 Marejeleo ya Msalaba

Nehemya 5:5

Kadi tudi bantu ba tshisamba tshimue! Bana betu kabena bashilangane ne bana ba bena Yuda bakuabu to. Kadi tuetu tudi ne bua kufila bana betu mu bupika. Bana betu ba bakaji bakadi mene bamane kubuelamu. Katuena ne tshitadi mua kuenza kabidi to. Bualu madimi etu, ne mionji yetu ya mvinyo, mbamane kubiangata.”

Misambu 10:14

Kadi wewe kuena mpofu! Udi umona dikenga ne disumpakana dia bapele! Udi amu ukeba kubambuluisha! Muena dikenga mmudilekelela kuudi! Wewe ke udi wambuluisha muana nshiya.

Misambu 10:18

miadi ya bana ba nshiya ne ya bantu badibu bakengesha. Nanku pa buloba kapakuikala kabidi muena tshikisu.

Misambu 9:12

Tumbishayi Maweja-Nangila ne misambu. Nkuasa wende udi pa mukuna wa Siyone. Numanyishe bukua bisamba bidiye muenze.

Ekesode 21:20

“Muntu mutuute mupika wende mulume nansha mukaji ne mutshi, mumushipe musangu umue, numunyoke.

Ekesode 21:24

Mushipianganyi wa disu, bamushipe diende. Mupodianganyi wa dinu, bamupole diende. Mukoshanganyi wa tshianza, bamukose tshiende. Mukoshanganyi wa dikasa, bamukose diende.

Ekesode 21:25

Moshanganyi wa kapia, bamoshe kende. Mutapianganyi wa mputa, bamutape pende. Mututshianganyi, bamufute pende.

Ekesode 21:27

Pikala muntu mupole dinu dia mupika wende mulume nansha mukaji, amumushe ku bupika bua kufuta dinu diende adi.

Efeze 6:9

Kadi nuenu bamfumu ba bapika, nunemeke bapika benu amu mushindu wa momumue. Kanubakanyinyi nansha. Nuvuluke ne: nuenu ne bapika benu, nudi amu ne Mfumu umue mu diulu, udi kayi ne kansungasunga.

Dielulula 16:19

Kanunyangi tshilumbu tshia muntu. Kanubingishi muena tshibawu. Kanuangatshi tshintu tshia mabuejila. Bualu tshintu tshia nanku, tshidi tshiumbusha mulumbuluishi, nansha yeye muntu wa meji, ku ba muanda, tshimutuma ku ba wetu, bua kunyangaye bilumbu bia bantu.

Kolose 4:1

Nuenu bamfumu, enzelayi bapika benu bilenga bionsu binudi ne bua kubenzela. Nuvuluke ne: nuenu kabidi nudi ne Mfumu mu diulu.