Ekesode 20:7 - MUKANDA WA MYIDI MUKULU

⁷ “Kutedi dina dianyi meme, Maweja-Nangila Mvidi Mukulu webe, tshitelatela, bualu meme nengangate muntu yonsu udi kayi unemeka dina dianyi bu muena tshibawu.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Kutedi dina dia Yehowa, Nzambi webe, tshitelatela, bua Yehowa kena ubingisha muntu udi utela dina diandi tshitelatela.

Ekesode 20:7 Marejeleo ya Msalaba

Genese 27:20

Izake kumukonka ne: — Muananyi, wapetshi bimvua mukulombe anu lukasa lukasa nanku mushindu kayi? Yakobe kuandamuna ne: — Maweja-Nangila Mvidi Mukulu webe uvua muntutshishe dikasa dimpe mu njila.

1 Bakalenga 2:9

Kadi, mpindiewu wewe udi ne lungenyi, kuedi meji ne: Shimeyi kena ne bualu to. Udi mumanye tshiudi mua kumuenzela. Nansha mudiye mumane kukulakaja, uvuluke bua kumushipabu.”

2 Bakalenga 5:20

Ngeyazi, muena mudimu wa muambi Elisha kuela meji ne: “Mfumuanyi Elisha mmubenge bintu bionsu bivuabu bamulambula kudi Namane, muena Siriya. Nanku, bu mudi Maweja-Nangila ne muoyi, ndi ndonda Namane bua kupeta bintu bikuabu bidiye nabi!”

Misambu 139:20

Badi bakutela bua kudinga, badi batela dina diebe bua kushima.

Nsumuinu 30:9

Bualu meme ne bintu bipite bungi, ndi mua kukuvila ne: ‘Tshidi Mvidi Mukulu wenza ntshinyi?’ Kadi meme mupele menemene, ndi mufuane kuiba, bua kupepeja nanku Mvidi Mukulu wanyi.”

Yirmeya 34:16

Kadi nuenu kukudimuna meji enu. Nanku nuenu kumpepeja. Nuenu bamane kulekela bapika benu balume nansha bakaji bua baye kuonsu kuvuabu basue, ke nuenu kubakuata tshiakabidi, kubenzeja ku bukole bua bapingane ku bupika.”

Yirmeya 4:2

Wewe muikale muntu wa muoyi umue, wa buakane ne wa luse, wewe muditshipe muambe ne: “Ndi nditshipa mu dina dia Maweja-Nangila udi ne muoyi”, nanku bisamba bia bantu bakuabu nebindombe bua meme kubiela lupemba. Nebisanke bualu buanyi meme Maweja-Nangila.

Yezekiyele 39:7

Nenkuate mudimu bua bantu banyi bena Izrayele bamanye mundi wa tshijila. Tshiena musue buabampeje kabidi to. Bisamba bikuabu nebimanye kabidi ne: meme ndi Maweja-Nangila Mvidi Mukulu wa tshijila wa bena Izrayele.

Lewitiki 19:12

Kanutshipi mutshipu wa dishima, nutela dina dianyi, to. Bualu nudi mua kupetula dina dianyi meme, Maweja-Nangila Mvidi Mukulu wenu.

Malaki 3:5

Mvidi Mukulu wa bukole buonsu udi ujadika ne: “Nemfike munkatshi muenu bua kunulumbuluisha. Nempishe lukasa bantu badi benza malu a majimbu, badi benda tshiendenda, badi baditshipa mitshipu ya dishima, badi babenga kufuta muena mudimu, badi bakengesha bakaji bakamba, bana ba nshiya ne benyi, nansha bonsu badi kabayi bantshina meme.”

2 Korente 1:23

Ndi mbikila Mvidi Mukulu, bua ajadike bindi ngamba mpindiewu — eyowa, meme mushime, anshipe! — Nanku ndi ngamba ne: tshi vua musue kupingana ku Korente, amu bua kunuenzela bimpe.

Dielulula 10:20

Nunemeke Maweja-Nangila Mvidi Mukulu wenu, numulamate amu yeye. Nuntendelele, nuditshipe anu mu dina diende.

Dielulula 5:11

“Kanutedi dina dianyi meme Maweja-Nangila Mvidi Mukulu wenu tshitelatela, bualu meme nennyoke muntu yonsu udi kayi unemeka dina dianyi.

Dielulula 6:13

Numunemeke, numutendelele amu yeye nkayende. Nutshipe amu mu dina diende.

Yakobe 5:12

Nangananga, bana hetu, panudi nulaya bualu, kanuditshipi, nutela diulu, buloba, nansha tshintu tshikuabu. Panudi nuitaba, nuambe amu ne: “Eyowa.” Panudi nubenga, nuambe amu ne: “To,” bua Mvidi Mukulu kanupishi.

Yoshua 2:12

Kadi mpindiewu, nuditshipe bualu buanyi kudi Maweja-Nangila ne: nenufuile bena diku dianyi luse, bu mundi munuenzele bimpe. Numpeshe tshintu tshidi mua kunjadikila patoke binudi nuamba.

Yoshua 2:17

Bantu balume abu kumuambila ne: — Tuetu netukumbaje mitshipu iuvua mututshipishe.

Yoshua 9:20

Tudi tubalekela ne muoyi, bualu tudi bamane kuditshipa. Tuetu katuyi benze nanku, Mvidi Mukulu neatufikile munda. Kadi umvuayi tshitudi basue kuenza: