Ekesode 20:26 - MUKANDA WA MYIDI MUKULU

²⁶ Pashishe, tshilambuilu katshikadi ne bibandilu to, bualu butaka bua udi ubanda bua kundambula milambu budi mua kumueneka.

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Kanubandi ku tshioshelu tshianyi ha tshibanda, bantu kabatangidi butaka buebe.

Ekesode 20:26 Marejeleo ya Msalaba

Misambu 89:7

Maweja-Nangila, kuena ne wa kukuidikija nende mu diulu amu, nansha ku bamvidie bonsu, kakuena mvidie udi bu wewe.

Ekesode 28:42

Ubatelele kabidi tuputula tua muinshi tua buanda bua ndanda, tumukila mu tshimonu too ne mu binu bua butaka buabu kabumueneki.

Ekesode 28:43

Bilamba abi, Arone ne bana bende ba balume babivuale anu padibu babuele mu ntenta wa kusambakena, nansha padibu baye pabuipi ne tshilambuilu tshidi muaba wa tshijila bua mudimu wa butuangaji, nanku butaka buabu kabuakumueneka, kabuena bubakebela lufu to. Arone alame mukenji ewu kashidi ne ndelanganyi yende yonsu.

Muambi 5:1

Kuambi bualu, kuyi muanji kuela meji. Kulayi Mvidi Mukulu malaya ebe lukasa lukasa. Mvidi Mukulu udi mu diulu, wewe udi pa buloba. Nanku miaku iudi wamba ikale mikese.

Yezekiyele 43:17

Tshibumba tshibidi tshia tshilambuilu tshivua kabidi ne butshiama bua momumue ku nseke yonsu inayi, metre muanda mutekete. Tshivua ne mubangu luseke lua lubanza, uvua ne centimetre makumi abidi ne itanu mu butumbuke. Mukidi uvua unyungulule tshibumba atshi, uvua ne santimetre makumi atanu mu butumbuke. Bavua babanda ku tshilambuilu pa tshibandilu tshivua luseke ludi diba dipatukila lua nzubu.

Lewitiki 10:3

Nanku Moshe kuambila Arone ne: — Ke muvua Maweja-Nangila mumane kukudimuka, pawaye wamba ne: “Bonsu badi bangenzela mudimu, badi ne bua kunnemeka, bualu ndi wa tshijila. Bantumbishe, bantu bonsu batangile.” Arone kushala mupuwa.

1 Petro 1:16

Bualu Mukanda wa tshijila udi ujadika ne: “Ikalayi bantu ba tshijila, bualu meme ndi wa tshijila.”