Ekesode 20:16 - MUKANDA WA MYIDI MUKULU

¹⁶ “Kushiminyinyi mukuenu bualu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Kudingidi mukuenu.

Ekesode 20:16 Marejeleo ya Msalaba

Misambu 15:3

Kena unyangila bakuende lumu, kena wenzela balunda bende bibi, kena upenda muena mutumba.

Ekesode 23:1

“Kanuikadi ne biakulakula, kanubuelakanyi ne bena buenzayi bua kubajadikila bualu bua dishima.

Nsumuinu 10:18

Muntu udi utekelangana lukinu mu musokoku, udi muena lubombu. Yonsu udi utumpilangana malu ku mesu a bantu, mmuntu mutshimbakane.

Nsumuinu 11:13

Muena bijanu udi wela malu masokome patoke. Muntu mujalame udi ulama malu awu munda muende.

Nsumuinu 19:5

Badi banyoka muntu udi ujadika malu a dishima. Udi udinga bantu mmuena tshibawu.

Nsumuinu 25:18

Muntu udi ujadikila mukuende malu a dishima, udi umushipa, bu mudi tshikowa, muele wa mvita, nansha mukete mutue, bishipangana.

Lewitiki 19:11

“Kanuibi. Nulekele dishima ne kudingila bena kuenu malu, bua kubakengesha.

Lewitiki 19:16

Kanujanyi bena diku dienu to. Kanufundi mukuenu ku tshilumbu tshidibu mua kumufundila tshibawu tshia lufu to. Bualu Meme ndi Maweja-Nangila.

Lewitiki 19:18

Kanudisombuedi ne bana benu, kanujilanganyi nabu. Muntu yonsu wa kunudi anange muanabu, bu mudiye mudinange. Bualu Meme ndi Maweja-Nangila.

Matayi 19:18

Muntu awu kukonka ne: — Ngitabe ku mikenji kaayi? Yezu kuandamuna ne: — Kushipi muntu. Kubueledi mukaji wa bende mu nzubu. Kuibi. Kushiminyinyi muntu bualu.

Luke 3:14

Basolayi kabidi kumukonka ne: — Apu tuetu kabidi, netuenze tshinyi? Yeye kubandamuna ne: — Kanunyengi muntu makuta, nansha ku bukole, nansha ku dimudingila bualu. Kadi nusanke ne bidibu banufuta.

Bienzedi 6:13

Kubilabu kabidi bantu bavua bamushiminyina malu, bamba ne: — Muntu ewu udi amu usendeka nzubu wetu wa tshijila, ne mikenji ya Moshe!

Efeze 4:31

Lekelayi kanyinganyinga konsu, bumfika munda, ne tshiji tshionsu. Kanuedianganyi mbila ya bipendu. Kanuikadi ne lukinu kudi muntu nansha umue.

Dielulula 5:20

“Kanushiminyinyi mukuenu bualu.

1 Timote 1:10

bena buendenda, bakulumpe badi banyanga bana, bantu badi basumbishangana bapika, bena dishima, bantu badi baditshipa mitshipu ya dishima, ne bonsu badi benza malu adi abengangana ne dilongesha dilelela.

2 Timote 3:3

Nebikale bantu ba malu makole, kabayi ne luse. Nebikale bena bijanu, bena tshikisu, bena lonji, baluishi ba bantu badi benza bimpe.

Yakobe 4:11

Bana hetu, kanujananganyi to. Udi ujana muanabu, nansha umupisha, udi ujana mikenji, nansha uyipisha. Kadi paudi upisha mikenji, kuena uyitumikila kabidi, bualu udi uyitangila bu mibi.